Matiu 15:24 - EBƆRƐ BE KAWƆL

²⁴ Nɛ Yesu kaŋɛ: “Israɛlebi nɛ b du fanɛ mbolpɔ foeso na nawule so nɛ b shuŋi ma.”

Matiu 15:24 ပူးပေါင်းရင်းမြစ်များ

Aizaaya 53:6

Anyi kikɛ daa du fanɛ mbolpɔ nɛ b yeŋ n foe n luri to nna. Ekama daŋ sɔ mbe ekpa nna a yɔ. Ama Enyɛnpe Ebɔrɛ na daŋ shin nna nɛ anyi be kasogberge ba mbe kenya so.

Ezikɛl 34:16

Ma alɛ beeŋ fin bumo be bumo nɛ foe na nseŋ bɛta bumo nɛ yeŋ na m ba. Kumo be kaman nɛ ŋ kre bumo nɛ b doro na be achuu nseŋ chɛ bumo nɛ baa lɔ na. Ama bekama nɛ b ji n daŋ nsaa kɔ eleŋ na bre, meeŋ mur bumo, ŋkpal manɛ so, n la mbolpɔkpapo nɛ e bee wora kusɔ nɛ k daga nna.

Ezikɛl 34:23

Ade kikɛ be kaman nɛ n sa bumo ewura nɛ e beeŋ baa du fanɛ ma kayɛrbi ewura Deevid nɛ e baa kpa bumo nsaa keni bumo so nɛnɛ.

Matiu 15:23

Ama Yesu daa maŋ kaŋɛ mo shɛŋ. Ndoŋ nna nɛ mbe bebɛsopo ba kule mo ŋ kaŋɛ: “Sa maŋ shin nɛ kache ere e bɛ anyi so a wora awɔr loŋ, shin nɛ e baa yɔ.”

Matiu 18:11

[Ma alɛ, Nyiŋgbasa Pibinyɛn na ba nna nɛ m ba mɔlga basa foeso.]”

Matiu 9:36

Yesu ka wu jimaŋ na nɛ bumo be asheŋ pɛ mo kuwɔr, ŋkpal manɛ so, b daa du fanɛ mbolpɔ nɛ b yeŋ to ŋ gben nsaa maŋ kɔ ekpapo nna.

Ashuŋ Shunso 13:46

Ama Pɔɔl nɛ Baanabas daŋ kplaŋ bumo so nna nsaa malga kenyɛnso a kaŋɛ: “Menyi nɛ b daŋ yili kumo fanɛ b fara m malga Ebɔrɛ be kamalga na n sa, ama men ka kini kumo nsaa ta menyi be amu fanɛ men maŋ daga Ebɔrɛ be ŋkpa nɛ k maŋ kɔ ekar na bre so, anyeeŋ yige menyi nseŋ yɔ nnyamase kutɔ.

Romebi 15:8

Ŋkpal manɛ so, ma e kaŋɛ menyi na fanɛ Kristo ki Juwebi be kenya nna ŋkpal Ebɔrɛ be kashenteŋ na so, saŋɛ na so, e beeŋ shin nɛ nnɔ nɛ Ebɔrɛ nase n sa benananyɛngboŋana na e bɔla ekpa.