Matiu 15:14 - EBƆRƐ BE KAWƆL

¹⁴ Men kplaŋ bumo so. B la betanpo nna a juŋkpar betanpo. Nɛ tanpo malɛ keta mo barkasa tanpo kekpabi, bumo benyɔ na kikɛ beeŋ tɔr kemaŋ to.”

Matiu 15:14 ပူးပေါင်းရင်းမြစ်များ

Aizaaya 31:3

Ijiptebi na maŋ la Ebɔrɛ, edimɛdi e la bumo. Bumo be egbaŋɛ gba maŋ la kiyoyu to be asɔ nɛ a beeŋ baa wɔtɔ mbaanaayɔ. Enyɛnpe Ebɔrɛ baaŋ ŋini mbe eleŋgboŋ, efuli lempo bee mur nna nɛ efuli pɔso nɛ k bee chɛ to na e tɔr. Saŋɛ na so nɛ efuli anyɔ na kikɛ e mur.

Aizaaya 42:19

Esa maŋ tan a chɔ ma kayɛrbi ŋko a la kpawu a chɔ ma kabɔ nɛ n shuŋi na.

Aizaaya 56:10

E yɛ: “Bejuŋkparpo nɛ b daga kekpele ma basa kusoe na kikɛ tan nna! B maŋ nyi shɛŋ. B du fanɛ njɔnɔ nɛ b maa gbu nna. Bumo peya e la kebaadese a di a ku edare. Baa sha edi nna ga!

Aizaaya 9:16

Basa nɛ baa juŋkpar basa ere shin nɛ b foe ekpa nna nseŋ mel to kikɛ.

Jɛremaya 5:31

Kumo e la fanɛ anebiana na kikɛ be mmalga la efɛ nna. Kusɔ nɛ b kaŋɛ malɛ nɛ bɔrɛmatapoana na kɔ a shuŋ nɛ ma basa malɛ bee sha kumo be loŋ. To, jɛrbi be jemanɛ kaŋ fo nɛ asheŋ ere kikɛ fo ekar, nnɛ nɛ menyeeŋ yɔ n ya nya kechɛto?”

Jɛremaya 6:15

Ekishisheŋ nɛ baa wora na maa keta bumo nyɔmɔ. Kashenteŋto, anishinyɔr maŋ kɔ bumo gba; bumo alɛ be anishiakpa maa chɛrga a ŋini fanɛ kusɔ nɛ baa wora na be asheŋ tir bumo. Ŋkpal loŋ so, jemanɛ nɛ meeŋ gberge bumo kusoe na kaŋ fo, bumo alɛ gba beeŋ tɔr n wu fanɛ kananɛ beko daŋ tɔr n wu na. Bumo be ekar e naaŋ baa la na.”

Jɛremaya 8:12

Ma basa, anishinyɔr daŋ pɛ menyi nna ŋkpal men ka wora ekishisheŋ ere so a? Anishinyɔr daŋ maŋ pɛ menyi. Menyi maŋ kɔ nyɔmɔ gba kuraa. Ŋkpal loŋ so, menyi alɛ gba beeŋ tɔr fanɛ kananɛ beko daŋ tɔr na. Jemanɛ nɛ meeŋ gberge menyi kusoe na nɛ menyi be kusɔ kama beeŋ fo ekar. Ma, Enyɛnpe Ebɔrɛ e kaŋɛ na.

Hoziya 4:17

Agbir be eleŋ kre Israɛlebi na nna, amoso meeŋ kplaŋ bumo so nɛ b baa wora bumo be kepar.

Malakai 2:8

Ama menyi bɔrɛmatapoana na kini kashenteŋ be ekpa na naniere. Men be keŋini gba shin nɛ basa damta bee wora alubi nna. Men jija kɔnɔ naseso be ŋkre nɛ ma nɛ menyi nananyɛn Livai nase n sa abar na.

Luuk 6:39

Amo be kaman nɛ Yesu bɔ keŋasa ere n sa bumo: “Tanpo maa keta mo barkasa tanpo kekpabi, ŋkpal manɛ so, nɛ e wora loŋ, bumo benyɔ na kikɛ beeŋ tɔr kemaŋ to.

Baru lela nɛ Jɔn kute na 9:39

Nɛ Yesu kaŋɛ: “M ba durnya ere to nna nɛ m ba ji basa demu nɛ betanpo e nya a wu nɛ bumo nɛ baa wu malɛ e tan.”

1 Timoti 6:5

nɛ basa be kebaaji abar emɔrɔ fanɛ bumo nɛ b maŋ kɔ nfɛra a maŋ naa nyi kashenteŋ be ekpa na ŋkpal b ka bee tama fanɛ abɔrɛsheŋ to nɛ baaŋ bɔla n nya amansherbi so.

2 Pita 2:1

Kananɛ anebi fɛpoana daŋ lar n luri dra na to ebi to na, loŋ koŋwule na nɛ beŋinipo fɛpoana beeŋ lar n luri menyi to. Baaŋ ŋana m bar efɛ be keŋiniana nɛ a bee mur basa nseŋ kini Enyɛnpe nɛ e sɔ bumo n yige na, saŋɛ na so n ta kemur purgiase m bar bumo be amu.

2 Pita 2:17

Le be basa ere du fanɛ abombi nɛ a maŋ kɔ nchu nna ŋko kenyɔlɔ nna nɛ afugboŋ bee kpata a yɔ. Ebɔrɛ kɔ tentembiri nna le mina a jo bumo.

Kelaraŋŋini 19:20

Nɛ b pɛ kusɔbɔya na n ta anebi fɛpo mo nɛ e daŋ wora emamachisheŋ damta kusɔbɔya na be anishito na n ti so. Emamachisheŋ na nɛ e daŋ ta n fule bumo nɛ b daŋ nya kusɔbɔya na be ndulgi na nseŋ maŋ mbe kaduli so na. B daŋ ta kusɔbɔya na nɛ anebi fɛpo na nna ŋ kpa n wɔtɔ edɛ mo nɛ jɛrbi wɔ amo to a chɔɔ na to nna nɛ b kraa keni.

Kelaraŋŋini 22:15

Bumo nɛ b la njɔnɔ nɛ basa nɛ baa wora ŋ kilgi nɛ kesakaleawuraana nɛ bemɔpo nɛ agbirshumpoana nɛ esa kama nɛ e bee sha nsaa bɛ efɛsheŋ kama so na nawule e maŋ wɔ kadegboŋ na to.