Matiu 13:55 - EBƆRƐ BE KAWƆL

⁵⁵ Mannɛ mo e la kapɛnta na pibi na a? Mannɛ mo nio e la Mɛɛri na a? Kumo be kaman, mannɛ mo sipoana e la Jeems nɛ Josɛf nɛ Saimɔn nɛ Judas na a?

Matiu 13:55 ပူးပေါင်းရင်းမြစ်များ

Nshɛ 22:6

Ama m maŋ naa du fanɛ dimɛdi. Ŋ ki fanɛ kushushombi nna nɛ basa bee keni ma jiga nsaa wora ma eyurto.

Aizaaya 49:7

Israɛl be basa, ma e la Enyɛnpe menyi be Ebɔrɛ cheembi na. Ma alɛ e la menyi be emɔlgapo! Men daa la anya nna n sa efuli pɔtɛana be bewura nɛ baa keni menyi jiga. Naniere kɔnɔ nɛ mee nase a sa menyi nde: “Bewurjipo nɛ kenimujiana beeŋ gbir m bunyaŋ menyi. Menyeeŋ tiŋ n yirda ma! Ŋkpal manɛ so, ma e la Enyɛnpe menyi be Ebɔrɛ nɛ menyi alɛ la ma basa laraso.”

Matiu 27:56

Bumo to be beko e daa la Mɛɛri Magdalin nɛ Jeems nɛ Josɛf bumo nio Mɛɛri nɛ Zɛbedi be mbinyɛnsobi bumo nio.

Maak 15:40

Beche ko gba daa yil ekarso a keni. Bumo to be beko e daa la Mɛɛri Magdalin nɛ Mɛɛri, Jeems kekarkarso nɛ Josɛf bumo nio nɛ Salomi.

Maak 15:47

Mɛɛri Magdalin nɛ Josɛf mo nio Mɛɛri daŋ pɛshɛ n wu kakpa nɛ b nase Yesu na.

Maak 6:3

Mannɛ mo e la kapɛnta na a? Mɛɛri pibi nɛ Jeems nɛ Josɛf nɛ Judas nɛ Saimɔn bumo da nna a? Mannɛ anyi nɛ mo sipocheana e wɔ nfe na a?” Ndoŋ nna nɛ b kpal kumo so ŋ kini kesɔ mo.

Luuk 1:27

Kasuŋgurbia ko nɛ b daŋ yili kumo fanɛ mo nɛ Josɛf, Ewura Deevid be kanaŋ to be esa, daŋ ba kil nna nɛ e daŋ bar kubɔya ko. Kebichebi na be ketre e daa la Mɛɛri.

Luuk 24:10

Mɛɛri Magdalin nɛ Joana nɛ Jeems mo nio Mɛɛri nɛ beche nɛ b daŋ ti bumo so na e daŋ ya kaŋɛ beshuŋipo na.

Luuk 3:23

Yesu daŋ fo fanɛ nfɛ adesa nna nseŋ fara mbe kushuŋ. Mo tuto e daa la Josɛf fanɛ kananɛ basa daa fɛ na. Josɛf mo tuto e daa la Ilai, Matat pibi.

Luuk 4:22

Mbe asheŋ daŋ bɔlɔ basa na be kenishi ga nɛ mbe kubɔya belbelso na be asheŋ chinchiŋ bumo ga nɛ b bishi abar: “Mannɛ mo e la Josɛf pibi na a?”

Luuk 8:20

Nɛ esa ko kaŋɛ mo: “Fo nio nɛ fo siponyɛnsoana yil kowushina a sha kewu fo.”

Baru lela nɛ Jɔn kute na 19:25

Yesu mo nio nɛ mo niokar nɛ Mɛɛri nɛ e daa la Kliopas be eche na nɛ Mɛɛri Magdalin daŋ ba yili nna n taga kedibi largato na to.

Baru lela nɛ Jɔn kute na 6:42

B yɛ: “Mannɛ mo e la Yesu, Josɛf pibi na a? To, an nyi mo tuto nɛ mo nio nɛ a ji nuso nna nɛ e bee kaŋɛ mbe kumu fanɛ: ‘Ebɔrɛso nɛ n shi m ba?’ ”

Baru lela nɛ Jɔn kute na 9:29

An nyi Ebɔrɛ ka malga n sa Mosis, ama kanyɛn ere bre, anyi maŋ nyi kakpa nɛ e shi gba.”

Galeeshaebi 1:19

ama n daa maŋ wu beshuŋipo na be bekama n naŋ ti so she Enyɛnpe mo sipo Jeems nawule.

Juud 1:1

Kawɔl ere shi ma Juud, Jeems mo sipo nɛ n la Yesu Kristo be kenya na kutɔ nna a yɔ bumo nɛ Ebɔrɛ Etuto na bee sha nseŋ tre bumo m ba kaa keni bumo so ŋkpal Yesu Kristo so na kutɔ.