Matiu 13:24 - EBƆRƐ BE KAWƆL

²⁴ Ndoŋ nna nɛ Yesu naŋ bɔ keŋasa ko ŋ kaŋɛ bumo. E yɛ: “Ebɔrɛso be kuwura na du fanɛ kanyɛn ko ka ya duu asɔ duuso lela mbe ndɔ to nna.

Matiu 13:24 ပူးပေါင်းရင်းမြစ်များ

Aizaaya 28:10

E bee wora ania nna nɛ e baa ŋini anyi nsibɛbi nɛ mmalgabi nɛ a maŋ kɔ afito.”

Aizaaya 28:13

Amoso nɛ Enyɛnpe Ebɔrɛ na bee sha keŋini menyi nsibɛbi nɛ mmalgabi nɛ menyi maaŋ pin to na. Kumo be kaman keya kama nɛ menyeeŋ tia, menyeeŋ fiti n tɔr n doro nɛ b naŋ pɛ menyi fanɛ anya.

Ezikɛl 17:2

“Dimɛdi pibi, Ezikɛl, bɔ Israɛl be basa na keŋasa

Matiu 13:19

Ekama nɛ e bee nu Ebɔrɛ be kuwura na to be asheŋ ŋkaa maa pin kumo be asheŋ to na du fanɛ asɔ duuso nɛ a daŋ tɔr ekpa to na nna. E baŋ nu n loge, alubipo na bee ba nna m ba lara kamalga na mbe kagbene to.

Matiu 13:25

Kanyɛso ko ekama ka bee di nɛ mo doŋ ya duu asɔ duuso nɛ b maa ji n wɔtɔ asɔ duuso lela na to nseŋ choŋ.

Matiu 13:31

Nɛ Yesu naŋ kaŋɛ bumo keŋasa popɔr fanɛ: “Ebɔrɛso be kuwura na du fanɛ kakilia be keduusobi nna, aduusoana kikɛ be kefimbi nɛ esa bee ta a duu mbe kasawule so.

Matiu 13:33

Nɛ Yesu naŋ bɔ bumo keŋasa ko ŋ kaŋɛ: “Ebɔrɛso be kuwura na du fanɛ yiisi nna. Eche baŋ ta yiisi n wɔtɔ katishaŋgboŋ nɛ nyifu to ŋ gbiti amo, a bee dii nna le fɔŋgrɔŋ.”

Matiu 13:37

Nɛ Yesu kaŋɛ bumo: “Esa nɛ e duu asɔ duuso lela na e la ma, Nyiŋgbasa Pibinyɛn.

Matiu 13:47

Nɛ Yesu naŋ kaŋɛ: “Kede malɛ gba be kaman ebɔrɛso be kuwura na du fanɛ b ka lɛ keshewu n wɔtɔ kepagboŋ to nna nɛ k pɛ ekɔrɔtɔ be yiri kikɛ.

Matiu 18:23

Ŋkpal manɛ so, ebɔrɛso be kuwura na to du fanɛ ewurgboŋ ko ka bee sha mo nɛ mbe nyɛrbi ka wu akɔ nɛ b ji mo be edesekpa nna.

Matiu 20:1

Nɛ Yesu naŋ kaŋɛ: “Ebɔrɛso be kuwura na du fanɛ kudɔwura ko ka koso chipurdidi nna n ya ber basa paa nɛ b ya shuŋ mbe ndibi be kudɔ to.

Matiu 21:33

Nɛ Yesu kaŋɛ basa na: “Men naŋ nu keŋasa ko: Kowurnyɛn ko e daa wɔtɔ n dɔ ndibi sɔrso be kudɔ n fɛa asɔ ŋ kulti kumo nseŋ kur asɔrso na be kemaŋ nɛ b baa nyaŋ amo ndoŋ. Kumo be kaman nɛ e yuu kejaŋ jeŋgreŋ ko malɛ. E ka loge ade kikɛ nɛ e ta kudɔ na m bɔɔ paawuraana enɔ fanɛ b baa keni so nseŋ yɔ efuli pɔtɛ ko so.

Matiu 22:2

“Ebɔrɛso be kuwura na to du fanɛ ewura ko ka wora kejafɔ to be kejigboŋ nna n sa mo pibinyɛn.

Matiu 25:1

Nɛ Yesu naŋ bɔ keŋasa ko ŋ kaŋɛ: “Ebɔrɛso be kuwura na to beeŋ naŋ ba kaa du fanɛ besuŋgurbi kudu ko ka daŋ ta bumo be efitila nna n yɔ nɛ b ya shɛr kejafɔ mo kul to.

Matiu 3:2

E yɛ: “Men lar menyi be alubi to, ŋkpal manɛ so, ebɔrɛso be kuwura na taga to.”

Matiu 4:23

Ade be kaman nɛ Yesu nite Galili be kasawule so kikɛ to a ŋini basa abɔrɛsheŋ ashi bumo be nshɛrbuana to nsaa bɔ Ebɔrɛ be kuwura na to be baru lela na a sa basa nseŋ chɛ basa na to be alɔ nɛ ebesa be yiri kikɛ.

Luuk 13:18

Nɛ Yesu naŋ bishi: “Nuso nɛ Ebɔrɛ be kuwura na du ŋko manɛ nɛ meeŋ ta kumo m ber?

Luuk 13:20

Keŋasa ere be kaman nɛ e naŋ bishi: “Manɛ nɛ meeŋ ta Ebɔrɛ be kuwura m ber?

Kɔlɔsiebi 1:5

ŋkpal men ka bee tama asɔ nɛ Ebɔrɛ bela n yili menyi ebɔrɛso so.

1 Pita 1:23

Ŋkpal manɛ so, b naŋ lɔŋɛ ŋ kurge menyi kela nyɔsopo nna, loŋ be kakurge na malɛ maŋ shi kusɔ nɛ k beeŋ tiŋ n jija to, ama Ebɔrɛ be kamalga mo nɛ k wɔtɔ saŋkikɛ a maŋ kɔ ekar na to nɛ b bɔla ŋ kurge menyi.