Matiu 11:21 - EBƆRƐ BE KAWƆL

²¹ E yɛ: “Kɔrazinebi, asheŋ maaŋ nyalɛ n sa menyi kikɛ, Bɛtsaidaebi, menyi alɛ gba, asheŋ maaŋ nyalɛ n sa menyi, ŋkpal manɛ so, emamachisheŋ nɛ n wora menyi to ere, nɛ n daŋ wora amo Tayɛ nɛ Saidɔn to nna, ndoŋebi daŋ ta nsunɔ n chaŋ bumo be eyurana so nseŋ buu asɔ a tase fanɛ keeli to ebi a ŋini fanɛ b lar bumo be alubiana to n chɛr.

Matiu 11:21 ပူးပေါင်းရင်းမြစ်များ

Job be kawɔl 42:6

Amoso nɛ ŋ gbagba be asheŋ bee nu ma agbo nɛ n tuba nseŋ chena nsunɔ to, a ŋini kebɔltofinfin nɛ k kɔ ma.”

Jɛremaya 13:27

Ŋkpal manɛ so, e wu fo basa ka wora asheŋ nɛ e kishi nna. Kumo e la fanɛ e wu menyi nɛ menyee shuŋ nnyamase be agbirana ashi abee so nɛ adɔsawule to fanɛ kananɛ enyɛn ko bee yɛlga mo barkasa be eche nsaa shil a chɔ mo so na ŋko fanɛ kananɛ gbaŋɛ nyɛnso bee ju a bɛ gbaŋɛ cheso so na. Asheŋ maaŋ nyalɛ n sa menyi, Jerusalɛm to be basa ere! Jemanɛ mo nɛ menyeeŋ naŋ nyalɛ so a maaŋ naa kɔ eyurpi menyi so?

Jowɛl 3:4

Tayaebi nɛ Sidɔnebi, nɛ menyi kama nɛ men wɔ Filisti be nsawule so na kikɛ; manɛ nɛ menyee sha kewora ma ere? Menyee sha kewora ma n tal to nna ŋko? To, nɛ k la loŋ bre, meeŋ juŋkpar n wora menyi pɔɛŋ nɛ men nya ekpa n wora ma n tal to.

Eemɔs 1:9

Enyɛnpe Ebɔrɛ yɛ: “Tayɛ be basa wora alubi n ya baŋ so, amoso a ba naa wora shɛŋ, meeŋ gberge bumo kusoe. M maaŋ yige bumo kikɛ. B kplaŋ bumo be keteri be kɔnɔkoŋwule nɛ b nase n sa abar na be ŋkre so, nseŋ pɛ efuli lelemu be basa n yɔ Edɔm be kasawule so n ya fa.

Matiu 11:22

Amoso, demujiachɛ na asheŋ beeŋ baa bɔ Tayɛ nɛ Saidɔn ebi so a chɔ kananɛ a beeŋ baa du n sa menyi.

Matiu 15:21

Nɛ Yesu lar ndoŋ n yɔ efuli nɛ k mata Tayɛ nɛ Saidɔn be ndegboŋana na to.

Matiu 18:7

Asheŋ maaŋ nyalɛ n sa durnya ere kikɛ ŋkpal asɔ nɛ a wɔ kumo to a shin nɛ basa bee wora alubi na so. A daga loŋ be asɔ ka ba, ama asheŋ maaŋ nyalɛ n sa nyiŋgbasa kama nɛ a beeŋ bɔla mo so m ba na.

Matiu 26:24

Ma, Nyiŋgbasa Pibinyɛn bee yɔ luwu to fanɛ kananɛ b sibɛ n nase abɔrɛsibɛ na to na, ama asheŋ maaŋ nyalɛ n sa emo nɛ e beeŋ debɔr ma, Nyiŋgbasa Pibinyɛn na kikɛ. Nɛ b daa maŋ kurge loŋ be esa gba, k daa beeŋ baa bɔ mo so.”

Maak 3:8

Judiya, Jerusalɛm nɛ Idumiya be efuli so nɛ Jɔɔdan be kaba so ndoŋ nɛ Tayɛ nɛ Saidɔn be kefɛato nna. Jimaŋ damta ere ba Yesu kutɔ ŋkpal asɔ nɛ b nu e ka bee wora so.

Maak 6:45

Epul na to nɛ Yesu shin nɛ mbe bebɛsopo luri ekuloŋ to n juŋkpar mo n yɔ Bɛtsaida, kepagboŋ na be kaba ndoŋ nɛ mo alɛ shin nɛ jimaŋ na yɔ epe.

Maak 7:24

Nɛ Yesu lar ndoŋ n yɔ efuli nɛ k mata Tayɛ nɛ Saidɔn be ndegboŋana na to. E ya luri laŋ ko to a maa sha ekama e pin fanɛ e wɔ ndoŋ, ama e maŋ tiŋ ŋ ŋana mbe kumu.

Maak 7:31

Nɛ Yesu naŋ lar Tayɛ be efuli so m bɔla Saidɔn n yɔ Galili be kepagboŋ na ase m bɔla nde kudu na be efuli be ekpa so.

Maak 8:22

B ka ba Bɛtsaida nɛ basa ko bar mo tanponyɛn ko m ba kule mo fanɛ e beta mo m bugi mbe anishi. Nɛ Yesu pɛ tanponyɛn na be enɔ to

Luuk 4:26

Ama Ebɔrɛ daa maŋ shin nɛ Elaija yɔ bumo be ekama kutɔ she ekulpoche ko nɛ e daa wɔ Zarefat nɛ k wɔ Saidɔn be efuli so na nawule kutɔ nɛ Ebɔrɛ daŋ shin nɛ e yɔ.

Luuk 6:17

Bumo nɛ Yesu ka gbelge n shi kebeebi na so a ba nɛ bumo kikɛ nɛ bebɛsopo damta ko ba yili kakpa peŋgeleŋ ko. Jimaŋ damta ko gba daa wɔ ndoŋ. B daŋ shi Judiya be efuli na so kikɛ nɛ Jerusalɛm nɛ Tayɛ nɛ Saidɔn be teku ase be nde to nna m ba nɛ b ba nu mbe kubɔya na nɛ e chɛ bumo be alɔ be yiri kikɛ.

Luuk 9:10

Bebɛsopo na ka bɛta m ba nɛ b ba kaŋɛ Yesu asheŋ nɛ b wora kikɛ nyam. Nɛ e shin nɛ mo nɛ bumo nawule yɔ kade ko nɛ baa tre Bɛtsaida.

Baru lela nɛ Jɔn kute na 1:44

Filip daŋ shi Bɛtsaida be kade to nna, kakpa koŋwule nɛ Andru nɛ Pita gba shi na.

Baru lela nɛ Jɔn kute na 12:21

Ndoŋ nna nɛ b ba Filip nɛ e daŋ shi Bɛtsaida nɛ k wɔ Galili na kutɔ m ba kaŋɛ mo le: “Kowurnyɛn, jande, anyee sha kewu Yesu nna.”

Ashuŋ Shunso 12:20

Hɛrɔd ka nya agbo ga n wora Tayɛ nɛ Saidɔn ebi so, b daŋ wora kɔnɔkoŋwule nna n shuŋi bumo to be basa ko Hɛrɔd kutɔ. Ama kumo ere be pɔɛŋ, b daŋ wule nna nɛ bumo nɛ Blastes nɛ e daa la ewura na be kowu to be enimu na wora kɔnɔkoŋwule n yili, ŋkpal manɛ so, ewura na be efuli na so ebi kutɔ nɛ bumo be efuli so ebi daa nya bumo be ajibi.

Ashuŋ Shunso 27:3

Kumo be ŋklade nɛ an fo Saidɔn. Ndoŋ nɛ Julias wora Pɔɔl kelela n shin nɛ e lar n ya chɔrɔ mo teriana nɛ b sa mo asɔ nɛ a daga fanɛ e nya.

Juud 1:11

Cha, asheŋ maaŋ nyalɛ n sa bumo kikɛ, ŋkpal manɛ so, ekpa nɛ Keen daŋ ta na nɛ b bɛ so na. Ŋkpal amansherbi so b luri alubi to fanɛ kananɛ Balaam daŋ wora na. B daŋ ji kenimu kikɛ emɔrɔ fanɛ kananɛ Koora daŋ wora na, amoso, bumo alɛ gba beeŋ mur fanɛ mo.

Kelaraŋŋini 11:3

Ma alɛ beeŋ sa ma shɛdajipoana anyɔ eleŋ nɛ b wu abɔrɛsheŋ ŋ kaŋɛ amo be nchɛ kagboŋ nɛ alfa anyɔ nɛ adeshe na kikɛ to, amo be saŋɛ malɛ kikɛ to baaŋ buu kagbenejija be asɔbuuso.”

Kelaraŋŋini 6:12

Ndoŋ nna nɛ n naŋ keni n wu Kpakpafɔlbi na ka naŋ bu tɔɔnɛ be kebersobi shesopo na to nɛ kasawule be kebembeŋgboŋ ko gbuŋgbuŋ kasawule ga nɛ epeŋi kilgi m biri to a du fanɛ fusa lembir na nɛ kufɔl malɛ pere to le kpaiŋ fanɛ ŋklaŋ na.