Matiu 13:33 - EBƆRƐ BE KAWƆL

³³ Nɛ Yesu naŋ bɔ bumo keŋasa ko ŋ kaŋɛ: “Ebɔrɛso be kuwura na du fanɛ yiisi nna. Eche baŋ ta yiisi n wɔtɔ katishaŋgboŋ nɛ nyifu to ŋ gbiti amo, a bee dii nna le fɔŋgrɔŋ.”

Matiu 13:33 ပူးပေါင်းရင်းမြစ်များ

Jɛnesis 18:6

Kumo be kaman nɛ Eebraham wora manaŋ n luri mbe wajɛbu to n ya kaŋɛ Sɛɛra le: “Jɔ fo nyifu lela na manaŋ kananɛ a beeŋ fo basa asa ere ŋ gbiti amo n wora bodobodo.”

2 Samuɛl 13:6

Ndoŋ nna nɛ Amnɔn wora fanɛ e ka bee lɔ na nseŋ ya dese mbe gedo so. Ewura Deevid ka yɔ nɛ e ya wu mo nɛ Amnɔn kaŋɛ mo le: “Jande shin nɛ Tamaa e ba daŋɛ ajibi lela ko n sa ma nfe nsaa ku amo a sa ma nɛ m baa ji.”

Job be kawɔl 17:9

Basa niŋiso beeŋ baa wora kusɔ nɛ k daga, ŋkpal loŋ so baaŋ baa nya eleŋ a ti so.

Aŋasa 4:18

Ama ekpa nɛ belelaworapo bɔ so na bre du nna fanɛ karechɛ so be epeŋi na. K bee fulto nna a ti so hale nɛ kare e ya chɛ nɛ kaboŋ e fulto parr.

Hoziya 6:3

Men shin nɛ an wora ania m pin Enyɛnpe Ebɔrɛ na. K baa la kashenteŋ nna geeŋ fanɛ e beeŋ ba. Mbe keba na beeŋ baa du fanɛ kananɛ epeŋi bee pete nna, ŋko kananɛ dɔchubɔrɛ so be bɔrɛ bee ba a wushi kasawule na nna.”

Matiu 13:24

Ndoŋ nna nɛ Yesu naŋ bɔ keŋasa ko ŋ kaŋɛ bumo. E yɛ: “Ebɔrɛso be kuwura na du fanɛ kanyɛn ko ka ya duu asɔ duuso lela mbe ndɔ to nna.

Maak 13:20

Nɛ Enyɛnpe daa maŋ ku nchɛ na so, esa kama daa maaŋ nya kumɔlga. Ama ŋkpal mbe basa laraso nɛ e lara so, e ku nchɛ na so.

Luuk 13:21

K du fanɛ yiisi nna. Eche baŋ ta yiisi n wɔtɔ katishaŋgboŋ nɛ nyifu to ŋ gbiti amo, a bee dii nna le fɔŋgrɔŋ.”

Baru lela nɛ Jɔn kute na 15:2

Keyabi kama nɛ k chɔɔ ma so ŋkaa maa sɔr shɛŋ, e bee ku kumo nna a lɛ nɛ keyabi kama malɛ nɛ k bee sɔr e bee lɔŋɛ kumo so nna nɛ k tiŋ n sɔr ga n ti so.

Galeeshaebi 5:9

Yiisi gbrɛbi ko e naa kaa luri nyifu to a shin nɛ amo kikɛ bee tiŋ fɔŋgrɔŋ.

Filipaiebi 1:6

Amoso, m baa nyi fanɛ Ebɔrɛ nɛ e baŋ fara le be kushuŋ lela menyi to ere beeŋ shin nɛ k baa wɔ menyi to loŋ n ya loge nɛnɛ kachɛ nɛ Kristo Yesu beeŋ naŋ ba na.

Filipaiebi 1:9

Ma kabɔrɛkule nɛ mee kule a sa menyi e la fanɛ Ebɔrɛ e shin nɛ men be kasha e baa wora keshi a ti so ashi kashennyi nɛ kenya lakal ashi asheŋ to to.

2 Pita 3:18

Ama men baa wɔtɔ a yɔ anishito ashi an Nyɛnpe nɛ an be Emɔlgapo Yesu Kristo be kuwɔr be kakɛ na nɛ kashennyi na to. Kemaŋkura e baa la mo peya naniere nɛ saŋkikɛ mbaanaayɔ. Amɛn.

Demujipoana 6:19

Ndoŋ nna nɛ Gidiɔn yɔ mbe laŋ to n ya mɔ kaboelote fɔlbi n daŋɛ nseŋ ta nyifu beeŋ wora kilo kudu n wora bodobodo nɛ yiisi maŋ wɔ amo to. Kumo be kaman nɛ e ta eblaŋ na nɛ amo be epuchu kikɛ n wɔtɔ kapuliya to n taga kelantaŋɛ to n sulɔ m ba sa Enyɛnpe Ebɔrɛ be malaika na ashi kedibigboŋ na be kifito.

1 Samuɛl 1:24

Haana ka ku kebia na kenyipo, nɛ e ta mo n yɔ Shilo. E daŋ ta nfɛnsa be gbolu nɛ nyifu kilo kudu nɛ nsa belbelso deŋkeŋ be bɔlɔ n ti kebia na so nna m ba Enyɛnpe Ebɔrɛ be lambu to ashi Shilo.