Matiu 13:52 - EBƆRƐ BE KAWƆL

⁵² Nɛ e kaŋɛ le: “Mbraŋinipo kama nɛ b ŋini mo ebɔrɛso be kuwura na to be asheŋ baa du fanɛ laŋwura ko ka bela asɔ popɔr nɛ asɔ dra ashi mbe kpanjawu to be ebu to n lar na nna.”

Matiu 13:52 ပူးပေါင်းရင်းမြစ်များ

Ɛzra 7:10

Ɛzra bre daŋ ta Ebɔrɛ be mbra na be kekoya nɛ amo be kenu nseŋ wora, nɛ mbra na be atande be keta ŋ ŋini Israɛl be efuli so kenishipereso nna.

Ɛzra 7:21

Ma, ewurgboŋ Atazɛzɛs, e naa sa bekama nɛ baa keni Yufreetes be epeŋitɔrkpa be efuli so be amansherbi so na ebɔl fanɛ kusɔ kama nɛ Ɛzra, nɛ e la bɔrɛmatapo nɛ Ebɔrɛ be mbra na be eŋinipo na bee sha, b sa mo.

Ɛzra 7:6

Ɛzra daŋ shi Babilɔn be efuli so nna m ba Jerusalɛm. E daa la eŋinipo nɛ e daa nyi Israɛl be Ebɔrɛ na be mbra nɛ e ta m bɔla Mosis so n sa mbe basa na ga nna. Ewura na daŋ sa Ɛzra kusɔ kama nɛ e daŋ kule mo na nna ŋkpal Ebɔrɛ be nɛfa ka daa wɔ mo so so.

Aŋasa 11:30

Kecheembiya bee sa ŋkpa nna, ama kumu kpakpaso be kebaawɔtɔ bre bee mɔ nna.

Aŋasa 15:7

Benyiashempo be atuwebi e naa sa basa kenyi, mannɛ bewulpo peya.

Aŋasa 18:4

Enyiashempo be mmalga du fanɛ ketirbu chiŋgeliŋ to be nchu nɛ a bee bul a teŋi a shile eleŋso fanɛ kabombi nna.

Sɔlɔmɔn 7:13

Atoto be efɛa sɔ ndoŋ be kaplɛkama nna. N jipo lela, asɔrso lela dra nɛ a popɔr kikɛ nɛ n fin n yili fo.

Matiu 12:35

Esa lela bee kaa shin nɛ asɔ lela damta nɛ a wɔ mo to na nna bee shi mo to a lar nɛ esa lubi malɛ bee kaa shin nɛ asɔ lubi damta nɛ a wɔ mo to na bee kaa shi mo to a lar.

Matiu 13:51

Ade kikɛ be kaman nɛ Yesu bishi bumo: “Men pin asheŋ ere kikɛ to a?” Nɛ b shuli ŋ kaŋɛ: “Mm, an pin amo to.”

Matiu 13:53

Yesu ka bɔ aŋasa ere n loge nɛ e lar kade na to

Matiu 23:34

To, mee shuŋi anebiana nɛ benyiashempo nɛ beŋinipo menyi kutɔ nna na, ama menyeeŋ mɔ bumo be beko nseŋ ta beko ŋ gbir m mata kedibi largato so nseŋ bri beko malɛ ashi menyi be nshɛrbuana to n ju bumo ashi kade ko to n yɔ kepɔtɛ to.

Matiu 28:19

Amoso, men yɔ efuli kikɛ so n ya shin nɛ basa e ki ma bebɛsopo nɛ men bɛr bumo kabɔrɛbɛr ashi Etuto na nɛ Ebinyɛn na nɛ Kiyoyu Cheeŋ na be ketre to, nseŋ ŋini bumo nɛ b bɛ asɔ nɛ ŋ ŋini menyi na kikɛ so.

Luuk 11:49

Ŋkpal ade so nɛ Ebɔrɛ ta mbe kanyiasheŋ ŋ kaŋɛ: ‘Meeŋ shuŋi anebiana nɛ beshuŋipoana bumo kutɔ, ama baaŋ mɔ bumo to be beko nseŋ tɔrɔ beko malɛ.’

Baru lela nɛ Jɔn kute na 13:34

Ama kamalga naseso popɔr nɛ mee sa menyi e la fanɛ men baa sha abar. Kananɛ mee sha menyi na e daga fanɛ menyi alɛ gba e baa sha abar loŋ.

2 Kɔrintebi 6:10

An wɔ kagbenejija to, ama an be ŋgbene malɛ baa fuli anyi nna saŋkikɛ. Betirpo e la anyi, ama saŋkikɛ anyi alɛ bee wɔtɔ basa dama to nna. Anyi maŋ kɔ shɛŋ, anyi alɛ nsaa kɔ asɔ kikɛ.

Ɛfesesebi 3:4

Nɛ menyi alɛ baŋ kraŋ kawɔl ere, menyeeŋ pin kananɛ ma nfɛra sa ashi Kristo be wulo be kesheŋ ere be kaplɛa so.

Ɛfesesebi 3:8

Kashenteŋto nna fanɛ m maŋ fo Ebɔrɛ be basa to be ekekarso gba kuraa, ama Ebɔrɛ ta le be kuwɔr be kakɛ ere nna n sa ma nɛ m bɔ Kristo be enɛfa damta be baru lela na n sa nnyamase

Kɔlɔsiebi 1:7

Epafras, an barkasa kebɔrɛnya shaso ŋini menyi kananɛ Ebɔrɛ kɛ basa mbe kuwɔr be kakɛ na. Mo e la Yesu Kristo be eshumpo kagbene koŋwuleso a yil an be katelamu to nna.

Kɔlɔsiebi 3:16

Men bɛ kubɔya nɛ Yesu Kristo sa anyi na so saŋkama, men baa kɔ kanyiasheŋ a ŋini abar a leŋ abar to a boŋ Ebɔrɛ be kawɔl to be nshɛ nɛ Ebɔrɛ be basa be kapandi be nshɛ nɛ Kiyoyu Cheeŋ na bee ŋini na a di Ebɔrɛ epaŋ men be ŋgbene to.

1 Timoti 3:6

Esa nɛ e la asɔri to be ejuŋkparpo na daga e ka chɛr kebɛso na to nna, nɛ mannɛ aloŋ, e beeŋ luri kamoowu to nɛ Ebɔrɛ e ji mo kumo be demu fanɛ kananɛ Setani daŋ wora nɛ Ebɔrɛ gberge mo kusoe na.

Taites 1:9

A daga fanɛ e baa kɔ kubɔya nɛ k bɛ anyi be keŋini nɛ esa beeŋ tiŋ n yirda na so to kpakpa. Loŋ na e beeŋ tiŋ n ta keŋini lela n leŋ basa to nseŋ naŋ tiŋ n ji m bri bumo nɛ baa ji emɔrɔ na.