Matiu 13:6 - EBƆRƐ BE KAWƆL

⁶ Ama epeŋi ka baŋ lar nɛ asɔ kɔrso popɔrbi na bolo to, ŋkpal manɛ so, amo be nliŋi maŋ yɔ nchiŋ ko nɛ asɔ na kikɛ wɔl.

Matiu 13:6 ပူးပေါင်းရင်းမြစ်များ

Aizaaya 49:10

Akoŋ nɛ achukoŋ maaŋ naŋ pɛ bumo kikɛ. Epeŋi nɛ keshishɛrsawule so be ebeldɛ maaŋ naŋ tɔrɔ bumo. Ma, Enyɛnpe Ebɔrɛ na beeŋ baa wu bumo kuwɔr nsaa juŋkpar bumo a yɔ mbombi ase.

Matiu 13:21

Ama k maa luri mo to nɛnɛ, amoso, e maa yirda a yɔ kufɔ. Awurfoŋ nɛ tɔrɔ baŋ tu mo ŋkpal kamalga na so, epul na to nɛ e bɛ so ŋ gben.

Matiu 13:5

Nɛ ako malɛ tɔr kejasawule so, kakpa nɛ eshishɛr maŋ shi. K maŋ chɛr ko nɛ a kɔr, ŋkpal manɛ so, a maŋ yɔ nchiŋ ko.

Matiu 13:7

Asɔ duuso na be ako malɛ tɔr ewi to nɛ ewi na daŋ m pɛ amo.

Maak 4:6

Ama epeŋi ka baŋ lar nɛ asɔ kɔrso popɔrbi na bolo to, ŋkpal manɛ so, amo be nliŋi maŋ yɔ nchiŋ ko nɛ asɔ na kikɛ wɔl.

Luuk 8:13

Asɔ duuso nɛ a tɔr kejasawule so na du fanɛ basa nɛ baa nu kamalga na nsaa sɔ kumo nɛ kagbenefuli na nna. Ama k maa luri bumo to nɛnɛ, amoso, b maa yirda a yɔ kufɔ. Kechɔŋkeni be jemanɛ baŋ ya fo nɛ b bɛ so ŋ gben.

Ɛfesesebi 3:17

nɛ Kristo e tiŋ m bɔla men be yirda so a wɔ men be ŋgbeneana to. Ma alɛ nseŋ naa kule mo fanɛ e shin nɛ men tɔl to m pɛ kasha to a yil kpakpa fanɛ nliŋi na.

Kɔlɔsiebi 1:23

Kananɛ Yesu Kristo beeŋ yɛr menyi Ebɔrɛ kutɔ nna na, nɛ men baŋ yirda baru lela na a maa chɛrga men be ŋgbene nsaa tama asɔ nɛ men nu baru lela na to nna na. Baru lela na nɛ baa malga a sa basa kama nɛ ma Pɔɔl gba ki kumo be emalgapo na.

Kɔlɔsiebi 2:7

a yil fanɛ kananɛ nliŋi bee pɛ ndibi to a yil na ŋ kraa pin mbe asheŋ a ti so m baa yirda kashenteŋ na kikɛ nyam, fanɛ kananɛ b ŋini menyi na nɛ men baa wɔtɔ a chɔrɔ Ebɔrɛ.

Kelaraŋŋini 7:16

Akoŋ maaŋ naŋ pɛ bumo, achukoŋ malɛ gba maaŋ pɛ bumo. Epeŋi maaŋ mɔ bumo, ebeldɛ malɛ gba maaŋ mɔ bumo.