Matiu 15:31 - EBƆRƐ BE KAWƆL

³¹ Basa na ka wu eneemu ka fara a malga nɛ eyurwusowuraana be eyurana kikɛ ka nya alenfia nɛ ebobi fara a nite nɛ betanpo fara a wu nɛ k chinchiŋ bumo ga nɛ b di Israɛl be Ebɔrɛ epaŋ ga.

Matiu 15:31 ပူးပေါင်းရင်းမြစ်များ

Jɛnesis 32:28

Ndoŋ nna nɛ kanyɛn na kaŋɛ Jeekɔb le: “Yili kabre mbaanaayɔ fo ketre maaŋ naŋ ji Jeekɔb, k ki Israɛl, ŋkpal fo nɛ Ebɔrɛ nɛ edimɛdi ka kɔ nɛ fo pɔɔ so so.”

Jɛnesis 33:20

Ndoŋ nɛ e pɔr bɔrɛsure m bunyaŋ Israɛl be Ebɔrɛ na nseŋ nase kumo Ɛl Elohi Israɛl.

Nshɛ 50:15

Men shu n tre ma ashi men be etɔrɔ to nɛ n mɔlga menyi, nɛ men bunyaŋ ma.

Nshɛ 50:23

Sarga nɛ k bee bar ma kemaŋkura e la kagbene nɛ k bee ji a chɔrɔ. Men wora ma kasonu nɛ ma, menyi be Ebɔrɛ na e ŋini menyi kumɔlga be ekpa.

Ɛksodɔs 24:10

Ndoŋ nɛ b wu Israɛl be Ebɔrɛ na, nɛ kaboŋ dɛdɛso nɛ k du fanɛ yawukpakpaso be kejembu nɛ baa tre safiri na nseŋ fulto parr fanɛ awɔlpa na, ka wɔ mbe aya be kaseto.

Matiu 15:30

Ndoŋ nna nɛ jimaŋ damta ko keta eyurwusowuraana nɛ betanpo nɛ ebobi nɛ eneemu nɛ belɔpo damta ko m ba nase mbe anishito nɛ e chɛ bumo.

Matiu 18:8

Nɛ fo enɔ ŋko fo keya bee shin nɛ fee luri alubi to, fo ku kumo n lɛ, ŋkpal manɛ so, fo ka dulgi ŋko fo ka la bobi nseŋ luri ŋkpa to e bɔ fo so a chɔ fo ka kɔ fo enɔ anyɔ nɛ aya anyɔ kikɛ nɛ b ta fo n lɛ edɛ nɛ a maa duŋ kikɛ na to.

Matiu 21:14

Ade be kaman nɛ betanpo nɛ ebobi ba mo kutɔ bɔrɛlambu na to nɛ e chɛ bumo kikɛ.

Matiu 8:10

Yesu ka nu mbe kamalga na nɛ k chinchiŋ mo ga nɛ e kilgi ŋ kaŋɛ basa nɛ b daŋ bɛ mo so na le: “Ma e kaŋɛ menyi na fanɛ Israɛl be efuli so ebi gba to m maŋ naŋ wu le be yirda kikɛ.

Matiu 9:32

B ka bee yɔ na nɛ basa ko malɛ bee bar kiyoyulubiwura ko nɛ e daa maa tiŋ kamalga Yesu kutɔ.

Matiu 9:33

Yesu ka baŋ ju kiyoyu lubi na kanyɛn na to nɛ e fara a malga. Nɛ kesheŋ na chinchiŋ jimaŋ na ga nɛ b kaŋɛ: “Anyi ere maŋ naŋ wu le Israɛl be efuli ere so kikɛ.”

Matiu 9:8

Basa na ka wu kusɔ nɛ k wora na nɛ kufu pɛ bumo nɛ b di Ebɔrɛ epaŋ ŋkpal e ka ta le be eleŋ n sa basa so.

Maak 2:12

Nɛ kanyɛn na koso basa na kikɛ be anishito n ta mbe kekpata epul na to n yɔ epe. Demu na daŋ chinchiŋ basa na kikɛ ga nɛ b di Ebɔrɛ epaŋ a kaŋɛ: “Anyi maŋ naŋ wu le kikɛ!”

Maak 7:37

K daŋ chinchiŋ bekama nɛ b nu kumo be asheŋ ga nɛ b kooba ŋ kaŋɛ: “Kananɛ e nyi asheŋ be kewora loŋ! Hale e bee tiŋ a shin nɛ ekpawu bee nu nɛ eneemu malɛ bee malga.”

Maak 9:43

Amoso, nɛ fo enɔ bee shin nɛ fee luri alubi to, fo ku kumo n lɛ, ŋkpal manɛ so, fo ka dulgi nseŋ luri ŋkpa to e bɔ fo so a chɔ fo ka ta enɔ anyɔ n luri Setani be edɛ nɛ b maaŋ tiŋ n duŋ kikɛ na to.

Luuk 14:13

Ama nɛ fo baŋ wora kejigboŋ, tre betirpo nɛ basa dulgiso nɛ basa nɛ bumo be mboŋ ko wu nɛ betanpo.

Luuk 14:21

Ndoŋ nna nɛ kenya na ta asheŋ na m bɛta n ya kaŋɛ mo nyɛnpe. Nɛ kowurnyɛn na nya agbo nseŋ kaŋɛ mbe kenya na le: ‘Lar manaŋ manaŋ n yɔ kadegboŋ ere to be abɔrbi nɛ kumo be akɔlɔbiana to n shin nɛ betirpo nɛ basa dulgiso nɛ betanpo nɛ eyurwusowuraana e ba.’

Luuk 18:43

Epul na malɛ to nɛ kanyɛn na nya mbe anishi a wu nseŋ bɛ Yesu so a di Ebɔrɛ epaŋ. Basa na kikɛ ka wu kumo be loŋ nɛ b di Ebɔrɛ epaŋ ga.

Luuk 7:16

Kufu daŋ pɛ ekama ga nɛ bumo kikɛ di Ebɔrɛ epaŋ ŋ kaŋɛ: “Esa nɛ e chɔ Anebi gboŋ ba anyi to,” nseŋ naŋ kaŋɛ: “Ebɔrɛ ba nɛ e ba mɔlga mbe basa.”

Baru lela nɛ Jɔn kute na 9:24

Ndoŋ nna nɛ b naŋ tre kanyɛn nɛ e daŋ tan na kela nyɔsopo m ba kaŋɛ mo le: “Ji kashenteŋ n sa Ebɔrɛ kemaŋkura, ŋkpal manɛ so an nyi kanyɛn na ka la alubipo.”