Matiu 10:28 - EBƆRƐ BE KAWƆL

²⁸ Men sa maa ŋana basa nɛ baa kaa tiŋ a mɔ men be eyur ere ŋkaa maaŋ naŋ tiŋ m mɔ men be ayoyu na. Esa nɛ e daga kaŋana e la emo nɛ e beeŋ tiŋ n jija esa be eyur nɛ mbe kiyoyu kikɛ ashi Setani be edɛ to.

Matiu 10:28 ပူးပေါင်းရင်းမြစ်များ

2 Bewura 17:39

n ti ma Enyɛnpe men be Ebɔrɛ na so. Saŋɛ na so meeŋ baa mɔlga menyi ashi men doŋana be enɔ to.”

Job be kawɔl 37:24

Amoso edimɛdi bee ŋana mo nsaa bunyaŋ mo nna, ŋkpal manɛ so, e maa keni kamoowu wuraana nɛ baa fɛ fanɛ b nyi asheŋ ga na a bɔlɔ kenishi.

Nshɛ 119:120

Ŋkpal kananɛ fo demuji be mbraana du so, kufu bee pɛ ma nna nɛ mee chicha.

Kaŋinichiŋgeliŋ 5:7

Edare damta be kebaakuu nɛ mmalga damta be kebaa malga maŋ kɔ kifito. Amoso baa ŋana Ebɔrɛ nsaa sa mo bunyaŋ.

Aizaaya 51:12

Ade be kaman, nɛ Enyɛnpe Ebɔrɛ naŋ kaŋɛ le: “Ma e naa leŋ menyi to a wushi menyi kagbene. Nɛ manɛ nna nɛ menyee ŋana edimɛdi bomin? B maa chɛr nsaa wu a mur fanɛ afitiri.

Aizaaya 51:7

Menyi nɛ men nyi kusɔ nɛ k daga kewora na e nu nfe! Menyi nɛ men kɔ ma keŋini menyi be ŋgbene to na gba e nu nfe! Men sa maa ŋana basa nɛ baa tege menyi nsaa kaŋɛ menyi asheŋbesaso na.

Aizaaya 66:2

Ma e to durnya kikɛ nseŋ shin nɛ kusɔ kikɛ wɔtɔ. Basa nɛ bumo be asheŋ bee par ma nɛ mee keni bumo a bɔlɔ kenishi, e la basa nɛ baa bar bumo be amu kaseto nsaa tuba ashi bumo be alubi to ŋko bumo nɛ baa ŋana ma nsaa wora ma kasonu na.

Jɛremaya 5:22

ma e la Enyɛnpe Ebɔrɛ nɛ a daga fanɛ men baa ta kufu nɛ kechicha chicha a bunyaŋ ma? Ma e ta eshishɛr ŋ kuŋ teku nɛ k maŋ tiŋ n dii amo so. Teku so beeŋ tiŋ ŋ kaa ketili n wora awɔr ga, ama kumo alɛ maaŋ tiŋ n dii eshishɛr na so.

Matiu 10:26

Amoso, men sa maa ŋana edimɛdi. Kusɔ kama nɛ k buu so beeŋ ba dii efuli nɛ kumo be wulo kikɛ e ba bugi so.

Matiu 25:46

Kumo be kaman nɛ b yɔ kasogberge nɛ k maŋ kɔ ekar na to nɛ basa lela na malɛ e yɔ ŋkpa nɛ k maŋ kɔ ekar na to.”

Matiu 5:22

Ama ma e kaŋɛ menyi na fanɛ ekama nɛ e nya agbo n wora mo barkasa a wɔtɔ gba, baaŋ yɛr mo demujipowura be anishito. Ekama nɛ e tege mo barkasa, baaŋ yɛr mo nshɛrwuraana nɛ baa tre Sanhedrinebi be anishito. Nɛ ekama malɛ nɛ e kaŋɛ mo barkasa le: ‘Ewulpo ere!’ Amodoŋwura wora kulubi n daga Setani be edɛ to be keluri.

Baru lela nɛ Jɔn kute na 5:29

nseŋ lar bumo be nchaŋana na to nɛ bumo nɛ b wora alelasheŋ na e tiŋi a wɔ ŋkpa to nɛ bumo nɛ b wora alubisheŋ na malɛ e tiŋi n luri kasogberge to.

Ashuŋ Shunso 21:13

Nɛ e bishi bumo: “Manɛ so nɛ menyee wora le ere nsaa shu le a jija ma kagbene? Ŋkpal Enyɛnpe Yesu so meeŋ shuli fanɛ b mɔ ma ashi Jerusalɛm to gba, a bishi kekre ma ndoŋ.”

Hibruwebi 10:31

Kashenteŋto, shɛŋ shɛŋ maŋ naŋ lubi a chɔ esa be ketɔr Ebɔrɛ nɛ e wɔ ŋkpa to na be enɔ to kikɛ.

Hibruwebi 11:35

Ŋkpal yirda so, beche ko be bubuni daŋ tiŋi ashi luwu to nna n sa bumo. Le be basa ere be beko daŋ kini kesɔ kamooji be kebaawɔtɔ nna nseŋ shuli n shin nɛ b tɔrɔ bumo, saŋɛ na so baaŋ ba tiŋi luwu to n luri ŋkpa nɛ k bɔ na to.

Jeems 4:12

Ebɔrɛ nawule e la esa nɛ e bee nase mbra na, mo alɛ nawule e la kumo be Demujipo. Mo nawule e naaŋ tiŋ m mɔ nseŋ naaŋ tiŋ n sa ŋkpa. Nɛ fo alɛ nyiŋgbasa e la wanɛ nɛ fo tiŋ n ji fo barkasa demu?

1 Pita 3:14

Hale nɛ men wora kelela nɛ b kpal loŋ so n tɔrɔ menyi gba, nɛfa la menyeya nna. Men sa maa ŋana bumo be kafunti, menyi alɛ e sa maŋ naa shin nɛ men be ŋgbene e baa ku.

Kelaraŋŋini 2:10

Men sa maŋ kaa ŋana asheŋ nɛ a bee shin nɛ a ba menyi so ere. Mee kaŋɛ menyi nna na fanɛ alubipo na beeŋ shin nɛ b ta menyi be beko n ti ebu nɛ e wora menyi ŋ keni nɛ men ji tɔrɔ nchɛ kudu. Ama men baa yil to kpakpa loŋ n ya kaa fo luwu to be keluri to gba nɛ n sa menyi ŋkpa be kuwurwuro na.