Matiu 13:30 - EBƆRƐ BE KAWƆL

³⁰ Men yige amo nɛ alela na kikɛ nɛ a baa yil a daŋ hale nɛ kasɔteŋi be jemanɛ e ya fo nɛ ŋ kaŋɛ beteŋipo na le: Men tia alubi na pɔɛŋ ŋ kre amo ntuŋ so n ta amo n wɔtɔ edɛ to. Amo be kaman nɛ men teŋi alela na n wɔtɔ ma kapuro to.’ ”

Matiu 13:30 ပူးပေါင်းရင်းမြစ်များ

2 Samuɛl 23:7

Ama fo baŋ ta kebɛlso be katɔkɔrɔ nna m pulgi amo nseŋ ŋ gbare amo n ya chɔɔ.

Job be kawɔl 39:12

Feeŋ shuli n yirda kumo nɛ k sulɔ fo ayu teŋiso m bar fo nɛ fo wɔtɔ mpuro to a?

Aizaaya 17:5

Israɛl beeŋ ki fanɛ kudɔsawule nɛ b dɔ ayu n teŋi kumo so ashi ketaŋɛ nɛ baa tre Refaebi na to na.

Malakai 3:18

Ndoŋ nɛ ma basa beeŋ pin basa niŋiso nɛ basa lubi na be mbarga, nseŋ naŋ pin basa nɛ baa shuŋ ma nɛnɛ nɛ bumo nɛ b maa shuŋ ma na be mbarga.”

Matiu 13:25

Kanyɛso ko ekama ka bee di nɛ mo doŋ ya duu asɔ duuso nɛ b maa ji n wɔtɔ asɔ duuso lela na to nseŋ choŋ.

Matiu 13:29

Nɛ kanyɛn na kaŋɛ bumo: ‘Ayai, nɛ mannɛ aloŋ, men ya kaa tia alubi na, menyeeŋ tia alela na be ako n ti so.

Matiu 25:32

Baaŋ shɛr efuliana kikɛ nyam ma anishito nɛ m barga basa ko ashi beko to fanɛ kananɛ mbolpɔkpapo bee barga mbolpɔ ashi mboe to na.

Matiu 25:41

Ade be kaman nɛ ŋ kaŋɛ bumo nɛ b wɔ ma bena so na le: ‘Basa lubi ere, men shile ma so n yɔ edɛ nɛ b puga n yili Setani nɛ mbe emalaika na to. Edɛ na maa duŋ kikɛ.

Matiu 3:12

E du fanɛ esa nɛ e kɔ kawie chela asɔ to nna a chela asɔ to. E beeŋ chela mbe ayu to n ta amo be alela n wɔtɔ mbe kapuro to nseŋ ta amimi na n wɔtɔ edɛ nɛ a maa duŋ to.”

Luuk 3:17

E du fanɛ esa nɛ e kɔ kawie chela asɔ to nna a chela asɔ to. E beeŋ chela mbe ayu to n ta amo be alela n wɔtɔ mbe kapuro to nseŋ ta amimi na n wɔtɔ edɛ nɛ a maa duŋ to.”

Baru lela nɛ Jɔn kute na 15:6

Esa kama nɛ e maŋ wɔ ma to du fanɛ kedibi be keyabi nɛ b ku ashi kedibi gbagba so nna n lɛ nɛ k bee wɔl na nna. Ayabi mo nɛ a du loŋ malɛ, baa muu amo nna n wɔtɔ edɛ to nɛ a chɔɔ.

1 Kɔrintebi 4:5

Amoso, a maŋ daga fanɛ men baa wu abar kulubi a ji abar demu pɔɛŋ nɛ demuji be kachɛ e fo. Kumo e la saŋɛ nɛ Enyɛnpe beeŋ naŋ bɛta m ba na. Mo e naaŋ shin nɛ kusɔ kikɛ nɛ k daŋ ŋana tentembiri to e lar efuli nseŋ lara nfɛra fɛso nɛ a ŋana a wɔ basa be ŋgbene to kikɛ efuli. Kumo be saŋɛ na malɛ nɛ ekama beeŋ nya mbe kechɔrɔ ashi Ebɔrɛ kutɔ.

1 Timoti 5:24

Basa ko be alubi baŋ fuli nna geeŋ a juŋkpar bumo a yɔ kasogberge to. Beko malɛ be alubi bee ŋana nna loŋ pɔɛŋ n ya lar efuli kacha ko.

1 Samuɛl 25:29

Enyɛnpe Ebɔrɛ na beeŋ kuŋ fo ashi bedoŋ kama nɛ baa fin fo nɛ b mɔ na be enɔ to. E beeŋ kuŋ fo fanɛ kananɛ esa bee kuŋ mbe kpanjawu na. Ama fo doŋana na bre Ebɔrɛ beeŋ kpa bumo n ya lɛ fanɛ kananɛ baa ta ajembu a wɔtɔ ketababu to a kpa a lɛ na.