Matiu 16:16 - EBƆRƐ BE KAWƆL

¹⁶ Nɛ Saimɔn Pita kaŋɛ: “Fo e la Kristo, Ebɔrɛ nɛ e wɔ ŋkpa to Pibinyɛn na.”

Matiu 16:16 ပူးပေါင်းရင်းမြစ်များ

Nshɛ 2:7

Nɛ ewura na kaŋɛ le: “Meeŋ bɔ kɔnɔ nɛ Enyɛnpe Ebɔrɛ na nase n sa ma na be kubɔya.” E yɛ: “Fo e la m pibinyɛn na; kabre, ŋ ki fo tuto.

Nshɛ 42:2

Kananɛ achukoŋ bee pɛ esa nɛ e bee fin nchu na, aloŋ nɛ mee fin fo Enyɛnpe Ebɔrɛ na ashi ma kagbene to. Saŋɛ mo nɛ meeŋ wu fo?

Danɛl 6:26

N yili mbra ashi ma efuli so kikɛ nna fanɛ ekama e baa ŋana Danɛl be Ebɔrɛ na nsaa sa mo bunyaŋ. Mo e la Ebɔrɛ nɛ e wɔ ŋkpa to na. Mo alɛ bee ji kuwura nna hale mbaanaayɔ. Mbe kuwurji maa ba nɛ kemur kikɛ. Mo alɛ be eleŋ maa loge kikɛ.

Matiu 1:16

Jeekɔb pibi e daa la Josɛf, Mɛɛri mo kul. Mɛɛri e daŋ kurge Yesu nɛ baa tre Kristo na, kumo e la fanɛ Ebɔrɛ be esa laraso.

Matiu 14:33

Nɛ bumo nɛ b daa wɔ ekuloŋ na to na bunyaŋ Yesu ŋ kaŋɛ: “Kashenteŋto fo e la Ebɔrɛ Pibinyɛn na.”

Matiu 16:15

Nɛ Yesu naŋ bishi bumo: “Nɛ menyi alɛ ai? Esa mo nɛ menyee tre ma?”

Matiu 26:63

Ama Yesu daŋ la to nna a yil. Nɛ bɔrɛmatapo nimuso na kaŋɛ mo le: “Ebɔrɛ nɛ e wɔ ŋkpa to ere so, kaŋɛ anyi, fo e la Kristo, Ebɔrɛ Pibinyɛn na a?”

Matiu 27:54

Benapo be enimu nɛ basa nɛ b daa yil ndoŋ a de Yesu so na ka wu kananɛ kasawule na gbuŋgbuŋ to nɛ asɔ nɛ a daŋ wora na kikɛ nɛ kufu pɛ bumo nɛ b kaŋɛ le: “Kashenteŋto, kanyɛn ere daa la Ebɔrɛ Pibinyɛn nna!”

Matiu 4:3

Ndoŋ nna nɛ echɔŋkenipo na ba mo kutɔ m ba kaŋɛ mo le: “Nɛ fo baa la Ebɔrɛ Pibinyɛn gbagba nna, fo shin nɛ ajembu ere e ki ebodobodo.”

Maak 14:61

Ama Yesu daŋ la to nna a yil a maa tuge shɛŋ. Nɛ bɔrɛmatapo nimuso na naŋ bishi mo: “Fo e la Kristo, Ebɔrɛ Ewurgboŋ nɛ b nɛfa na Pibinyɛn na a?”

Luuk 2:11

Kabre be kachɛ ere b kurge men be Emɔlgapo Kristo Enyɛnpe ashi Deevid be kade to.

Baru lela nɛ Jɔn kute na 1:49

Nɛ Nataniɛl kaŋɛ mo le: “Rabai, kashenteŋto, fo e la Ebɔrɛ Pibinyɛn na. Fo e la Israɛl be efuli so be Ewura na.”

Baru lela nɛ Jɔn kute na 11:27

Nɛ Maata shuli ŋ kaŋɛ: “Mm, Enyɛnpe, n yirda kumo. N yirda fanɛ fo e la Mesaya, Ebɔrɛ Pibinyɛn nɛ Ebɔrɛ kaŋɛ fanɛ e beeŋ ba durnya to na.”

Baru lela nɛ Jɔn kute na 20:31

Ama b sibɛ ade ere nna nɛ men yirda fanɛ Yesu e la Mesaya na, Ebɔrɛ Pibinyɛn na, nɛ menyi alɛ yirda loŋ, men beeŋ nya ŋkpa ashi mbe ketre na to.

Baru lela nɛ Jɔn kute na 6:57

Kananɛ Etuto nɛ e bee sa ŋkpa na baŋ shuŋi ma nɛ n wɔ ŋkpa to ŋkpal Etuto na so na, loŋ koŋwule na nɛ esa kama nɛ e we ma eyur na malɛ gba beeŋ baa wɔ ŋkpa to ŋkpal ma so.

Baru lela nɛ Jɔn kute na 6:68

Ndoŋ nna nɛ Saimɔn Pita kaŋɛ mo: “Enyɛnpe, fo e kɔ ŋkpa nɛ k maŋ kɔ ekar na be mmalga.

Baru lela nɛ Jɔn kute na 6:69

To, nɛ wanɛ malɛ kutɔ nɛ anyeeŋ naŋ yɔ? Anyi ere yirda nsaa nyi fanɛ fo e la Ebɔrɛ be Esa cheembi na.”

Ashuŋ Shunso 14:15

“Manɛ e ba nɛ menyee wora loŋ? Anyi alɛ gba la enyiŋgbasa nna fanɛ menyi. An ba nfe nna nɛ an ba kaŋɛ menyi baru lela na be asheŋ n shin nɛ men lar le be asheŋ jiga ere to m ba Ebɔrɛ nɛ e wɔ ŋkpa to nsaa la esa nɛ e to ebɔrɛso nɛ kasawule nɛ teku nɛ asɔ nɛ a wɔ amo to na kikɛ kutɔ.

Ashuŋ Shunso 8:36

B ka wɔ ekpa na to a yɔ na nɛ b ya wu kabombi ko nɛ krachigboŋ na kaŋɛ: “Keni, nchu nde nɛ manɛ e naa wɔtɔ a kuŋ fo kebɛr ma kabɔrɛbɛr?”

Ashuŋ Shunso 8:37

[Nɛ Filip kaŋɛ mo: “Fo baŋ yirda nɛ fo kagbene kikɛ, meeŋ bɛr fo kabɔrɛbɛr na.” Nɛ e shuli so ŋ kaŋɛ: “N yirda fanɛ Yesu Kristo e la Ebɔrɛ Pibinyɛn na.”]

Ashuŋ Shunso 9:20

nseŋ yɔ nshɛrbuana to epul na to n ya fara a bɔ kubɔya na a kaŋɛ Yesu be asheŋ a kaŋɛ: “Mo e la Ebɔrɛ Pibinyɛn na.”

Romebi 1:4

Kebaawɔtɔ cheembi be Kiyoyu malɛ be kaplɛa so, Ebɔrɛ ta eleŋgboŋ ŋ ŋini e ka la mo Pibinyɛn saŋɛ nɛ e tiŋi mo luwu to na.

2 Kɔrintebi 1:19

Ŋkpal manɛ so, Ebɔrɛ Pibinyɛn Yesu Kristo na nɛ ma nɛ Sailas nɛ Timoti bɔ mbe kubɔya n sa menyi na daa maa kaŋɛ mm nseŋ naŋ kilgi ŋ kaŋɛ m-m epul na to, saŋkikɛ mm e daa wɔ mo to.

2 Kɔrintebi 3:3

Menyi alɛ gba bee ŋini fanɛ men la kawɔl nna n shi Kristo kutɔ a la anyi be kushuŋ ere be tɔnɔ. Mannɛ kleembi nɛ b ta n sibɛ amo, bumo alɛ maŋ sibɛ amo n deŋi ajembu so, ama Ebɔrɛ nɛ e wɔ ŋkpa to be Kiyoyu nɛ b ta n sibɛ amo dimɛdi be ŋgbene so.

2 Kɔrintebi 6:16

Manɛ be ŋkre e wɔ Ebɔrɛ be lambu nɛ agbirana be nferinto? Ŋkpal manɛ so, anyi e la Ebɔrɛ nɛ e wɔ ŋkpa to na be lambu. Kumo be asheŋ nɛ Ebɔrɛ malɛ gba kaŋɛ na fanɛ: “Meeŋ baa wɔ bumo to nsaa na bumo to a la bumo be Ebɔrɛ nɛ bumo alɛ e baa la ma basa.

Ditɛronɔmi 5:26

Dimɛdi ko wɔtɔ nɛ e nu Ebɔrɛ, nɛ mo nawule la Ebɔrɛ ere, ka bɔla edɛ to m malga nseŋ ji efute a?

1 Tɛsalɔnikaebi 1:9

Le be basa ere malɛ kikɛ bee kaa malga kananɛ men daŋ sɔ anyi saŋɛ nɛ an daŋ bɔɔ menyi so na be asheŋ nɛ kananɛ men yige agbir nsaa bɛ kashenteŋ nɛ ŋkpa be Ebɔrɛ na so a wɔtɔ a jo mo Pibi Yesu

1 Timoti 3:15

saŋɛ na so ŋ kaŋ maŋ naŋ tiŋ m ba manaŋ, kawɔl ere beeŋ ŋini fo kebaawɔtɔ nɛ k daga fanɛ anyi nɛ an la Ebɔrɛ be kanaŋ to ebi nɛ baa tre ŋkpa to be Ebɔrɛ be asɔri na ka wora. Asɔri na e kɔ kashenteŋ be keŋini na to nsaa keni kumo so.

1 Timoti 4:10

Anyee shuŋ ga a maŋ kɔ kachena ŋkpal an ka ta anyi be yirda n wɔtɔ Ebɔrɛ nɛ e kɔ ŋkpa nsaa la basa kikɛ be Emɔlgapo, fɔnfɔŋ bumo nɛ b yirda mo na to so.

Hibruwebi 10:31

Kashenteŋto, shɛŋ shɛŋ maŋ naŋ lubi a chɔ esa be ketɔr Ebɔrɛ nɛ e wɔ ŋkpa to na be enɔ to kikɛ.

Hibruwebi 12:22

Ama menyi ere ba Zayɔn be kebee na so, ebɔrɛso be Jerusalɛm nɛ k la Ebɔrɛ nɛ e wɔ ŋkpa to be kade to na. Ndoŋ nɛ emalaika ŋgboŋto ŋgboŋto wɔ na.

Hibruwebi 3:12

Ŋ kurgepoana, men baa da so nɛ menyi to be ekama e sa maa kɔ kagbene mo nɛ k lubi nɛ kumo nɛ k maŋ yirda nɛ e sa maŋ shin nɛ amodoŋwura e foe Ebɔrɛ nɛ e wɔ ŋkpa to na be ekpa na so.

Hibruwebi 9:14

kumo ere, kusɔ nɛ Yesu be ŋklaŋ na bre beeŋ tiŋ n wora shi pasaa. Ŋkpal manɛ so, e bɔla Kiyoyu nɛ e wɔ ŋkpa to saŋkama na so nna n ta mo gbagba be kumu nɛ k maŋ kɔ kulubi kikɛ na n lara sarga n sa Ebɔrɛ. Mbe ŋklaŋ na e naa fɔr anyi be ŋgbeneana to be nfɛra fɛsoana ashi amo be aworbi jiga to na, saŋɛ na so anyeeŋ tiŋ n shuŋ Ebɔrɛ nɛ e wɔ ŋkpa to na.

1 Jɔn 4:15

Ekama nɛ e bee bugi to a kaŋɛ basa fanɛ Yesu e la Ebɔrɛ Pibinyɛn na, Ebɔrɛ e wɔ amodoŋwura to nɛ mo alɛ gba wɔ Ebɔrɛ to.

1 Jɔn 5:20

Anyi alɛ nseŋ naa nyi Ebɔrɛ Pibinyɛn na ka ba m ba sa anyi nfɛra nɛ an pin kashenteŋ be Ebɔrɛ na, anyi alɛ wɔ mo kashenteŋ be Ebɔrɛ na to nna, hale mo Pibinyɛn Yesu Kristo na to. Mo e la kashenteŋ be Ebɔrɛ na, nɛ ŋkpa nɛ k maŋ kɔ ekar na.

1 Jɔn 5:5

Wanɛ e naaŋ tiŋ m pɔɔ durnya ere so nɛ mannɛ esa nɛ e yirda fanɛ Yesu e la Ebɔrɛ Pibinyɛn na?

Kelaraŋŋini 7:2

Ndoŋ nna nɛ n naŋ wu malaika ko ka shi bɔrɛfito a ba nsaa kɔ Ebɔrɛ mo nɛ e wɔ ŋkpa to na be tɔɔnɛ be kebersobi to. Nɛ e tre emalaika ana nɛ b ta eleŋ m bɔɔ bumo enɔ na fanɛ b tɔrɔ kasawule ere nɛ eteku na awɔrso