Matiu 16:18 - EBƆRƐ BE KAWƆL

¹⁸ Ma alɛ e kaŋɛ fo na fanɛ fo e la Pita, kefalta. Le be kefalta malɛ so nɛ meeŋ pɔr ma asɔri nɛ luwu be eleŋ gba e pɔɔ kumo so ŋ gben.

Matiu 16:18 ပူးပေါင်းရင်းမြစ်များ

Jɛnesis 22:17

meeŋ nɛfa fo kashenteŋto nseŋ shin nɛ fo kaman to ebi e baa shi fanɛ awɔlpa to be achɛkpabi nɛ teku ase be shishɛr na. Fo kaman to ebi beeŋ ba koso m pɔɔ bumo doŋana so n sɔ bumo be ndeana.

2 Samuɛl 18:4

Nɛ ewura Deevid kaŋɛ le: “Meeŋ wora kusɔ kama nɛ menyee fɛ fanɛ k walɛ n sa menyi.” Ndoŋ nna nɛ e yili m mata kabunagboŋ na a keni mbe basa, nɛ b bɛ abar so a lar ŋgboŋto ŋgboŋto nɛ kalfa kalfa be ntuŋ so.

Job be kawɔl 38:17

Fo daŋ wu kakpa nɛ bubuni wɔ na be kabuna kenishiso ŋ ku so a?

Nshɛ 107:18

Men daa maa sha kewu ajibi kenishiso gba, a daŋ ka gbrɛ nɛ men wu gba.

Nshɛ 127:5

Kagbenefuli la ekama nɛ e kɔ mbia damta na peya nna, ŋkpal manɛ so, baaŋ kuŋ mo, jemanɛ nɛ mo doŋana beeŋ tu mo a ji asheŋ ashi demujikpa na.

Nshɛ 129:2

“Ma kebia to kikɛ, bedoŋ baa kɔrfɛ ma nna! Ama bumo alɛ maŋ tiŋ m pɔ ma so.

Nshɛ 69:12

Bejuŋkparpo nɛ demujipoana bee kuli ma nna, nɛ basa nɛ baa nuu nsa a boo, bee boŋ nshɛ a wora ma eyurto.

Nshɛ 9:13

Enyɛnpe Ebɔrɛ, keni kananɛ ndoŋana shin nɛ mee ji awurfoŋ. Wu ma kuwɔr, m mɔlga ma ashi luwu to,

Aŋasa 24:7

Ewulpo maaŋ tiŋ m pin kanyiasheŋ be mmalga to. B baa malga kenishipere be mmalga ewulpo maŋ kɔ shɛŋ a kaŋɛ.

Aizaaya 28:16

To, kusɔ nɛ Enyɛnpetale Ebɔrɛ na bee kaŋɛ nde: “Mee tɔl gbaltɔlase nɛ k kɔ eleŋ a yil a maa gbuŋgbuŋ nna ashi Zayɔn to. Ma alɛ beeŋ ta kejembu nɛ bepɔrpo keni to n lara fanɛ kebonfu to be kejembu nɛ k kɔ eleŋ ga na nna n nase gbaltɔlase na, nɛ b sibɛ le n deŋi kumo so, ‘Yirda nɛ k yil to kpakpa kɔ kanyiti nna.’

Aizaaya 28:6

Enyɛnpe Ebɔrɛ na beeŋ sa demujipoana kashenteŋji be nfɛra nseŋ sa kadegboŋ na be mbuna kenipoana kenyɛn be kagbene nɛ b baa tiŋ a kuŋ kadegboŋ na.

Aizaaya 38:10

Le nɛ n daa fɛ ashi ma kagbene to; jemanɛ nɛ ma kebaawɔtɔ daa yil to nɛnɛ na, nɛ n daa shin nɛ n wu n yɔ bubuni to; saŋɛ na so m maaŋ naa wɔ ŋkpa to.

Aizaaya 54:17

Ama kekɔsɔ kama maaŋ tiŋ n wora fo shɛŋ. Fo alɛ beeŋ nya kusɔ ko ŋ kaŋɛ bekama nɛ baaŋ ku fo kɔnɔ. Meeŋ kɔ n sa ma anya nseŋ shin nɛ b kɔ m pɔɔ so.” Enyɛnpe Ebɔrɛ e kaŋɛ na.

Jona 2:6

Ŋ ka daŋ muni n yɔ kasawule be kechimbi to na, n daŋ fɛ fanɛ ma ŋkpa be ekar fo nna na. Ama fo, Enyɛnpe Ebɔrɛ, nɛ fo la ma Ebɔrɛ na lara ma kemaŋ chiŋgeliŋ na to m bar ma ŋkpa to.

Matiu 10:2

Beshuŋipo kuduanyɔ na be atre nde: Saimɔn, emo nɛ baa tre Pita na nɛ mo sipo Andru nɛ Jeems nɛ mo sipo Jɔn, Zɛbedi be mbia

Matiu 11:23

Nɛ menyi alɛ Kapɛɛniamebi, menyi daa sha kemaŋ menyi be amu so nna n yɔ ebɔrɛso ŋko? To, baaŋ ta menyi n lɛ n wɔtɔ Setani be edɛ to. Emamachisheŋ nɛ n wora menyi to ere, nɛ n daŋ wora amo Sodɔm to nna, dafanɛ k kraa wɔtɔ hale m ba fo mbre.

Matiu 18:17

Nɛ e baŋ kini kenu n sa bumo, kaŋɛ asɔriebi na kikɛ. Nɛ e baŋ kini kenu n sa bumo alɛ gba, kumo ere, fo shin nɛ e ki fanɛ kanyamase ŋko lamposɔpo fo kutɔ.

Matiu 4:18

Yesu ka na Galili be kepagboŋ na ase nɛ e wu benyɛn anyɔ ko, Saimɔn nɛ baa tre Pita na nɛ mo sipo Andru ka bee lɛ keshewu kepagboŋ na to, ŋkpal manɛ so, b daa la ekɔrɔtɔpɛpoana nna.

Matiu 7:24

Amoso, ekama nɛ e nu ma mmalga ere nsaa bɛ amo so du fanɛ enyiashempo nɛ e pɔr mbe ebu n yili kefalta so nna.

Baru lela nɛ Jɔn kute na 1:42

Kumo be kaman nɛ e bar Saimɔn Yesu kutɔ nɛ mo alɛ keni Saimɔn nseŋ kaŋɛ le: “Fo e la Saimɔn nɛ fo tuto bee ji Jɔn na ŋko? Naniere baaŋ baa tre fo Sifas.” Kumo be kifito e la kefalta nɛ kumo koŋwule na la Pita.

Ashuŋ Shunso 2:47

Bumo be asheŋ daŋ bɔlɔ kade na to ebi kikɛ kenishi ga. Karechɛ kama malɛ Enyɛnpe Yesu daa mɔlga basa pɔtɛ nna a ti bumo so.

Ashuŋ Shunso 20:28

Men baa de men gbagba be amuana so nsaa de basa nɛ Kiyoyu Cheeŋ na ta m bɔɔ menyi enɔ na so. Men baa keni Ebɔrɛ be asɔriebi nɛ e ta ŋ ki mo peya ashi mo gbagba Pibinyɛn be luwu na so fanɛ kananɛ asɔbɔyakpapo bee keni mbe asɔbɔya so na.

Ashuŋ Shunso 8:1

Sɔɔl gba daŋ shuli fanɛ Stiven be luwu na bɔla ekpa. Kumo be kamɔnchɛ na kikɛ nɛ b fara a tɔrɔ Jerusalɛm to ebi be beyirdapoana na ga. Nɛ beyirdapoana na kikɛ pesaŋ to n sɔ Judiya nɛ Samɛria be efuliana na kikɛ so ŋ ka beshuŋipo na.

1 Kɔrintebi 15:55

Luwu, nnɛ nɛ feeŋ naŋ nya basa m pɔɔ so? O luwu nnɛ nɛ fo kedoro be eleŋ na naa wɔ?”

Galeeshaebi 2:9

Jeems nɛ Pita nɛ Jɔn nɛ ekama daa nyi b ka la benimu na, e daŋ shuli n sa ma nɛ Baanabas fanɛ an baa la bumo braana beshuŋipo ŋkpal kananɛ b daŋ wu Ebɔrɛ be kuwɔr be kakɛ nɛ e daŋ sa ma na so. B daŋ shuli nna fanɛ an yɔ nnyamase kutɔ nɛ bumo alɛ yɔ Juwebi kutɔ.

Ɛfesesebi 3:10

Saŋɛ na so e beeŋ bɔla asɔriebi na to n shin nɛ mbe kashennyi damta e dii efuli n sa esoso be kenimujipoana nɛ bejuŋkparpo ashi ebɔrɛso.

Ɛfesesebi 5:32

Loŋ be kesheŋ ere malɛ la wulo be kashenteŋgboŋ nna n sa anyi, ama kashenteŋto, Kristo nɛ asɔri na be kaplɛa so nɛ mee malga.

Kɔlɔsiebi 1:18

ŋkpal manɛ so, mo e la ejuŋkparpo nɛ e tiŋi luwu to ashi bumo nɛ b wu na kikɛ to.

1 Timoti 3:15

saŋɛ na so ŋ kaŋ maŋ naŋ tiŋ m ba manaŋ, kawɔl ere beeŋ ŋini fo kebaawɔtɔ nɛ k daga fanɛ anyi nɛ an la Ebɔrɛ be kanaŋ to ebi nɛ baa tre ŋkpa to be Ebɔrɛ be asɔri na ka wora. Asɔri na e kɔ kashenteŋ be keŋini na to nsaa keni kumo so.

1 Timoti 3:5

Ŋkpal manɛ so, esa nɛ e maŋ nyi kananɛ e beeŋ keni mo gbagba be kowu to ebi so, nuso nɛ e beeŋ wora ŋ keni Ebɔrɛ be asɔri to ebi so?

Hibruwebi 12:28

Amoso, men shin nɛ an baa chɔrɔ Ebɔrɛ ŋkpal an ka beeŋ nya kuwura mo nɛ k maaŋ tiŋ ŋ gbuŋgbuŋ to na n luri to so. Men shin nɛ an baa bɔla ekpa mo nɛ k bee par Ebɔrɛ so a ta kabɔrɛŋana nɛ kufu a bunyaŋ mo.

Kelaraŋŋini 11:15

Ndoŋ nna nɛ malaika shunusopo na foŋ mbe kabel nɛ awɔr damtaana chɛ ashi ebɔrɛso a kaŋɛ le: “Eleŋ mo nɛ k bee ji kuwura durnya ere so na ki an Nyɛnpe nɛ mbe Kristo peya, mo alɛ beeŋ ji kuwura na mbaanaayɔ.”

Kelaraŋŋini 21:14

Kadegboŋ na be egbal daa kɔ egbaltɔlase kuduanyɔ nɛ gbaltɔlase kama malɛ daa kɔ Kpakpafɔlbi na be beshuŋipo kuduanyɔ na be ekoŋwule kama be ketre.