Matiu 12:27 - EBƆRƐ BE KAWƆL

²⁷ Menyi yɛ Biyɛlzibel e naa sa ma eleŋ nɛ ŋ kɔ a ju mbuibi lubiana ashi basa to. To, nɛ wanɛ malɛ e naa sa men be bebɛsopoana eleŋ nɛ baa tiŋ a ju bumo ashi basa to? To, men gbagba be bebɛsopo e naa ŋini fanɛ men maŋ kɔ kashenteŋ.

Matiu 12:27 ပူးပေါင်းရင်းမြစ်များ

Matiu 10:25

Amoso, ekoyapo kama nɛ e fo mbe eŋinipo so, e shin nɛ loŋ e kukwe mo. Kenya kama malɛ nɛ e ba fo mo nyɛnpe so, e shin nɛ loŋ e kukwe mo. Nɛ basa baa tre kanaŋ ko to be enimu Alubipo Biyɛlzibel, kumo ere kanaŋ na to ebi bre beeŋ nya atre lubi nɛ a chɔ loŋ ai.”

Matiu 4:24

Amoso mbe ketre daŋ sɔ Siriya kikɛ to nna nɛ basa bar mo belɔpo nɛ bumo be alɔ be nnaŋ to kikɛ, bumo nɛ b daa wɔ ebesa to nɛ bumo nɛ mbuibi lubiana daŋ tɔr so nɛ kegbuŋgbuŋwuraana nɛ eyurwusowuraana kikɛ nɛ e chɛ n chɛ bumo.

Matiu 9:34

Ama le nɛ Efarisiana na bre daŋ kaŋɛ: “Mbuibi lubiana be ewura e naa sa mo eleŋ nɛ e kɔ a ju mbuibi lubiana na.”

Luuk 11:19

Ama nɛ fanɛ loŋ e naa shin nɛ mee ju mbuibi lubi na kashenteŋto, nɛ wanɛ malɛ e naa sa menyi be bebɛsopoana eleŋ nɛ baa tiŋ a ju amo ashi basa to? To, menyi gbagba be bebɛsopo na e naa ŋini fanɛ men maŋ kɔ kashenteŋ.

Luuk 19:22

Nɛ enyɛnpe na kaŋɛ mo le: ‘Kusɔ nɛ fee malga ere gbagba nɛ meeŋ ta n ji fo demu, kenya lubi ere. Fo yɛ fo nyi ŋ ka la kumukpakpasowura a ta kusɔ nɛ m maŋ ta n nase nsaa teŋi asɔ nɛ m maŋ duu ŋko?

Romebi 3:19

Ama an nyi fanɛ kusɔ kama nɛ mbra na bee kaŋɛ, basa nɛ b wɔ kumo to na to nɛ k de, saŋɛ na so esa kikɛ maaŋ nya kɔnɔ m bugi. Loŋ malɛ e naaŋ shin nɛ Ebɔrɛ e ji durnya kikɛ demu.