Matiu 12:45 - EBƆRƐ BE KAWƆL

⁴⁵ e bee lar nna n ya keta mbuibi lubi ashunu nɛ b lubi a chɔ mo m ba ti mbe kumu so a wɔ ndoŋ. Saŋɛ na so amodoŋwura be kebaawɔtɔ bee lubi nna a ti so a chɔ kebaawɔtɔ nɛ e daa kɔ sososo na. Loŋ e naaŋ wora mbreebi lubi ere.”

Matiu 12:45 ပူးပေါင်းရင်းမြစ်များ

Levitikɔs 13:20

Bɔrɛmatapo na beeŋ mige mo to ŋ keni nɛnɛ, nɛ kakpa na wora fanɛ k ji n luri eblaŋ to nɛ kumo to be afuibi na ki n fuli, e beeŋ shin nɛ mo nɛ ekama e pin fanɛ e maŋ walɛ so. Kulɔ lubi e naa kar mo na.

Matiu 12:24

Efarisiana na ka nu loŋ nɛ b kaŋɛ: “Mbuibi lubiana be ewura Biyɛlzibel e naa sa mo eleŋ nɛ e kɔ a ju mbuibi lubiana na.”

Matiu 12:44

le nɛ e bee kaŋɛ mbe kumu: ‘Meeŋ naŋ bɛta n yɔ ma kowu dra nɛ n lar na to.’ E baŋ bɛta m ba wu fanɛ b lɔŋɛ kowu na nɛnɛ n yili nɛ shɛŋ maŋ wɔtɔ,

Matiu 17:21

[Ama le be kiyoyu ere bre maa lar esa to loŋ ama bebɛsopo na baŋ kishi nna ŋ kule Ebɔrɛ.]”

Matiu 23:15

Mbraŋinipoana nɛ Efarisiana, asheŋ maaŋ nyalɛ n sa menyi kikɛ, kebirkɔnshiwuraana ere. Menyee ta ekpa tenteŋana nsaa baŋ etekuana so a yɔ mboŋ ko n ya shin nɛ esa koŋwule e tuba, kumo be kaman nɛ men naŋ shin nɛ mo koŋwule na e naaŋ ki esa lubi a chɔ kananɛ menyi gbagba du a la Setani be edɛ to be esa.

Matiu 23:24

Bejuŋkparpo tanpo ere, menyi e naa gbo kusɔ firgisobi ashi men be kusɔnuuso to a lɛ nsaa min nyɔma!

Maak 16:9

Yesu ka tiŋi luwu to bɔkwe be kachɛ juŋkparso, nɛ e fara n lar Mɛɛri Magdalin so, emo nɛ e daŋ ju mbuibi lubi ashunu mo to na.

Maak 5:9

Nɛ Yesu bishi mo: “Fo ketre?” Nɛ e kaŋɛ: “Ma ketre e la jimaŋ, ŋkpal manɛ so, an shibi nna.”

Luuk 11:26

e bee lar nna n ya keta mbuibi lubi ashunu nɛ b lubi a chɔ mo m ba ti mbe kumu so a wɔ ndoŋ. Saŋɛ na so amodoŋwura be kebaawɔtɔ bee lubi nna a ti so a chɔ kebaawɔtɔ nɛ e daa kɔ sososo na.”

Ɛfesesebi 6:12

Ŋkpal manɛ so, mannɛ anyi nɛ edimɛdi e naa kɔ, ama anyi nɛ esoso be kenimujipoana nɛ bejuŋkparpoana nɛ tentembiri to be durnya ere to be eleŋana nɛ esoso be ayoyu lubiana e naa kɔ.

Hibruwebi 10:39

Ama anyi maŋ la basa nɛ baa bɛta kaman a mur na nna, an la basa nɛ baa yirda nna a nya kumɔlga.