Matiu 13:57 - EBƆRƐ BE KAWƆL

⁵⁷ Ndoŋ nna nɛ b kpal kumo so ŋ kini kesɔ mo. Nɛ Yesu kaŋɛ bumo: “Anebi kikɛ bee nya bunyaŋ kaplɛkama she mo gbagba be kade to nɛ mbe laŋ to ebi kutɔ.”

Matiu 13:57 ပူးပေါင်းရင်းမြစ်များ

Aizaaya 49:7

Israɛl be basa, ma e la Enyɛnpe menyi be Ebɔrɛ cheembi na. Ma alɛ e la menyi be emɔlgapo! Men daa la anya nna n sa efuli pɔtɛana be bewura nɛ baa keni menyi jiga. Naniere kɔnɔ nɛ mee nase a sa menyi nde: “Bewurjipo nɛ kenimujiana beeŋ gbir m bunyaŋ menyi. Menyeeŋ tiŋ n yirda ma! Ŋkpal manɛ so, ma e la Enyɛnpe menyi be Ebɔrɛ nɛ menyi alɛ la ma basa laraso.”

Aizaaya 53:3

Ekama daŋ keni mo jiga nna nseŋ kini mo n lɛ. Kagbenejija nɛ ebesa damta e daŋ bɔlɔ mo to, nɛ mo alɛ ji kanyiti nseŋ sɔ amo kikɛ n deŋi mbe kumu so. Ekama daa maa sha kewu mo kenishiso gba. B daŋ wu mo nna fanɛ esa jiga.

Aizaaya 8:14

Ŋkpal ma kecheembiya ka bee keta kufu so n du fanɛ kejembu gboŋ nɛ k pul nɛ basa bee fiti kumo a tɔr na nna. Ma alɛ naa du fanɛ kejigbelɛ nɛ k beeŋ pɛ Juda nɛ Israɛl be efuliana so nɛ Jerusalɛm to be basa nna.

Matiu 11:6

Kagbenefuli la ekama nɛ e maa wora ma shikashika na peya nna.”

Matiu 13:58

E daa maŋ wora emamachisheŋ damta ndoŋ ŋkpal basa na ka daa maa kɔ yirda so.

Maak 6:1

Yesu ka lar ndoŋ nɛ e bɛta n yɔ mo gbagba be kade to nɛ mbe bebɛsopo bɛ mo so.

Maak 6:14

Ewura Hɛrɔd daŋ nu asheŋ ere kikɛ ŋkpal Yesu be ketre ka sɔ kaplɛkama so. Nɛ beko kaŋɛ: “Jɔn kabɔrɛbɛrpo e naŋ tiŋi luwu to m ba na. Amoso nɛ e kɔ le be eleŋ mo to a wora asheŋ loŋ na.”

Maak 6:3

Mannɛ mo e la kapɛnta na a? Mɛɛri pibi nɛ Jeems nɛ Josɛf nɛ Judas nɛ Saimɔn bumo da nna a? Mannɛ anyi nɛ mo sipocheana e wɔ nfe na a?” Ndoŋ nna nɛ b kpal kumo so ŋ kini kesɔ mo.

Maak 6:4

Nɛ Yesu kaŋɛ bumo: “Anebi kikɛ bee nya bunyaŋ kaplɛkama she mo gbagba be kade to nɛ mo kurgepoana nɛ mbe laŋ to ebi kutɔ.”

Luuk 4:24

Ama ma e kaŋɛ menyi kashenteŋto na: Anebi maa nya bunyaŋ mo gbagba be kade to kikɛ.

Luuk 7:23

Kagbenefuli la ekama nɛ e maa wora ma shikashika peya nna.”

Baru lela nɛ Jɔn kute na 4:44

Mo ere Yesu gbagba e daŋ chɛr ŋ kaŋɛ fanɛ: “Anebi kama maŋ kɔ bunyaŋ mo gbagba be basa to.”

Baru lela nɛ Jɔn kute na 6:42

B yɛ: “Mannɛ mo e la Yesu, Josɛf pibi na a? To, an nyi mo tuto nɛ mo nio nɛ a ji nuso nna nɛ e bee kaŋɛ mbe kumu fanɛ: ‘Ebɔrɛso nɛ n shi m ba?’ ”

Baru lela nɛ Jɔn kute na 6:61

Yesu ka pin fanɛ mbe bebɛsopo daa bile asheŋ nna ŋkpal kesheŋ na so nɛ e bishi bumo: “Kesheŋ nɛ m malga na bee pɔ menyi aba nna ŋko?