Matiu 12:39 - EBƆRƐ BE KAWƆL

³⁹ Nɛ Yesu kaŋɛ le: “Ama mbreebi be alubi nɛ kabɔrɛkini shi bumo to bre. B yɛ fanɛ n wora mamachi be kesheŋ ko ŋ ŋini fanɛ Ebɔrɛ wɔ ma kaman, ama b maaŋ nya shɛŋ n wu she anebi Jona be mamachi be kesheŋ na nawule.

Matiu 12:39 ပူးပေါင်းရင်းမြစ်များ

2 Bewura 14:25

Mo e daŋ naŋ laŋɛ ŋ kɔ n sɔ Israɛl be efuli nɛ k yili Hamaf Paas be kelargato be esoso be kaba so n ya fo Teku wuso na be kelargato be kaseto be kaba so na kikɛ fanɛ kananɛ Enyɛnpe Israɛl be Ebɔrɛ na bɔla mbe kayɛrbi anebi Jona nɛ e la Amitai pibinyɛn nɛ e shi Gaaf Hifa na so n nase kumo be kɔnɔ na.

Aizaaya 57:3

Belubiworapoana ere, men ba nfe nɛ b ji menyi demu! Menyi nɛ bekpalpo nɛ kubojuajiwuraana nɛ esakale kikɛ la kukoŋwule nna.

Jona 1:1

Kachako nɛ Enyɛnpe Ebɔrɛ kaŋɛ Amitai pibinyɛn Jona le:

Matiu 16:4

Ama mbreebi be alubi nɛ kabɔrɛkini shi bumo to bre. B yɛ fanɛ n wora mamachi be kesheŋ ko ŋ ŋini fanɛ Ebɔrɛ wɔ ma kaman, ama b maaŋ nya shɛŋ n wu she anebi Jona be mamachi be kesheŋ na nawule.” Kede be kaman nɛ e yige bumo nseŋ yɔ.

Maak 8:12

Ndoŋ nna nɛ Yesu fute eleŋso nseŋ bishi: “Manɛ e ba nɛ mbreebi ere kaŋɛ n wora mamachi be kesheŋ ko ŋ ŋini fanɛ Ebɔrɛ wɔ ma kaman? Kashenteŋto mee kaŋɛ menyi nna fanɛ mbreebi ere maaŋ nya shɛŋ n wu.”

Maak 8:38

Esa kama nɛ e kpal anishinyɔr so a maaŋ tiŋ ŋ kaŋɛ kabre be bɔrɛkinipoana ere nɛ alubiworapoana ere ma nɛ ma mmalga be asheŋ, e baa nyi fanɛ saŋɛ nɛ ma, Nyiŋgbasa Pibinyɛn beeŋ keta n Tuto be kemaŋkura nɛ emalaika cheembi na m ba na, anishinyɔr beeŋ pɛ ma alɛ gba ŋkpal amodoŋwura so.”

Jeems 4:4

Basa nɛ esa maaŋ tiŋ n yirda ere! Men maŋ nyi fanɛ nɛ esa baa la Ebɔrɛ mo teri, amodoŋwura malɛ nɛ durnya ere to be asɔ maa ji a kra abar ŋko? To, esa kama nɛ e bee ta mbe kasha a wɔtɔ durnya ere be asɔ to, bee ta mbe kumu nna a ki Ebɔrɛ mo doŋ na.