Matiu 10:19 - EBƆRƐ BE KAWƆL

¹⁹ Nɛ b baa yɛr menyi demujikpa, men sa maa fɔŋ kananɛ menyeeŋ ya malga so ŋko kusɔ nɛ menyeeŋ ya kaŋɛ so, ŋkpal manɛ so, kumo be jemanɛ ya fo, menyeeŋ nya kusɔ nɛ k daga fanɛ men kaŋɛ.

Matiu 10:19 ပူးပေါင်းရင်းမြစ်များ

Ɛksodɔs 4:12

Amoso baa yɔ! Meeŋ ya bugi fo kɔnɔ nseŋ ŋini fo kusɔ nɛ feeŋ kaŋɛ bumo.”

Ɛksodɔs 4:15

E kaŋ ba, fo kaŋɛ mo kusɔ nɛ e beeŋ malga. Meeŋ chɛ menyi benyɔ kikɛ to ŋ ŋini menyi kusɔ nɛ menyeeŋ wora, saŋɛ na so, menyeeŋ tiŋ m malga.

Jɛremaya 1:7

Ama kusɔ nɛ Enyɛnpe Ebɔrɛ na kaŋɛ ma e la fanɛ: “Sa maŋ kaŋɛ fanɛ fo la kebifɔlbi gbagba nna, ama yɔ basa nɛ n shuŋi fo bumo kutɔ na n ya kaŋɛ bumo kusɔ kama nɛ ŋ kaŋɛ fo kenishipereso.

Jɛremaya 1:9

Kede be kaman nɛ Enyɛnpe Ebɔrɛ na teŋi mbe enɔ m beta ma kɔnɔpurbi nseŋ kaŋɛ ma le: “Nu nfe! Mee sa fo mmalga nɛ feeŋ baa malga nna na.

Matiu 10:18

Baaŋ kpal ma so n yɛr menyi bewurbi nɛ bewurgboŋana be anishito nɛ men ji ma asheŋ be shɛda n sa bumo nɛ nnyamase.

Matiu 6:25

Amoso, mee kaŋɛ menyi nna fanɛ men sa maa fɔŋ men be ŋkpa so a wɔtɔ a fɛ kananɛ menyeeŋ tiŋ n nya kusɔ jiso nɛ kusɔnuuso be asheŋ, ŋkpal manɛ so, mannɛ ŋkpa e chɔ ajibi a? Menyi alɛ e sa maŋ naa fɔŋ menyi be eyurana so a wɔtɔ a fɛ kananɛ menyeeŋ tiŋ n nya asɔbuuso be asheŋ, ŋkpal manɛ so, mannɛ eyur e chɔ asɔbuuso a?

Matiu 6:31

Amoso, men sa maa fɔŋ so a kaŋɛ le: ‘Manɛ nɛ anyeeŋ ji ŋko manɛ nɛ anyeeŋ nuu ŋko manɛ nɛ anyeeŋ buu?’

Matiu 6:34

Amoso, men sa maa fɔŋ echefoso, ŋkpal manɛ so, kumo alɛ gba kɔ kumo to be asheŋ tirso nna nɛ a maŋ daga menyi ka naa ta kachɛ pɔtɛ ko be kafɔŋ a ti kuko peya so. Men shin nɛ kachɛ kama e baa kɔ kumo gbagba be asheŋ tirso.

Luuk 12:11

“Nɛ b baŋ yɛr menyi nshɛrbuana to be benimuana be anishito ŋko n yɛr menyi egomena nɛ bewuraana kutɔ, men sa maa fɔŋ kananɛ menyeeŋ ya malga so ŋko kusɔ nɛ menyeeŋ ya kaŋɛ so.

Luuk 12:12

Ŋkpal manɛ so, Kiyoyu Cheeŋ na beeŋ ŋini menyi kusɔ nɛ menyeeŋ kaŋɛ kumo be jemanɛ na gbagba to.”

Ashuŋ Shunso 6:10

Ama b daa maŋ tiŋ n ji m bri mo ŋkpal eleŋgboŋ nɛ Kiyoyu Cheeŋ na daŋ sa mo nɛ e malga so.

Filipaiebi 4:6

Men sa maa fɔŋ kusɔ kama so men be kebaawɔtɔ to, ama kusɔ kama to men baa kaŋɛ Ebɔrɛ men be asheŋ tirso be asheŋ a kule mo fanɛ e chɛ menyi to nsaa chɔrɔ mo.

2 Timoti 4:17

Ama Enyɛnpe bre maŋ shile ma, e sa ma eleŋ nna nɛ n tiŋ m bɔ kubɔya na kikɛ nyam n sa nnyamase na kikɛ nseŋ nya ŋ gelge ebuluŋ be nnɔ to be keluri.

Jeems 1:5

Ama menyi to be ekama nɛ e maŋ kɔ kanyiasheŋ nsaa pin kusɔ nɛ e beeŋ wora a gben, amodoŋwura e kule Ebɔrɛ nɛ e chɛ mo to, ŋkpal manɛ so, Ebɔrɛ e naa bugi kagbene a sa basa asɔ nsaa maa bishi bumo nnɔ. Amoso, fo kama nɛ fo kule mo kanyiasheŋ, fo maaŋ paŋ kumo.