Matiu 11:28 - EBƆRƐ BE KAWƆL

²⁸ Men kikɛ nɛ men sulɔ men be esulɔ gbɛgbɛso ŋ gben na, men ba ma kutɔ nɛ n sa menyi ewushi.

Matiu 11:28 ပူးပေါင်းရင်းမြစ်များ

Job be kawɔl 14:1

“Dimɛdi be nchɛ maŋ shi durnya to, amo alɛ nɛ etɔrɔ damta nna.

Job be kawɔl 5:7

Ayai! Edimɛdi gbagba e naa fin asheŋ a sa bumo be amu; fanɛ kananɛ ajanwulɛ bee pante edɛ na.

Nshɛ 116:7

Ŋkpal Enyɛnpe Ebɔrɛ na ka wora ma kelela so, shɛŋ be asheŋ maŋ naa fɔŋ ma ashi ma kagbene to.

Nshɛ 32:4

Fo kasogberge daa wɔ ma so kapa nɛ kanyɛ nna; nɛ ma eleŋ kikɛ loge fanɛ ketarso be epeŋi ka shin nɛ nchu feeto na.

Nshɛ 38:4

nɛ ma alubi wora ma so egbɛ hale a buri ma to.

Nshɛ 94:13

Fo e naa wushi mo kagbene ashi mbe tɔrɔ to, n ya fo jemanɛ nɛ baaŋ kur kemaŋ n nase nɛ kumukpakpasowura e tɔr to.

Kaŋinichiŋgeliŋ 1:14

Ŋ ka wu asheŋ nɛ a bee wora durnya ere to na, nɛ n yɛ; kusɔ kama maŋ kɔ tɔnɔ. K du nna fanɛ fo ka bee ju a bɛ afu so na.

Kaŋinichiŋgeliŋ 1:8

Kebaawɔtɔ kikɛ baa la kabapɔ nna nɛ k maŋ walɛ k malga. Anyi be anishi ere maa wu asheŋ a moɛ nɛ asoe malɛ gba maa nu asheŋ a moɛ.

Kaŋinichiŋgeliŋ 4:8

Kanyɛn ko e daa wɔtɔ; a maŋ kɔ ebi, mo alɛ daa maŋ kɔ ekurgepo kikɛ. E daŋ baa wɔ kushuŋ to nna saŋkama, ama mo alɛ be kenishi daa maa bɔlɔ kusɔ nɛ e bee nya so. Nɛ e yɛ: “Wanɛ bre so nɛ mee gben le saŋkama, nsaa maaŋ tiŋ n ta ma kegben n ji ma kumu gba ere?” Le be kesheŋ ere gba maŋ kɔ kifito, kumo alɛ nseŋ naa la kagbenejija ga be asheŋ!

Aizaaya 1:4

Asheŋ maaŋ nyalɛ n sa fo efuli lubi nɛ fo basa wora alubi damta nsaa nyi fanɛ b wora n da so ere. Men kini Enyɛnpe Ebɔrɛ nɛ e la Israɛl be Ebɔrɛ cheembi na nseŋ pal kaman n sa mo.

Aizaaya 11:10

Jemanɛ ko bee ba nɛ ewura popɔr nɛ e beeŋ shi ewura Deevid be kuwurji be kabuna na e baa la tɔɔnɛ n sa efuliana na. Baaŋ baa gama abar so mbe kuwurade to nsaa sa mo bunyaŋ.

Aizaaya 28:12

E bee sha kesa menyi kikɛ ewushi nɛ kayurwushi nna, ama men kini kenu n sa mo.

Aizaaya 61:3

fɔŋfɔŋ bumo nɛ baa shu nli Jerusalɛm to na. E yɛ, n sa basa kagbenefuli nɛ kagbenewushi; mannɛ kagbenejija damta. E yɛ, n sa bumo kapandi be nshɛ, mannɛ kebɔltofinfin. Baaŋ baa du fanɛ ndibi nɛ Enyɛnpe Ebɔrɛ gbagba duu nna. Bumo kikɛ beeŋ baa wora kusɔ nɛ k daga, nseŋ kpaŋ Ebɔrɛ ŋkpal kusɔ nɛ e wora so.

Aizaaya 66:2

Ma e to durnya kikɛ nseŋ shin nɛ kusɔ kikɛ wɔtɔ. Basa nɛ bumo be asheŋ bee par ma nɛ mee keni bumo a bɔlɔ kenishi, e la basa nɛ baa bar bumo be amu kaseto nsaa tuba ashi bumo be alubi to ŋko bumo nɛ baa ŋana ma nsaa wora ma kasonu na.

Jɛremaya 31:25

Meeŋ sa basa nɛ b gbeŋ a chul to na eleŋ popɔr nseŋ sa bumo nɛ akoŋ bɛlɛ na ajibi nɛ b ji m moɛ.

Jɛremaya 35:16

Jonadab be kaman to ebi bre wora kusɔ nɛ bumo nananyɛn kaŋɛ bumo kenishipereso na kasonu, ama menyi ere maŋ wora ma kasonu.

Jɛremaya 6:16

Ade kikɛ be kaman nɛ Enyɛnpe Ebɔrɛ naŋ kaŋɛ mbe basa le: “Men yili ŋkpancheri n to anishi ŋ keni, nseŋ bishi m pin ekpa dra nɛ men nananyɛnana daa bɔla so a wora asheŋ na nsaa bɔla kumo so wora asheŋ, saŋɛ na so nɛ men baa wɔ kayurwushi be kebaawɔtɔ to.” Ama le nɛ men daŋ kaŋɛ: “Ayai, anyi maaŋ wora loŋ!”

Matiu 11:29

Men be ekama e ta ma kubɔ to be kebarga n dii nɛ ma nɛ mo e baa na, saŋɛ na so e beeŋ koya kebaawɔtɔ ashi ma kutɔ, ŋkpal manɛ so, n du boeŋ nna a bar ma kumu kaseto. Ekama nɛ e baŋ wora loŋ, e beeŋ nya ewushi.

Matiu 23:4

Baa kre esulɔ gbɛgbɛso nna a sa basa fanɛ b sulɔ, ama bumo alɛ gbagba maaŋ shuli n ta keshilbi koŋwule gba ŋ gbuŋgbuŋ amo to.

Baru lela nɛ Jɔn kute na 6:37

Esa kama nɛ n Tuto na ta m bɔɔ ma enɔ beeŋ ba ŋ kutɔ nɛ ekama malɛ nɛ e ba ŋ kutɔ, m maaŋ ju mo n lɛ kikɛ.

Baru lela nɛ Jɔn kute na 7:37

Kejigboŋ na be nshɛr na be lalaloge be kachɛ, kumo be kachɛgboŋ na ka fo nɛ Yesu niŋi to n yili ŋ kaŋɛ awɔrso: “Esa kama nɛ achukoŋ kɔ mo, e ba ŋ kutɔ m ba nuu.

Ashuŋ Shunso 15:10

Nɛ manɛ e ba nɛ menyee ta le be kesheŋ kpakpaso nɛ an nanaana maŋ tiŋ ŋko an gbagba maaŋ tiŋ n wora a deŋi beyirdapo ere so nɛ men wora Ebɔrɛ ŋ keni?

Ashuŋ Shunso 20:35

M bɔla kusɔ kama to ŋ ŋini menyi fanɛ kebaashuŋ le ere nɛ anyee chɛ bepɔshipo to nsaa nyiŋi Enyɛnpe Yesu gbagba be mmalga nɛ e kaŋɛ na: ‘Kakɛ kɔ kagbenefuli a chɔ kesɔ.’ ”

Galeeshaebi 5:1

Kebaawɔ anyi be amu so nɛ Kristo shin nɛ an nya anyi be amu. Amoso, naniere men baa yil kpakpa nsaa maŋ shin nɛ b naŋ ta menyi ŋ ki anya.

2 Tɛsalɔnikaebi 1:7

Mo e naaŋ sa anyi nɛ menyi nɛ menyee ji awurfoŋ ere ewushi kachɛ nɛ Enyɛnpe Yesu beeŋ lara mbe kumu ŋ ŋini durnya saŋɛ nɛ mo nɛ mbe emalaika lempo beeŋ shi ebɔrɛso m ba nɛ edɛ chɔɔso

Hibruwebi 4:1

Amoso, ŋkpal Ebɔrɛ be kewushi na to be keluri be kɔnɔ naseso na ka kraa dese so, men shin nɛ an baa da so nɛ kumo be saŋɛ kaŋ fo, b maaŋ wu anyi be ekama ka paŋ keluri kumo to.

Kelaraŋŋini 22:17

Ndoŋ nna nɛ Kiyoyu na nɛ kejafɔ na kaŋɛ: “Ba.” Ekama malɛ gba nɛ e nu loŋ e kaŋɛ: “Ba.” Ekama nɛ achukoŋ kɔ mo e ba, ekama malɛ nɛ e bee sha e ba sɔ ŋkpa be nchu na n nuu ŋkaa maaŋ ka shɛŋ.