Matiu 10:32 - EBƆRƐ BE KAWƆL

³² Ekama nɛ e bugi to ŋ kaŋɛ basa to fanɛ ma e wɔ mo, ma alɛ gba beeŋ wora loŋ n sa mo ashi n Tuto nɛ e wɔ ebɔrɛso na be anishito.

Matiu 10:32 ပူးပေါင်းရင်းမြစ်များ

Nshɛ 119:46

Ma alɛ beeŋ baa malga fo mbraana be asheŋ a sa bewurjipo nsaa maa ŋana anishinyɔr.

Matiu 25:34

Kumo be kaman nɛ ma, Ewura na e kaŋɛ basa lela nɛ b wɔ ma jisoso na le: ‘Menyi nɛ n Tuto nɛfa na, men ba luri kuwura nɛ b lɔŋɛ n yili menyi kasɔto be jemanɛ na kikɛ na to.

Luuk 15:10

To, ma e kaŋɛ menyi na fanɛ nɛ esa koŋwule baŋ lar mbe alubi to, Ebɔrɛ be emalaika be ŋgbene beeŋ fuli bumo ga.”

Baru lela nɛ Jɔn kute na 9:22

Kanyɛn na mo nio nɛ mo tuto daŋ kaŋɛ loŋ nna ŋkpal b ka daa ŋana Juwebi be benimuana na so so, ŋkpal manɛ so, b daŋ kaŋɛ nna fanɛ ekama nɛ e bugi to ŋ kaŋɛ fanɛ Yesu e la Mesaya na, baaŋ ju mo nshɛrbuana na to be keluri to.

2 Timoti 1:8

Amoso, sa maŋ shin nɛ keji an Nyɛnpe na be shɛda be asheŋ ŋko ma nɛ n wɔ kabuti to ŋkpal mo so ere be asheŋ e baa wora fo anishinyɔr kikɛ. Ama fo alɛ gba e baa bɔla eleŋ nɛ Ebɔrɛ sa fo na so a shuli a ji awurfoŋ ŋkpal baru lela na so.

1 Jɔn 4:15

Ekama nɛ e bee bugi to a kaŋɛ basa fanɛ Yesu e la Ebɔrɛ Pibinyɛn na, Ebɔrɛ e wɔ amodoŋwura to nɛ mo alɛ gba wɔ Ebɔrɛ to.

Kelaraŋŋini 2:13

N nyi kakpa nɛ men wɔ ere be asheŋ, kakpa nɛ Setani baa tase gbagba. Ŋkeshin nɛ menyi alɛ maa lar ma ketre na kaman. Men maŋ lar men be yirda nɛ men kɔ ma so na kaman kikɛ, hale ma shɛdajipo nɛ esa beeŋ tiŋ n yirda na Antipas nɛ b daŋ mɔ men be kadegboŋ na to, kakpa nɛ Setani baa wɔ na be jemanɛ na kikɛ.

Kelaraŋŋini 3:5

Ekama nɛ e kɔ m pɔɔ so beeŋ buu asɔ fuful fanɛ bumo. M maaŋ kpra mbe ketre ashi ŋkpa be kawɔl na to kikɛ, ama meeŋ ji mbe shɛda n sa n Tuto nɛ mbe emalaika.

1 Samuɛl 2:30

Ma, Enyɛnpe, Israɛl be Ebɔrɛ na e daŋ nase kɔnɔ fanɛ fo kanaŋ e naaŋ baa la bɔrɛmatapoana mbaanaayɔ, ama mee kaŋɛ fo nna fanɛ loŋ maaŋ naŋ wora kikɛ. Basa kama nɛ baa bunyaŋ ma na nɛ mee sa bunyaŋ nsaa sho bekama nɛ b kishi ma na kɔnɔ.