Matiu 13:46 - EBƆRƐ BE KAWƆL

⁴⁶ E na a fin amo loŋ n ya wu kumo nɛ k walɛ ga nseŋ ya fa mbe asɔ kikɛ nɛ e ya tiŋ n tɔ kumo.”

Matiu 13:46 ပူးပေါင်းရင်းမြစ်များ

Aŋasa 2:4

Baa fin kenyi kenishipereso fanɛ kananɛ feeŋ fin gbiti nɛ yawu kpakpaso be asɔ nɛ a ŋana na.

Aizaaya 33:6

Mo nɛ anyee fute a yige so, ŋkpal e kaa bee mɔlga mbe basa jemanɛ kikɛ nsaa sa bumo kanyiasheŋ nɛ kashennyi damta so. Kebaaŋana Enyɛnpe Ebɔrɛ nsaa nu a sa mo nɛ baaŋ baa sha kewora ga a chɔ kusɔ kikɛ.

Matiu 13:44

Nɛ Yesu naŋ kaŋɛ: “Ebɔrɛso be kuwura na du fanɛ kusɔ shaso ko ka ŋana a wɔ kasawule ko to nna. Ndoŋ nna nɛ kanyɛn ko ya wu kumo nɛ mbe kagbene fuli mo ga nɛ e lɔŋɛ kumo ŋ ŋana kasawule to nɛnɛ. Kumo be kaman nɛ e ya ta mbe asɔ kikɛ n fa nseŋ ya tɔ kasawule na.”

Matiu 13:45

Nɛ Yesu naŋ kaŋɛ: “Kede be kaman, ebɔrɛso be kuwura na du fanɛ yawujipo nɛ e na a fin yawu kpakpaso be ashembi lela nɛ e tɔ na nna.

Matiu 13:47

Nɛ Yesu naŋ kaŋɛ: “Kede malɛ gba be kaman ebɔrɛso be kuwura na du fanɛ b ka lɛ keshewu n wɔtɔ kepagboŋ to nna nɛ k pɛ ekɔrɔtɔ be yiri kikɛ.

Ashuŋ Shunso 20:24

Kusɔ nɛ k tir ma e la kananɛ meeŋ tiŋ n loge Enyɛnpe Yesu be kushuŋ nɛ e sa ma na. Kumo alɛ e la kebɔ Ebɔrɛ be kuwɔr be kakɛ na be baru lela na.

Galeeshaebi 6:14

Ama ma ere, kaarɛ gba fanɛ ŋ ka beeŋ ji njɔŋ ko she an Nyɛnpe Yesu Kristo be luwu nɛ e wu kedibi largato na so nawule so, nɛ durnya maŋ naa la shɛŋ ma anishito.

Ɛfesesebi 3:8

Kashenteŋto nna fanɛ m maŋ fo Ebɔrɛ be basa to be ekekarso gba kuraa, ama Ebɔrɛ ta le be kuwɔr be kakɛ ere nna n sa ma nɛ m bɔ Kristo be enɛfa damta be baru lela na n sa nnyamase

Kɔlɔsiebi 2:3

Wulo na e la fanɛ Ebɔrɛ lara Yesu Kristo nɛ mo nawule shin nɛ an nya kanyiasheŋ kashenteŋto nseŋ shin nɛ an pin kashenteŋ na kikɛ.

Kelaraŋŋini 18:12

B nyi esa kikɛ ka maaŋ naŋ tɔ bumo be eshuwa nɛ egbiti nɛ ajembubi lela nɛ amo be yawu du kpakpa na nɛ abitasɔ nɛ ewajɛ fuful lela nɛ jilmaso be ewajɛ peper kpaw nɛ ago be ewajɛ nɛ ewajɛ peper kunɔkunɔ nɛ ndibi be nnaŋ to nɛ amo be efɛa wɔ ebel nɛ asɔ nɛ b ta ejebotenyi n lɔŋɛ nɛ asɔwurbi kikɛ nɛ b ta yawu kpakpaso be ndibi ŋko ntishaŋ peper ŋko abɛlsoana ŋko awarabi lelaana n lɔŋɛ.

Kelaraŋŋini 21:21

Mbuna kuduanyɔ na daa la asɔ nɛ baa tre apɛl na nna. Pɛɛl koŋwule nɛ b daŋ ta n lɔŋɛ kabuna na be kekama. Kadegboŋ na be kubɔrbi daa la shuwa gbagba nna a wu to fanɛ digi.