Matiu 15:4 - EBƆRƐ BE KAWƆL

⁴ Ŋkpal manɛ so, Ebɔrɛ kaŋɛ: ‘Bunyaŋ fo tuto nɛ fo nio nɛ ekama nɛ e malga ŋ gbiti mo nio nɛ mo tuto, b mɔ amodoŋwura.’

Matiu 15:4 ပူးပေါင်းရင်းမြစ်များ

Ɛksodɔs 20:12

Men baa bunyaŋ men nioana nɛ men tutoana, saŋɛ na so men be ŋkpa beeŋ teŋi so ashi kasawule nɛ mee ta a sa menyi na so.

Ɛksodɔs 21:17

Esa kama malɛ nɛ e sho mo tuto ŋko mo nio kɔnɔ daga luwu.

Aŋasa 20:20

Esa nɛ e bee sho mo tuto nɛ mo nio kɔnɔ be ŋkpa maa teŋiso, k du nna fanɛ fitila ka duŋ tentembiri to epul to nna.

Aŋasa 23:22

Baa nu fo tuto be mmalga, mo e kurge fo. Sa maŋ kplaŋ fo nio so ashi mbe mbel to.

Aŋasa 30:17

Ejita e naŋ ji bekama nɛ baa fɛl bumo tutoana nsaa keni bumo nioana jiga na be eblaŋ kupuŋ to.

Aizaaya 8:20

Ndoŋ nna nɛ men kaŋɛ bumo le: “Men baa nu kusɔ nɛ Enyɛnpe Ebɔrɛ na bee ŋini menyi nsaa maa nu a sa bekpalpo nɛ belejipo, ŋkpal manɛ so kusɔ nɛ baaŋ kaŋɛ menyi na maaŋ tiŋ n lara menyi ashi etɔrɔ to. Kare maaŋ chɛ bekama nɛ baa malga le ere be ekama!

Levitikɔs 19:3

Men be ekama daga e sa mo nio nɛ mo tuto bunyaŋ, nseŋ ta Kewushiachɛ na kachɛ cheembi fanɛ kananɛ n yili n sa menyi na. Ma e la Enyɛnpe menyi be Ebɔrɛ na.

Levitikɔs 20:9

Kede be kaman nɛ Enyɛnpe Ebɔrɛ na yili mbraana ere, “Esa kama nɛ e shoduu mo tuto ŋko mo nio daga fanɛ b mɔ mo. Mo alɛ be luwu na be turju beeŋ laŋɛ mbe kumu so ŋkpal e ka shoduu basa nɛ b kurge mo na so.

Matiu 15:3

Nɛ Yesu bishi basa na: “Nɛ manɛ e ba nɛ men kpal menyi gbagba be edaŋkaresheŋ so a maa bɛ Ebɔrɛ be mbra so?

Matiu 15:5

Ama menyee ŋini fanɛ nɛ esa kɔ kusɔ ko nɛ e beeŋ tiŋ n ta n chɛ mo tuto ŋko mo nio to nseŋ kaŋɛ le: ‘Ebɔrɛ e wɔ,’ kumo ere e kɔ ekpa nɛ e tiŋ ŋ kini kebunyaŋ mo tuto nɛ mo nio.

Matiu 19:19

baa bunyaŋ fo tuto nɛ fo nio nsaa sha fo barkasa fanɛ fo kumu.”

Matiu 4:10

Ndoŋ nna nɛ Yesu kaŋɛ mo: “Shile ma anishito Setani! Abɔrɛsibɛ na bee kaŋɛ fanɛ: ‘Bunyaŋ Enyɛnpe fo Ebɔrɛ na nseŋ shuŋ mo nawule.’ ”

Romebi 3:31

Ama an ta le be yirda ere n ti mbra na ekpa ŋko? Ayai, an baa kraa kɔ kumo to a ti kumo so eleŋ.

Ɛfesesebi 6:1

Mbia, men baa nu a sa basa nɛ b kurge menyi, ŋkpal Enyɛnpe na so, ŋkpal manɛ so, loŋ e daga.

Ditɛronɔmi 27:16

Nɛ b naŋ kaŋɛ: “Ebɔrɛ be kɔnɔsho beeŋ ba esa kama nɛ e beeŋ ŋaba mo tuto ŋko mo nio so.” Nɛ basa nɛ b yil Ebal be kebee so na kikɛ shuliso le: ‘Amɛn!’

Ditɛronɔmi 5:16

Men baa bunyaŋ men tutoana nɛ men nioana, fanɛ kananɛ ma, Enyɛnpe, menyi be Ebɔrɛ na yili n sa menyi na; saŋɛ na so, asheŋ beeŋ nyalɛ n sa menyi nɛ menyi alɛ e chena kasawule nɛ n ta a sa menyi ere so n chɛr.