Matiu 15:10 - EBƆRƐ BE KAWƆL

¹⁰ Nɛ Yesu tre jimaŋ na m ba mo kutɔ m ba kaŋɛ bumo: “Men kaŋ kusoe n nu nfe nseŋ pin to.

Matiu 15:10 ပူးပေါင်းရင်းမြစ်များ

1 Bewura 22:28

Nɛ anebi Mikaya kaŋɛ le: “Fo baŋ bɛta m ba nɛ alenfia bre, kumo ere mannɛ Enyɛnpe Ebɔrɛ na e malga n sa ma!” Nseŋ kilgi ŋ kaŋɛ jimaŋ na le: “Men sa maŋ kaŋ teŋ kusɔ nɛ ŋ kaŋɛ ere so.”

Aizaaya 55:3

Ma basa, men nu n sa ma nseŋ ba ma kutɔ. Men ba ma kutɔ nseŋ nya ŋkpa! Ma nɛ menyi beeŋ kre kɔnɔkoŋwule be ŋkre nɛ k wɔtɔ mbaanaayɔ, saŋɛ na so meeŋ sa menyi enɛfa nɛ n nase amo be kɔnɔ n sa Ewura Deevid na.

Aizaaya 6:9

Ndoŋ nna nɛ e kaŋɛ ma fanɛ n ta kubɔya ere n ya sa mbe basa. E yɛ “Kanaŋkama nɛ men nu asheŋ gba, menyi maaŋ pin amo to. Kanaŋkama malɛ nɛ men keni asheŋ, menyi maaŋ pin kusɔ nɛ k bee wora na to.”

Matiu 13:19

Ekama nɛ e bee nu Ebɔrɛ be kuwura na to be asheŋ ŋkaa maa pin kumo be asheŋ to na du fanɛ asɔ duuso nɛ a daŋ tɔr ekpa to na nna. E baŋ nu n loge, alubipo na bee ba nna m ba lara kamalga na mbe kagbene to.

Matiu 15:11

Mannɛ kusɔ nɛ k bee shi kowu a luri esa be kɔnɔ to e naa jija mo, ama kusɔ nɛ k bee shi mbe kɔnɔ to a lar e naa jija mo.”

Matiu 15:9

Bumo be kebunyaŋ ma la bunyaŋ fuloŋ nna, ŋkpal manɛ so, nyiŋgbasa be mbra nɛ b ta ŋ ki Ebɔrɛ peya a ŋini.’ ”

Matiu 24:15

Amoso, men baŋ ya wu edɔsopogboŋ nɛ e bee shin nɛ kemur bee ba na ka yil kakpa cheembi na, mbe asheŋ nɛ anebi Danɛl daŋ malga na, fo nɛ fee kraŋ, fo pin kesheŋ ere be kifito.

Luuk 24:45

Ndoŋ nna nɛ e shin nɛ bumo be ŋgbene bugi nɛ b tiŋ m pin abɔrɛsibɛ na be afito

Ɛfesesebi 1:17

fanɛ e sa menyi Kiyoyu mo nɛ e beeŋ shin nɛ men baa kɔ kanyiasheŋ nseŋ naŋ lara Ebɔrɛ ŋ ŋini menyi nɛ men pin mo kashenteŋto.

Kɔlɔsiebi 1:9

Kumo so nɛ saŋkama nɛ anyee kule Ebɔrɛ a sa menyi, yili jemanɛ nɛ an nu men be asheŋ na. Anyee kule mo nna fanɛ e shin nɛ men baa pin asɔ nɛ e bee sha nɛnɛ, kumo e la fanɛ nɛ men nya kashennyi m pin kusɔ nɛ e bee sha ashi Kiyoyu Cheeŋ na to.

Jeems 1:5

Ama menyi to be ekama nɛ e maŋ kɔ kanyiasheŋ nsaa pin kusɔ nɛ e beeŋ wora a gben, amodoŋwura e kule Ebɔrɛ nɛ e chɛ mo to, ŋkpal manɛ so, Ebɔrɛ e naa bugi kagbene a sa basa asɔ nsaa maa bishi bumo nnɔ. Amoso, fo kama nɛ fo kule mo kanyiasheŋ, fo maaŋ paŋ kumo.