Matiu 11:29 - EBƆRƐ BE KAWƆL

²⁹ Men be ekama e ta ma kubɔ to be kebarga n dii nɛ ma nɛ mo e baa na, saŋɛ na so e beeŋ koya kebaawɔtɔ ashi ma kutɔ, ŋkpal manɛ so, n du boeŋ nna a bar ma kumu kaseto. Ekama nɛ e baŋ wora loŋ, e beeŋ nya ewushi.

Matiu 11:29 ပူးပေါင်းရင်းမြစ်များ

2 Kronikɛls 10:11

Nɛ n tuto daa ta ashuŋ damta a sa menyi nna ma ere beeŋ naŋ wora amo keshi n ti so. Nɛ e daa ta kuchuchɔ fuloŋ a kuya menyi so, ma ere beeŋ ta gbaŋɛ be kuchuchɔ a kuya menyi so!”

Nshɛ 116:7

Ŋkpal Enyɛnpe Ebɔrɛ na ka wora ma kelela so, shɛŋ be asheŋ maŋ naa fɔŋ ma ashi ma kagbene to.

Nshɛ 131:1

O Enyɛnpe Ebɔrɛ, n yige ma kamoowu kikɛ nseŋ lar ma keŋkenshi kikɛ nyam to. M maŋ naa ta ma kumu a wɔtɔ asheŋgboŋ to, ŋko emamachisheŋ nɛ m maaŋ tiŋ m pin to to.

Aŋasa 3:17

Kanyiasheŋ beeŋ sa fo kebaawɔtɔ belbelso, nseŋ ŋini fo ekpa lela nɛ feeŋ baa bɔla so a wora asheŋ ashi fo kebaawɔtɔ to.

Aizaaya 28:12

E bee sha kesa menyi kikɛ ewushi nɛ kayurwushi nna, ama men kini kenu n sa mo.

Aizaaya 29:19

Nɛ betirpo nɛ basa nɛ b du boeŋ e nya kagbenefuli nɛ Enyɛnpe, Israɛl be Ebɔrɛ cheembi na bee sa na.

Jɛremaya 6:16

Ade kikɛ be kaman nɛ Enyɛnpe Ebɔrɛ naŋ kaŋɛ mbe basa le: “Men yili ŋkpancheri n to anishi ŋ keni, nseŋ bishi m pin ekpa dra nɛ men nananyɛnana daa bɔla so a wora asheŋ na nsaa bɔla kumo so wora asheŋ, saŋɛ na so nɛ men baa wɔ kayurwushi be kebaawɔtɔ to.” Ama le nɛ men daŋ kaŋɛ: “Ayai, anyi maaŋ wora loŋ!”

Zakareya 9:9

Ekama nɛ e wɔ Jerusalɛm to e baa ji eyur nsaa wora awɔr kagbenefuliso! Ŋkpal manɛ so menyi be ewura kɔ m pɔɔ so nsaa ba menyi kutɔ; e du boeŋ nna nseŋ dii kurmafɔlbi a ba.

Nɔmbɛs 12:3

Mosis daa kɔ kamubrase nna ga, e daa kɔ kamubrase a chɔ esa kikɛ durnya to.

Matiu 17:5

E kraa malga nna nɛ kuwɔlpa nyɛkpɛso ko lar nɛ kumo be kiyoyul ba buu bumo so nɛ ebɔl shi kuwɔlpa na to ŋ kaŋɛ: “M Pibinyɛn shaso nɛ ma kagbene fuli mo so ga nde. Men baa nu mbe kɔnɔ.”

Matiu 21:5

“Kaŋɛ Zayɔn be kade to ebi: ‘Keni men be Ewura ka du boeŋ n dii kurma a ba menyi kutɔ. Kusɔbɔya pibi, kakurmabi nɛ e dii.’ ”

Matiu 28:20

Menyi alɛ e baa nyiŋi fanɛ ma nɛ menyi e naaŋ baa la hale jemanɛ ere e ya fo kumo be ekar.”

Matiu 7:24

Amoso, ekama nɛ e nu ma mmalga ere nsaa bɛ amo so du fanɛ enyiashempo nɛ e pɔr mbe ebu n yili kefalta so nna.

Luuk 8:35

Nɛ basa lar n ya keni kusɔ nɛ k wora na. B ka ba Yesu kutɔ m ba wu kanyɛn nɛ ayoyu lubi na lar mo to na ka kɔ mbe nfɛra lela m buu asɔ a tase Yesu be anishito nɛ kufu pɛ bumo ga.

Baru lela nɛ Jɔn kute na 13:15

N wora loŋ nna ŋ ŋini menyi nna na fanɛ men baa wora kananɛ n wora menyi ere.

Baru lela nɛ Jɔn kute na 13:17

Men baŋ pin asheŋ ere nsaa wora amo, nɛfa beeŋ baa la menyeya.”

Ashuŋ Shunso 7:37

Mo, Mosis koŋwule na e daŋ kaŋɛ Israɛlebi: ‘Ebɔrɛ beeŋ sa menyi anebi fanɛ kananɛ e shuŋi ma na, e beeŋ ba kaa la menyi to be eko nna.’

1 Kɔrintebi 9:21

Nɛ ma nɛ bumo nɛ b maŋ wɔ anebi Mosis be mbra na to baa la n wɔtɔ nna fanɛ esa nɛ e maŋ wɔ mbra na to, mannɛ fanɛ m maa bɛ Ebɔrɛ be kɔnɔ so nna, n wɔ Kristo be mbra to nna, saŋɛ na so meeŋ nya bumo nɛ b maŋ wɔ mbra na to gba n wɔtɔ Yesu be kebɛso to n ti so.

2 Kɔrintebi 10:1

Ma, Pɔɔl gbagba nɛ b yɛ: “E baa wɔ men kutɔ e la bawala nna, ama nɛ e baa wɔ kufɔ e bee ŋini mbe kenyɛn nna”, mee kule menyi nna ŋkpal Kristo be kebaala esa nɛ bawala so fanɛ:

2 Kɔrintebi 10:5

Amo nɛ an kɔ a jija emɔrɔana nɛ kamoowu be kusɔ kama nɛ k bee kuŋ esa kepin Ebɔrɛ be ekpa nseŋ naa kɔ amo a pɔɔ nfɛra fɛso lubiana so a shin nɛ a bee nu a sa Kristo.

Filipaiebi 2:5

A daga fanɛ men be nfɛra e baa du fanɛ Kristo Yesu be nfɛra na.

1 Tɛsalɔnikaebi 4:2

Men nyi kasheŋ ŋini nɛ an daŋ bɔla Enyɛnpe Yesu be eleŋ to n sa menyi na.

2 Tɛsalɔnikaebi 1:8

m ba gberge basa nɛ b maŋ nyi Ebɔrɛ nɛ bumo nɛ b maa bɛ an Nyɛnpe Yesu be baru lela na so kusoe.

Hibruwebi 5:9

Ebɔrɛ malɛ ka baŋ shin nɛ e ki cheembi n loge so, mo so nɛ ekama nɛ e bee nu a sa mo beeŋ bɔla n nya kumɔlga nɛ k maŋ kɔ ekar na.

1 Jɔn 2:6

Ekama malɛ nɛ e bee kaŋɛ fanɛ e wɔ Ebɔrɛ na to, a daga fanɛ amodoŋwura e baa wora asheŋ fanɛ kananɛ Yesu daa wora na.