Matiu 14:6 - EBƆRƐ BE KAWƆL

⁶ Ama Hɛrɔd be kakurgeachɛ ko nɛ Hɛrodias pibiche lar m ba cha basa damta nɛ b daŋ shɛr ndoŋ na be anishito, nɛ k par Hɛrɔd ga

Matiu 14:6 ပူးပေါင်းရင်းမြစ်များ

Jɛnesis 40:20

Edareana na be kaman be kachɛ sasopo na daa la Fɛɛro be kakurgeachɛ nna nɛ e wora kejigboŋ n sa mbe benimu kikɛ nseŋ lara asɔnuuso kenipo nimuso na nɛ bodobodo worapo nimuso na ashi kabuti to m ba benimu kikɛ be anishito.

Ɛsta 2:18

Kumo be kaman nɛ ewura na shin nɛ b wora kejigboŋ n sa benimuana na nɛ ekrachiana na ŋkpal Ɛsta so. Nseŋ sa ebɔl fanɛ kumo be kachɛ e baa la kewushiachɛ n sa mbe efuli so be basa kikɛ. Ewura na daŋ sa basa ŋkɛ damta gba n ti so.

Matiu 14:3

Mo, Hɛrɔd gbagba e daŋ shin nɛ b pɛ Jɔn ŋ kre nseŋ ta mo n wɔtɔ kabuti to. Hɛrɔd daŋ wora loŋ nna ŋkpal Hɛrodias mo sipo Filip be eche so.

Matiu 14:7

nɛ e nase kɔnɔ n sa kebichebi na ŋ kaŋɛ: “M bɔ fanɛ kusɔ kama nɛ fo kule ma, meeŋ sa fo kumo.”

Matiu 22:24

“Eŋinipo, anebi Mosis kaŋɛ anyi fanɛ nɛ enyɛn ta eche a maŋ nya mbia nseŋ wu ŋ ka mbe eche, enyɛn na mo sipo e ta ekulpoche na ŋ kurge mbia n sa mo da nɛ e wu na.

Maak 6:14

Ewura Hɛrɔd daŋ nu asheŋ ere kikɛ ŋkpal Yesu be ketre ka sɔ kaplɛkama so. Nɛ beko kaŋɛ: “Jɔn kabɔrɛbɛrpo e naŋ tiŋi luwu to m ba na. Amoso nɛ e kɔ le be eleŋ mo to a wora asheŋ loŋ na.”

Maak 6:17

Mo, Hɛrɔd gbagba e daŋ shin nɛ b pɛ Jɔn ŋ kre nseŋ ti mo ebu. Hɛrɔd daŋ wora loŋ nna ŋkpal Hɛrodias, mo sipo Filip be eche nɛ e daŋ kil na so.

Maak 6:19

Amoso, Hɛrodias daŋ kurge mo yurkishi nna a fin mo nɛ e mɔ, ama e daa maŋ tiŋ ŋkpal Hɛrɔd ka daa ŋana Jɔn na so.

Maak 8:15

Nɛ Yesu ji bumo asoe to ŋ kaŋɛ: “Men baa keni so nɛnɛ a de Efarisiana na nɛ Hɛrɔd be yiisi so.”

Luuk 13:31

Jemanɛ na so gbagba nɛ Efarisiana ko ba kaŋɛ Yesu le: “Keni, lar nfe n yɔ kakpa ko, ŋkpal manɛ so, Ewura Hɛrɔd bee fin fo kemɔ nna.”

Luuk 23:11

Nɛ Hɛrɔd nɛ mbe benapo wora mo nfɛlsheŋ nseŋ wora mo eyurto ga. Ade be kaman nɛ Hɛrɔd shin nɛ b ta asɔbuuso lela m buu Yesu shiaso nseŋ shin nɛ b naŋ bɛta mo n ya sa Pailat.

Luuk 23:7

E ka pin fanɛ Yesu shi Galili, Ewura Hɛrɔd be kasawule so na nɛ e shin nɛ b yɛr mo n ya sa Ewura Hɛrɔd, saŋɛ na so nɛ mo alɛ gba ba Jerusalɛm be kade na to.

Luuk 3:1

Ewurgboŋ Tiberius ka ji mbe kafɛ kuduanusopo to, Pɔnshes Pailat e daa la Judiya be gomena nɛ Hɛrɔd malɛ daa keni Galili be efuli so nɛ mo sipo Filip malɛ daa keni Ituriya nɛ Trakɔnaites be nsawule ko so. Lisanias e daa keni Abileene so nɛ Anas nɛ Kayafas malɛ daa la bɔrɛmatapo nimusoana.

Luuk 3:19

Ewura Hɛrɔd bre, Jɔn daŋ kaŋɛ mo nna fanɛ e maŋ wora n nyalɛ ŋkpal e ka daŋ ta mo gbagba mo sipo be eche Hɛrodias nseŋ naŋ wora asheŋ lubi damta ko n ti so na so.

Luuk 8:3

Beche na be eko e daa la Joana, Kuza nɛ e daa keni Hɛrɔd be kowu so be eche na nɛ Suzana, n ta beche damta ko nɛ b daa ta bumo gbagba be asɔ a chɛ Yesu nɛ mbe bebɛsopo to na.

Ashuŋ Shunso 12:1

Jemanɛ ere so nɛ Ewura Hɛrɔd daŋ fara a tɔrɔ asɔriebi na be beko.

Ashuŋ Shunso 4:27

Kumo alɛ kashenteŋ nna, ŋkpal manɛ so, Hɛrɔd nɛ Pɔnshes Pailat nɛ nnyamase nɛ Israɛlebi daŋ shɛr kadegboŋ ere to ŋ kre Yesu nɛ e la fo Ebɔrɛ be Kenya cheembi nseŋ naa la emo nɛ fo lara fanɛ e baa la Kristo na be nia.