Matiu 16:12 - EBƆRƐ BE KAWƆL

¹² Kede be kaman pɔɛŋ nɛ bebɛsopo na pin fanɛ e daa maa kaŋɛ bumo nna fanɛ b baa de yiisi mo nɛ b kɔ a wora bodobodo na so, ama Efarisiana nɛ Esadusiana na be asheŋ ŋiniso nɛ e daa de.

Matiu 16:12 ပူးပေါင်းရင်းမြစ်များ

Matiu 16:11

Nɛ a ji nuso nna nɛ men maŋ pin fanɛ mannɛ bodobodo so nɛ n daŋ kpal a malga menyi kutɔ? Men baa keni men be amu so nɛnɛ a de Efarisiana nɛ Esadusiana be yiisi so.”

Matiu 3:7

Jɔn ka wu Efarisi nɛ Esadusi damtaana ka bee ba mo kutɔ nɛ e bɛr bumo kabɔrɛbɛr, nɛ e bishi bumo le: “Awɔ lubi be mbia ere, wanɛ e ŋini menyi fanɛ menyeeŋ tiŋ ŋ gelge Ebɔrɛ be agbo nɛ k bee ba basa so na?

Matiu 5:20

Ŋkpal manɛ so, ma e kaŋɛ menyi na fanɛ, nɛ men be alelasheŋ maŋ shi a chɔ mbraŋinipoana na nɛ Efarisiana na peya, men maaŋ luri Ebɔrɛ be kuwura na to kikɛ.

Ashuŋ Shunso 23:8

Ŋkpal manɛ so, Esadusiana bee kaŋɛ fanɛ basa maaŋ tiŋi luwu to nseŋ naa kaŋɛ fanɛ emalaika ŋko ayoyu maŋ wɔtɔ, ama Efarisiana daŋ yirda amo asa na kikɛ.

1 Kɔrintebi 5:6

Kananɛ menyee puchi ere maŋ walɛ kuraa. Men maŋ nyi keŋasa mo nɛ k bee kaŋɛ fanɛ: Yiisi gbrɛbi baŋ luri nyifu to a bee shin nɛ nyifu na kikɛ bee tiŋ fɔŋgrɔŋ nna a?