Matiu 11:1 - EBƆRƐ BE KAWƆL

¹ Yesu ka kaŋɛ mbe bebɛsopo kuduanyɔ na asɔ nɛ a daga fanɛ b wora na kikɛ n loge nɛ e lar ndoŋ n yɔ nɛ e ya ŋini abɔrɛsheŋ nseŋ bɔ kubɔya na n sa nde nɛ a taga to ndoŋ na to ebi.

Matiu 11:1 ပူးပေါင်းရင်းမြစ်များ

Matiu 28:20

Menyi alɛ e baa nyiŋi fanɛ ma nɛ menyi e naaŋ baa la hale jemanɛ ere e ya fo kumo be ekar.”

Matiu 4:23

Ade be kaman nɛ Yesu nite Galili be kasawule so kikɛ to a ŋini basa abɔrɛsheŋ ashi bumo be nshɛrbuana to nsaa bɔ Ebɔrɛ be kuwura na to be baru lela na a sa basa nseŋ chɛ basa na to be alɔ nɛ ebesa be yiri kikɛ.

Matiu 7:28

Yesu ka malga asheŋ ere kikɛ n loge nɛ mbe keŋini na daa chinchiŋ jimaŋ na ga.

Matiu 9:35

Kumo be kaman nɛ Yesu yɔ ndegboŋana nɛ ndewurbiana na kikɛ to n ya kaa ŋini basa abɔrɛsheŋ ashi bumo be nshɛrbuana to nsaa bɔ Ebɔrɛ be kuwura na to be baru lela na a sa basa nseŋ naa chɛ basa be alɔ nɛ ebesa be yiri kikɛ.

Maak 6:12

Nɛ b lar n ya bɔ kubɔya na fanɛ ekama e lar mbe asheŋ lubi to.

Luuk 23:5

Nɛ b kini nseŋ kaŋɛ: “E ta mbe asheŋ ŋiniso nna a wɔ Judiya be efuli so kikɛ a ŋini basa nsaa fur bumo a wɔtɔ kumuleŋ to. Hale Galili kikɛ nɛ e yili n wora loŋ m ba fo nfe.”

Luuk 8:1

K daa maŋ naŋ chɛr ko nɛ Yesu koso a na ndegboŋana nɛ ndewurbiana to n ya kaa bɔ Ebɔrɛ be kuwura na to be baru lela na a sa ndoŋebiana.

Baru lela nɛ Jɔn kute na 15:10

Nɛ men baa bɛ ma mmalga naseso so, menyeeŋ baa wɔ ma kasha to fanɛ kananɛ mee bɛ Etuto na be mmalga naseso so nsaa wɔ mbe kasha to na.

Baru lela nɛ Jɔn kute na 15:14

Nɛ men baa wora asɔ nɛ mee kaŋɛ menyi, kumo ere n teriana e la menyi.

Ashuŋ Shunso 1:2

Ama pɔɛŋ nɛ Ebɔrɛ shin nɛ e yɔ ebɔrɛso na, Yesu daŋ bɔla Kiyoyu Cheeŋ na so nna ŋ ŋini basa nɛ e daŋ lara nɛ b baa la mbe beshuŋipo na ŋ kaŋɛ bumo asɔ nɛ a daga fanɛ b baa wora.

Ashuŋ Shunso 10:38

Men nyi Nazarɛt be Yesu na be asheŋ nɛ kananɛ Ebɔrɛ lara mo nseŋ shin nɛ Kiyoyu Cheeŋ na nɛ eleŋ ba mo so. E daŋ yɔ kaplɛkama n ya wora kelela nseŋ chɛ basa damta nɛ b daa wɔ Setani be enɔ to na, ŋkpal manɛ so, Ebɔrɛ daa wɔ mo to.

Ashuŋ Shunso 10:42

Mo e kaŋɛ anyi fanɛ an baa bɔ baru lela na a sa basa a bugi to a kaŋɛ fanɛ mo e la emo nɛ Ebɔrɛ lara fanɛ e baa la basa keniso nɛ bumo nɛ b wu be demujipo na.

1 Tɛsalɔnikaebi 4:2

Men nyi kasheŋ ŋini nɛ an daŋ bɔla Enyɛnpe Yesu be eleŋ to n sa menyi na.

2 Tɛsalɔnikaebi 3:10

Anyi nɛ menyi ka daa wɔtɔ na gba, an chɛr ŋ kaŋɛ menyi fanɛ: “Ekama nɛ e maŋ shuŋ, men sa maŋ shin nɛ e ji.”

2 Tɛsalɔnikaebi 3:6

Bekurgepoana, naniere anyee fiɛ menyi so Enyɛnpe Yesu Kristo be ketre to fanɛ men baa gelge ekurgepo kikɛ nɛ e wɔ ntɔl be kebaawɔtɔ to a maa bɛ keŋini nɛ an sa menyi na so.

1 Timoti 6:14

nsaa maŋ shin nɛ kulubi be yiri kikɛ e gbiti amo n chɛrga amo hale nɛ an Nyɛnpe Yesu Kristo e naaŋ ya lar m ba.