Matiu 13:15 - EBƆRƐ BE KAWƆL

¹⁵ Ŋkpal bumo be ŋgbene ka du kpakpa so, b ti bumo be asoe so nseŋ buu bumo be anishi so. Nɛ mannɛ aloŋ, bumo be anishi beeŋ bugi asheŋ be kewuto nɛ bumo be asoe e bugi asheŋ be kenuto nɛ bumo be ŋgbene e bugi asheŋ be kepinto. Ebɔrɛ yɛ: Loŋ na, baaŋ ba ma kutɔ nɛ n lara bumo ashi bumo be kebaawɔtɔ dra to n sa bumo kebaawɔtɔ popɔr.’

Matiu 13:15 ပူးပေါင်းရင်းမြစ်များ

Nshɛ 119:70

B maa pin fo asheŋ to, ama ma ere be kagbene bee fuli fo mbra so nna.

Aŋasa 16:30

Esa nɛ e bee ŋe basa anishi bee ku asheŋ nna, nɛ esa nɛ e duŋ kɔnɔwuro malɛ yil kulubi be kewora so.

Aizaaya 44:20

Esa nɛ e bee shuŋ agbir baa du fanɛ esa nɛ e bee muu nsunɔ a ji nna. Mbe kawulisheŋ na fule mo nna nɛ e ta mbe kumu n wɔtɔ kebaawɔtɔ ko to nɛ esa maaŋ naŋ tiŋ n chɛ mo to na. Ŋkpal manɛ so, e maaŋ shuli fanɛ kegbir nɛ e bee shuŋ na maŋ la Ebɔrɛ kikɛ.

Aizaaya 57:18

N wu asheŋ nɛ b wora na kikɛ, ama ŋ kraa beeŋ chɛ bumo be alɔ. Ma alɛ beeŋ juŋkpar bumo nseŋ chɛ bumo to nseŋ naŋ lolo bekama nɛ baa shu nli na,

Aizaaya 6:10

Kumo be kaman nɛ e naŋ kaŋɛ ma le: “Shin nɛ basa ere be nfɛra e mel to nɛ bumo be asoe e ti nɛ bumo be anishi e tan, saŋɛ na so b maaŋ baa wu ŋko a nu ŋko a pin asheŋ to. Nɛ mannɛ aloŋ, baaŋ baa wu ŋko a nu ŋko a pin asheŋ to nseŋ bɛta m ba ma kutɔ m ba nya kechɛ.”

Jɛremaya 17:14

Enyɛnpe Ebɔrɛ, chɛ ma to nɛ n nya alenfia. Mɔlga ma nɛ n nya ma kumu kashenteŋto. Ŋkpal manɛ so, fo nawule nɛ mee kpaŋ!

Jɛremaya 17:9

Menyi Juda be basa la basa nɛ baa fule nna pasaa. Men fule men gbagba be amu, menyi alɛ maaŋ tiŋ n chɛrga kumo to.

Jɛremaya 3:22

Menyi nɛ men shile Enyɛnpe Ebɔrɛ na e bɛta m ba nɛ e shin nɛ men naŋ nya kashenteŋji be kebaawɔtɔ. Le nɛ menyee kaŋɛ: “Mm, anyee ba Enyɛnpe Ebɔrɛ na kutɔ nna ŋkpal e ka la anyi be Ebɔrɛ so.

Jɛremaya 33:6

Kumo be kaman nɛ n naŋ shin nɛ asheŋ e naŋ nyalɛ nsaa nite nɛnɛ ashi kadegboŋ na to kachako n sa ma basa. Saŋɛ na so baaŋ baa wɔ kayurwushi to mbaanaayɔ.

Hoziya 14:4

Enyɛnpe Ebɔrɛ yɛ: “Meeŋ shin nɛ ma basa e naŋ bɛta m ba ŋ kutɔ, nɛ n ta ma kagbene kikɛ n sha bumo; a maaŋ naŋ nya agbo n wɔtɔ bumo kikɛ.

Zakareya 7:11

Ama ma basa ta ŋkpensheŋ nna m pal kaman n sa ma nseŋ ti bumo be asoe ŋ kini kenu n sa ma. B daŋ kplaŋ ma so nna

Malakai 4:2

Ama menyi bekama nɛ men yirda ma na bre, ma kumɔlga na beeŋ ba menyi so fanɛ kananɛ epeŋi bee nyaŋɛ a sa basa alenfia na. Menyeeŋ nya men be amu nɛ men be ŋgbene malɛ e fuli menyi fanɛ b ka fiŋi kuluu nɛ anabi lar a tɛto a yɔ keji to na.

Maak 4:12

Loŋ nɛ baaŋ keni, ama b maaŋ wu shɛŋ, baaŋ nu, ama b maaŋ pin to. Nɛ mannɛ aloŋ, baaŋ kilgi m bɛ Ebɔrɛ so, nɛ e ta bumo be alubi m paŋ bumo.”

Luuk 19:42

e shu na nseŋ kaŋɛ le: “Alako kabre, menyi alɛ gba daa nyi asɔ nɛ a bee bar kagbenewushi nna. Ama b ta amo ŋ ŋana menyi so.

Ashuŋ Shunso 28:27

‘Ŋkpal basa ere be ŋgbene ka du kpakpa so b ti bumo be asoe nseŋ buu bumo be anishi so. Nɛ mannɛ aloŋ, bumo be anishi beeŋ bugi asheŋ be kewuto nɛ bumo be asoe e bugi asheŋ be kenuto nɛ bumo be ŋgbene e bugi asheŋ be kepinto. Ebɔrɛ yɛ: Loŋ na baaŋ ba ma kutɔ nɛ n lara bumo ashi bumo be kebaawɔtɔ dra to n sa bumo kebaawɔtɔ popɔr.’ ”

Ashuŋ Shunso 3:19

Amoso, men lar menyi be alubi to nseŋ bɛta m ba Ebɔrɛ kutɔ nɛ e kpra menyi be alubi kikɛ n lɛ.

Ashuŋ Shunso 7:57

Ndoŋ nna nɛ b ponte eleŋso ga nseŋ ti bumo be asoe nseŋ yarase epul na to kɔnɔkoŋwuleso

2 Timoti 4:4

Baaŋ ti bumo be asoe n sa kashenteŋ na nseŋ bugi amo a nu edaŋkaresheŋ be ablɔmbi nɛ a maŋ kɔ kifi.

Hibruwebi 5:11

Le be demu ere to an kɔ asɔ damta nɛ an malga, ama kekaŋɛ menyi asheŋ na nɛ men pin amo to du kpakpa nna ŋkpal men ka maŋ naa pin asheŋ na to manaŋ manaŋ na so.

Kelaraŋŋini 22:2

a shile a bɔla kadegboŋ na be kubɔrbi be nferinto so. Ŋkpa be kedibi daa yil lɔr na be kaba kama so nna a sɔr kumo be asɔrso ale kuduanyɔ, kumo e la fanɛ kufɔl kikɛ to nɛ kumo be asɔrso. Kedibi na be afantaŋ e la efuliana be kechɛ be asɔ.