Matiu 10:21 - EBƆRƐ BE KAWƆL

²¹ Basa beeŋ ta bumo niopibiana gbagba n sa nɛ b mɔ nɛ betuto e wora bumo be bibi loŋ. Mbia beeŋ wu bumo nioana nɛ bumo tutoana kedoŋ n ta bumo n sa nɛ b mɔ.

Matiu 10:21 ပူးပေါင်းရင်းမြစ်များ

2 Samuɛl 16:11

Kede be kaman nɛ Deevid kaŋɛ Abishai nɛ mbe benimuana na le: “M pibinyɛn gbagba e naa fin ma nɛ e mɔ na, amoso men sa maŋ shin nɛ kusɔ nɛ Bɛnjamin be esa ere wora ere gba a tir menyi. Nɛ kashenteŋ nna fanɛ Enyɛnpe Ebɔrɛ na e kaŋɛ mo fanɛ e sho ma kɔnɔ, kumo ere fo yige mo nɛ e baa wora.

Job be kawɔl 19:19

M baa dufɛ nteri kpakpasoana be mmuna so nna, nɛ basa nɛ mee sha ga malɛ kilgi a kɔ ma.

Nshɛ 50:20

Men tase nna a kuli men kurgepoana nsaa jija men niopibiana gbagba be atre.

Aizaaya 19:2

Ndoŋ nna nɛ Enyɛnpe Ebɔrɛ na kaŋɛ le: “Meeŋ shin nɛ kelantokɔ e ku Ijipt be efuli so nɛ bekurgepo e kilgi a kɔ abar nɛ bechenashapo malɛ gba e baa kɔ abar. Kadegboŋ ko beeŋ kɔ kuko kena nɛ kuwurgboŋ ko e kɔ kuwurgboŋ nyɔsopo kena.

Zakareya 13:3

Esa kama kaŋ naa kaŋɛ fanɛ mo ere bee wu abɔrɛsheŋ to nna a kaŋɛ, mo tuto nɛ mo nio gbagba e naŋ kaŋɛ fanɛ e daga luwu, ŋkpal e ka ku efɛ ŋ kaŋɛ fanɛ Enyɛnpe Ebɔrɛ na be kamalga nɛ e bee malga so. Nɛ e kraŋ kini a malga mo nio nɛ mo tuto gbagba e naaŋ da mo tokobi m mɔ.

Matiu 24:10

Amo be jemanɛ na basa damta beeŋ lar yirda na to nsaa kishi abar a debɔr abar.