Nɛ b baa yɛr menyi demujikpa, men sa maa fɔŋ kananɛ menyeeŋ ya malga so ŋko kusɔ nɛ menyeeŋ ya kaŋɛ so, ŋkpal manɛ so, kumo be jemanɛ ya fo, menyeeŋ nya kusɔ nɛ k daga fanɛ men kaŋɛ.
Nɛ Yesu kaŋɛ mo: “Nu nfe! Sa maŋ kaŋɛ esa kikɛ kesheŋ ere, ama yɔ n ya ta fo kumu ŋ ŋini bɔrɛmatapo na nɛ e keni fo. E kaŋ loge, fo lara sarga nɛ anebi Mosis nase na ŋ ŋini basa kikɛ fanɛ naniere fo nyalɛ so.”
Men baa de menyi be amu so, ŋkpal manɛ so, basa beeŋ pɛ menyi n yɔ demujikpa n ya kuya menyi so ashi nshɛrbuana to. Baaŋ shin nɛ men yili bewurbi nɛ bewurgboŋ be anishito ŋkpal ma so nɛ men ji ma asheŋ be shɛda n sa bumo.
Amoso, sa maŋ shin nɛ keji an Nyɛnpe na be shɛda be asheŋ ŋko ma nɛ n wɔ kabuti to ŋkpal mo so ere be asheŋ e baa wora fo anishinyɔr kikɛ. Ama fo alɛ gba e baa bɔla eleŋ nɛ Ebɔrɛ sa fo na so a shuli a ji awurfoŋ ŋkpal baru lela na so.
Kachako b shin nɛ ma Jɔn, men kurgepo nɛ an kikɛ bee ji awurfoŋ nsaa la kuwura na to be basa a kɔ kanyiti a yil to ŋkpal Yesu so na ya kaa wɔ kepla nɛ baa tre Patmɔs na so ŋkpal ŋ ka daŋ malga Ebɔrɛ be kamalga na nseŋ daŋ ji Yesu be shɛda so.
Nɛ Kpakpafɔlbi na bu tɔɔnɛ be kebersobi nusopo na nɛ n wu basa nɛ b mɔ ŋkpal b ka daŋ malga Ebɔrɛ be kamalga na so nɛ ŋkpal shɛda mo nɛ b ji na so na be ayoyu ashi bɔrɛsure na be kaseto.