Matiu 16:21 - EBƆRƐ BE KAWƆL

²¹ Yili kumo be kamɔnchɛ na a yɔ nɛ Yesu fara a ŋini mbe bebɛsopo na le: “A daga ŋ ka yɔ Jerusalɛm n ya ji awurfoŋ ga benimuana nɛ bɔrɛmatapowuraana nɛ mbraŋinipoana na be enɔ to. Baaŋ mɔ ma nɛ n tiŋi luwu na to kumo be kachɛ sasopo to.”

Matiu 16:21 ပူးပေါင်းရင်းမြစ်များ

Matiu 12:40

Kananɛ Jona daŋ baŋ ji nchɛ asa nɛ nnyɛ asa kɔrɔtɔgboŋ na be epun to na, loŋ gbagba na nɛ ma, Nyiŋgbasa Pibinyɛn na beeŋ ji nchɛ asa nɛ nnyɛ asa kasawule to.

Matiu 16:22

Ndoŋ nna nɛ Pita keta mo n lar ekarso n ya fara nɛ e fiɛ mo so a kaŋɛ: “Enyɛnpe, Ebɔrɛ e yɛr kusɔ nɛ fo kaŋɛ na kufɔ. Loŋ be kesheŋ maŋ daga k kaa nya fo kikɛ.”

Matiu 16:28

Ma e kaŋɛ menyi kashenteŋto na fanɛ basa ko wɔ nfe a maaŋ wu she b wu ma, Nyiŋgbasa Pibinyɛn ka ba fanɛ Ewura nna pɔɛŋ.”

Matiu 17:12

Ma alɛ e kaŋɛ menyi na fanɛ Elaija teŋ ba, ama basa maŋ pin mo nseŋ wora mo kusɔ kama nɛ k par bumo. Loŋ koŋwule na malɛ gbagba chap nɛ ma, Nyiŋgbasa Pibinyɛn gba beeŋ wu tɔrɔ bumo be enɔ to.”

Matiu 17:9

Ndoŋ nna nɛ bumo kikɛ fara a gbelge kebee na so nɛ Yesu ji bumo asoe to ŋ kaŋɛ: “Men sa maŋ kaŋɛ esa kikɛ kusɔ nɛ men wu na be asheŋ hale nɛ ma, Nyiŋgbasa Pibinyɛn e ya tiŋi luwu to.”

Matiu 20:28

fanɛ kananɛ ma, Nyiŋgbasa Pibinyɛn gba maŋ ba nɛ b ba shuŋ ma na. M ba nna nɛ m ba shuŋ nseŋ ta ma ŋkpa n sɔ basa damta n yige.”

Matiu 26:2

“Men nyi fanɛ a ka nchɛnnyɔ nɛ Kebansonchoŋ be kejigboŋ na e fo, kumo be saŋɛ na so baaŋ ta ma, Nyiŋgbasa Pibinyɛn m bɔɔ basa enɔ nɛ b gbir ma m mata kedibi largato so m mɔ.”

Matiu 26:47

E kraa malga nna nɛ bebɛsopo kuduanyɔ na to be emo nɛ baa tre Judas na ba ndoŋ. Nɛ jimaŋ damta ko keta etokobi nɛ mprɛ m bɛ mo so. Bɔrɛmatapowuraana na nɛ basa na be benimu e daŋ shuŋi bumo.

Matiu 27:12

Ama bɔrɛmatapowuraana na nɛ benimuana na ka daa ji asheŋ a deŋi mo na bre, e daa maŋ tuge bumo.

Matiu 27:63

“Ebunyampo, an nyiŋi saŋɛ nɛ efɛpo na daa wɔ ŋkpa to ka kaŋɛ le: ‘Ŋ kaŋ wu, meeŋ tiŋi luwu na to kumo be kachɛ sasopo to.’

Matiu 28:6

Ama e maŋ wɔ nfe, e tiŋi luwu to fanɛ kananɛ e kaŋɛ menyi na. Men ba keni kakpa nɛ e daŋ dese.

Maak 8:31

Nɛ Yesu naŋ fara a ŋini mbe bebɛsopo na a kaŋɛ: “A daga fanɛ ma, Nyiŋgbasa Pibinyɛn e ji awurfoŋ ga nɛ benimu nɛ bɔrɛmatapowuraana nɛ mbraŋinipoana e kini ma nseŋ mɔ ma nɛ n tiŋi luwu na to kumo be kachɛ sasopo.”

Maak 9:12

Nɛ e kaŋɛ bumo le: “Kashenteŋ, Elaija bee juŋkpar a ba nna nɛ e ba lɔŋɛ kusɔ kama n yili. Ŋkeshin nɛ manɛ e ba nɛ abɔrɛsibɛ na bee kaŋɛ fanɛ ma, Nyiŋgbasa Pibinyɛn beeŋ ji etɔrɔ damta nɛ b keni ma jiga?

Luuk 17:25

Ama pɔɛŋ nɛ asheŋ ere kikɛ e wora, ma, Nyiŋgbasa Pibinyɛn beeŋ ji awurfoŋ damta nɛ kanaŋ ere to ebi e kini ma.

Luuk 24:46

nseŋ kaŋɛ bumo le: “Abɔrɛsibɛ na bee kaŋɛ fanɛ a daga fanɛ Kristo na ka ji awurfoŋ n wu,

Luuk 9:31

Kemaŋkura e daŋ baa wɔ bumo kikɛ so nɛ mo nɛ bumo daa malga kananɛ e beeŋ wu Jerusalɛm to n shin nɛ k bɔla Ebɔrɛ be ekpa so be asheŋ.