Matiu 11:23 - EBƆRƐ BE KAWƆL

²³ Nɛ menyi alɛ Kapɛɛniamebi, menyi daa sha kemaŋ menyi be amu so nna n yɔ ebɔrɛso ŋko? To, baaŋ ta menyi n lɛ n wɔtɔ Setani be edɛ to. Emamachisheŋ nɛ n wora menyi to ere, nɛ n daŋ wora amo Sodɔm to nna, dafanɛ k kraa wɔtɔ hale m ba fo mbre.

Matiu 11:23 ပူးပေါင်းရင်းမြစ်များ

Jɛnesis 13:13

Sodɔmebi malɛ daa la dalubiwuraana nna nseŋ daa wora alubi ga a gbiti Enyɛnpe Ebɔrɛ na.

Nfabel 2:1

Enyɛnpe Ebɔrɛ na daŋ nya agbo nna n shin nɛ Zayɔn be kebee nɛ k wɔ Jerusalɛm to na paŋ kumo be kemaŋkuragboŋ kikɛ. Kumo e daa la kakpa nɛ Israɛlebi daa puchi so nseŋ naa la kakpa nɛ mo gbagba be bɔrɛlambu wɔ. Ama kachɛ nɛ e nya agbo na, e daŋ bure kumo nna n lɛ kasawule.

Ezikɛl 26:20

Ade kikɛ be kaman, nɛ n shin nɛ men wu n yɔ bubuni to n ya tu bumo nɛ b juŋkpar n yɔ ndoŋ na nɛ nde nɛ a daŋ mur dra dra na kikɛ na. Menyeeŋ ya kaa wɔ bubuni to nɛ esa maaŋ naŋ sɔ menyi so n chena menyi be ndegboŋana to.

Ezikɛl 31:14

Amoso yili le be jemanɛ a yɔ, kanaŋkamaso nɛ kedibi kikɛ nya nchu, k maaŋ tiŋ n daŋ nteŋ fanɛ kumo. Amo be kekama beeŋ wu fanɛ kananɛ edimɛdi bee wu a gbelge kasawule to a yɔ bubuni to na.”

Ezikɛl 32:18

E yɛ: “Dimɛdi pibi, baa shu ŋkpal Ijipt be basa damta so nseŋ shin nɛ b pin fanɛ bubuni to e daga bumo. Ndoŋ e la kakpa nɛ baaŋ ta bumo nɛ efuli pɔtɛana nɛ a kɔ eleŋ ga na be basa n ya puli.”

Ezikɛl 32:24

Elam nɛ kumo be benapo be nchaŋana kulti kumo na gba wɔ ndoŋ. Kena to nɛ b daŋ mɔ basa nɛ b maa ŋana Ebɔrɛ na kikɛ nɛ b yɔ bubuni to. Bumo e daa funti basa nɛ b wɔ ŋkpa to na, ama naniere bumo e ji anishinyɔr a dese bubuni to na.

Obadaya 1:4

Kashenteŋ nna fanɛ fo wɔ awɔlto fanɛ kajɔnɔkoso ka bee firgi nna, fo alɛ nseŋ ta fo kowu n ya yuu fanɛ k kaa wɔ achɛkpabi to na, ama ma, Enyɛnpetale na e kaŋɛ fo na fanɛ meeŋ shin nɛ fo shi kakpa nɛ fo wɔ ere m ba kaseto.

Matiu 10:15

Mee kaŋɛ menyi kashenteŋto nna fanɛ demujiachɛ na, asheŋ beeŋ ba bɔ Sodɔmebi nɛ Gomɔraebi so a chɔ kananɛ a beeŋ baa du n sa loŋ be kade na to ebi.”

Matiu 16:18

Ma alɛ e kaŋɛ fo na fanɛ fo e la Pita, kefalta. Le be kefalta malɛ so nɛ meeŋ pɔr ma asɔri nɛ luwu be eleŋ gba e pɔɔ kumo so ŋ gben.

Matiu 17:24

Yesu nɛ mbe bebɛsopo ka ba Kapɛɛniam nɛ ndoŋ be bɔrɛlambu be lamposɔpoana ba bishi Pita: “Men be Eŋinipo maa ka bɔrɛlambu be lampo na ŋko?”

Matiu 4:13

Mannɛ Nazarɛt be kade to nɛ e daŋ ya chena. Kapɛɛniam nɛ k mata Galili be kepagboŋ na, Zɛbyulɔn nɛ Naftali be kasawule so nɛ e daŋ yɔ.

Matiu 8:5

Yesu ka luri Kapɛɛniam be kade to nɛ Romebi be benapo be enimu ko ba mo kutɔ m ba kule mo le be kechɛto,

Luuk 10:15

Nɛ menyi alɛ Kapɛɛniamebi, menyi daa sha kemaŋ men be amu so nna n yɔ ebɔrɛso ŋko? To, baaŋ ta menyi n lɛ n wɔtɔ Setani be edɛ to.”

Luuk 14:11

Ekama nɛ e bee maŋ mbe kumu so, baaŋ bar mo kaseto nɛ ekama nɛ e bee bar mbe kumu kaseto, baaŋ maŋ mo so.”

Luuk 16:23

Kachako nɛ damawura na malɛ wu nɛ basa ta mo n ya puli nɛ e yɔ edɛ to n ya kaa wɔ ebesa to nseŋ maŋ kumu so n wu Lazɔrɔs ka ya chena Eebraham be kekel so.

Luuk 4:23

Nɛ e kaŋɛ bumo: “M baa nyi geeŋ men ka beeŋ bɔ ma keŋasa nɛ k bee kaŋɛ: ‘Echɛpo, chɛ fo kumu.’ N nyi menyi alɛ ka beeŋ naŋ kaŋɛ ma: ‘Wora asheŋ nɛ an nu fo ka wora Kapɛɛniam na ashi fo kade gbagba to nfe.’

Ashuŋ Shunso 2:27

Ŋkpal manɛ so, fo Ebɔrɛ maaŋ shin nɛ n wu nɛ ma kiyoyu e yɔ luwu to. Fo maaŋ shin nɛ fo kenya nɛ e bee bɛ fo so nɛ kagbene koŋwule e wu m bɛ.

Ashuŋ Shunso 2:31

Deevid malɛ ka daa nyi kusɔ nɛ Ebɔrɛ daa sha kewora na so nɛ e daŋ malga Kristo na be ketiŋi luwu to be asheŋ saŋɛ nɛ e daŋ kaŋɛ: ‘Ebɔrɛ daa maŋ shin nɛ e ka luwu to, e daa maŋ shin nɛ e wu m bɛ.’

Juud 1:7

Men baa nyiŋi nde mo nɛ baa tre Sodɔm nɛ Gomɔra nɛ nde mo nɛ a daŋ taga amo to na gba be asheŋ. Ndoŋebi gba daa wora kesakalea be asheŋ nɛ alubi kama nɛ a maŋ daga dimɛdi ka wora nna. B wɔ edɛ mo nɛ a maa duŋ kikɛ na to nɛ k bee ŋini anyi kananɛ Ebɔrɛ beeŋ gberge bekama nɛ baa wora asheŋ fanɛ loŋ be basa na kusoe.

Kelaraŋŋini 1:18

ma e la emo nɛ e wɔ ŋkpa to na. N daŋ wu nna, ama naniere n tiŋi nna a wɔ ŋkpa to mbaanaayɔ. Ma alɛ e kɔ luwu nɛ bubuni to be kakpa be eleŋ.

Kelaraŋŋini 11:8

nɛ bumo be eyurana e baa dese kadegboŋ na to be kubɔrbi ko so. Kade na du fanɛ Sodɔm nɛ Ijipt nna, amoso, Sodɔm nɛ Ijipt nɛ b nase kumo, kakpa koŋwule mo nɛ b daŋ kegbir bumo Nyɛnpe kedibi largato so na.

Kelaraŋŋini 20:13

Nɛ etekuana shin nɛ basa nɛ b daŋ wu amo to na lar nɛ luwu nɛ bubuni be kakpa malɛ gba shin nɛ basa nɛ b daŋ wu a wɔ amo to na malɛ gba lar nɛ b yili asɔ nɛ ekama daŋ wora so n ji mo demu.

Kelaraŋŋini 6:8

Ndoŋ nna nɛ ŋ keni nɛ gbaŋɛ peperbi ko yil. Kumo be ediipo nɛ b daa tre Luwu, nɛ emo nɛ b daa tre Bubuni be Kakpa na malɛ bɛ mo so. B daŋ sa bumo eleŋ nɛ baaŋ ta m mɔ kasawule so be kenasopo na nna nɛ b ta tokobi m mɔ nseŋ naŋ bar akoŋ nɛ alɔ nɛ asɔbɔya lubiana.