Matiu 16:22 - EBƆRƐ BE KAWƆL

²² Ndoŋ nna nɛ Pita keta mo n lar ekarso n ya fara nɛ e fiɛ mo so a kaŋɛ: “Enyɛnpe, Ebɔrɛ e yɛr kusɔ nɛ fo kaŋɛ na kufɔ. Loŋ be kesheŋ maŋ daga k kaa nya fo kikɛ.”

Matiu 16:22 ပူးပေါင်းရင်းမြစ်များ

1 Bewura 22:13

Esa nɛ e daŋ yɔ Mikaya kutɔ na daŋ ya kaŋɛ mo nna le: “Anebiana na kikɛ daŋ wu ŋ kaŋɛ nna fanɛ ewura na beeŋ kɔ m pɔɔ so, amoso fo alɛ gba e ya kaŋɛ loŋ.”

Matiu 16:21

Yili kumo be kamɔnchɛ na a yɔ nɛ Yesu fara a ŋini mbe bebɛsopo na le: “A daga ŋ ka yɔ Jerusalɛm n ya ji awurfoŋ ga benimuana nɛ bɔrɛmatapowuraana nɛ mbraŋinipoana na be enɔ to. Baaŋ mɔ ma nɛ n tiŋi luwu na to kumo be kachɛ sasopo to.”

Matiu 16:23

Nɛ Yesu kilgi ŋ kaŋɛ Pita le: “Shile ashi ma so Setani. Fee kagle ma to nna na, ŋkpal manɛ so, fo nfɛra ere la nyiŋgbasa be nfɛra nna a maŋ la Ebɔrɛ peya.”

Maak 8:32

E bugi le be demu to nɛnɛ ŋ kaŋɛ bumo. Nɛ Pita keta mo n lar ekarso n ya fara nɛ e fiɛ mo so.