Matiu 13:3 - EBƆRƐ BE KAWƆL

³ Aŋasa nɛ e daŋ ta ŋ ŋini bumo asɔ damta a kaŋɛ: “Kanyɛn ko e daa wɔtɔ n lar n yɔ mbe kudɔsawule so nɛ e ya duu asɔ.

Matiu 13:3 ပူးပေါင်းရင်းမြစ်များ

Nshɛ 49:4

Aŋasa nɛ mee shin nɛ m bɔ, ama meeŋ ŋini amo be afito saŋɛ nɛ mee laŋ jaŋjilaŋ na.

Nshɛ 78:2

Meeŋ ta kanyiasheŋ be mmalga m bugi wulo to be mmalga nɛ a choŋ na to.

Ezikɛl 17:2

“Dimɛdi pibi, Ezikɛl, bɔ Israɛl be basa na keŋasa

Ezikɛl 20:49

Ndoŋ nna nɛ n fubel ŋ kaŋɛ: “Enyɛnpetale Ebɔrɛ, sa maŋ shin nɛ n wora loŋ! Ekama bee malga a kaŋɛ fanɛ aŋasa nɛ mee bɔ nɛ a bee wul bumo to.”

Maika 2:4

Kachɛ na kaŋ fo basa beeŋ baa boŋ nshɛ a wora menyi eyurto a kaŋɛ le: ‘Anyi ere mur cheche nna na! Enyɛnpe Ebɔrɛ na suge anyi be kasawule n sa bedebɔrpo.’

Habakuk 2:6

Basa nɛ b kɔ n tɔr na bee melgi belempo nɛ b pɔɔ bumo so na nna a kaŋɛ le: “Asɔ nɛ e maŋ la menyi peya nɛ menyee suge. Asheŋ maaŋ nyalɛ n sa menyi kikɛ! Menyi maaŋ tiŋ n tintiŋ menyi be akɔjipoana n sɔ akɔ nɛ b ji menyi n dii kedama!”

Matiu 13:4

E ka ya kaa ŋmenyaŋ asɔ duuso na nɛ amo be ako tɔr ekpa to nɛ mbuibi ba tise amo n ji.

Matiu 13:53

Yesu ka bɔ aŋasa ere n loge nɛ e lar kade na to

Matiu 22:1

Nɛ Yesu naŋ ta aŋasa m malga n sa basa na a kaŋɛ bumo:

Matiu 24:32

Men shin nɛ kakuluwudibi e ŋini menyi kusɔ ko. Kumo be ayabi gbagba baŋ ya ki kefitiri bumbuŋ a du bɛlɛbɛlɛbi n fara a purge na, kumo be jemanɛ na nɛ menyee pin kebleŋ be saŋɛ ka taga to.

Maak 12:1

Ade be kaman nɛ Yesu naŋ bɔ bumo aŋasa a kaŋɛ: “Kanyɛn ko e daŋ dɔ ndibi sɔrso be kudɔ n fɛa asɔ ŋ kulti kumo nseŋ kur asɔrso na be kemaŋ nɛ b baa nyaŋ amo ndoŋ. Kumo be kaman nɛ e yuu kejaŋ jeŋgreŋ ko malɛ. E ka loge ade kikɛ nɛ e ta kudɔ na m bɔɔ paawuraana enɔ fanɛ b baa keni so nseŋ yɔ efuli pɔtɛ ko so.

Maak 12:12

Ndoŋ nna nɛ Juwebi be benimuana na wora ania a fin kananɛ baaŋ wora m pɛ mo, ŋkpal manɛ so, b daŋ pin fanɛ bumo nɛ e daŋ bɔ keŋasa na, ama bumo alɛ daa ŋana jimaŋ na nna, amoso, b daŋ yige mo nna nseŋ yɔ.

Maak 3:23

Nɛ Yesu tre basa na m bɔ bumo aŋasa: “Nuso nɛ Setani bee wora a ju Setani?

Maak 4:13

Nɛ Yesu bishi bumo: “Men maŋ nyi keŋasa ere be kifito a? Nɛ nuso nɛ menyeeŋ wora m pin aŋasa mo nɛ a ka na kikɛ be afito?

Maak 4:33

Le be aŋasa nɛ Yesu daŋ ta m bɔ mbe kubɔya. Amo nɛ e kaŋɛ bumo na kikɛ daa la amo nɛ baaŋ tiŋ m pin to nna.

Luuk 12:41

Nɛ Pita bishi mo: “Enyɛnpe, anyi nawule nɛ fee bɔ keŋasa ere a sa ŋko ekama?”

Luuk 8:10

Nɛ e kaŋɛ: “Ebɔrɛ bugi mbe kuwura na to be kesheŋ ŋini be ewulo nna n sa menyi, ama aŋasa to nɛ basa pɔtɛ bre beeŋ nu Ebɔrɛ be kuwura na to be asheŋ. Loŋ nɛ baaŋ keni, ama b maaŋ wu shɛŋ, baaŋ nu, ama b maaŋ pin to.”

Baru lela nɛ Jɔn kute na 16:25

Kashenteŋto, aŋasa to nɛ m bɔla m malga asheŋ na, ama saŋko bee ba nɛ m maaŋ naŋ ta aŋasa m malga asheŋ n sa menyi, meeŋ bugi asheŋ to filifili ŋ kaŋɛ menyi n Tuto na be asheŋ.