Matiu 10:14 - EBƆRƐ BE KAWƆL

¹⁴ Nɛ kowu kama ŋko kade kama malɛ to nɛ men yɔ nɛ b maŋ sɔ menyi ŋko ŋ kini kenu men be kubɔya na, men lar ŋ gbaŋgbaŋ men be aya to be shishɛr n lɛ bumo.

Matiu 10:14 ပူးပေါင်းရင်းမြစ်များ

Nehemaya 5:13

Kumo be kaman nɛ n saŋɛ kreso nɛ n ta n chɛ ma kashɛr to na nseŋ gbaŋgbaŋ kumo to a ŋini fanɛ loŋ nɛ Ebɔrɛ beeŋ gbaŋgbaŋ bekama nɛ b maa bɛ bumo be nnɔ nase so so na. Kumo alɛ be kaman nɛ ŋ kaŋɛ le: “Ebɔrɛ beeŋ sɔ men be ebuana nɛ kusɔ kama nɛ men kɔ, saŋɛ na so, men maa naa kɔ shɛŋ.” Ndoŋ nna nɛ bekama nɛ b daa wɔ ndoŋ na shuli so ŋ kaŋɛ: “Amɛn!” Kumo be kaman nɛ b di Enyɛnpe Ebɔrɛ na epaŋ. Ade kikɛ be kaman nɛ bejuŋkparpoana na bɛ bumo be nnɔ naseso so.

Matiu 10:13

Nɛ laŋ na to ebi baŋ daga loŋ be kechɔrɔ, kagbenewushi na beeŋ baa wɔ bumo so. Ama nɛ b baŋ maŋ daga kechɔrɔ na, men naŋ leŋi men be kagbenewushi na be kɔnɔ.

Matiu 18:5

Nɛ ekama malɛ nɛ e sɔ le be kebia ere ŋkpal ma so, sɔ ma nna na.”

Maak 6:11

Kaplɛkama malɛ nɛ men fo nɛ b maŋ sɔ menyi ŋko ŋ kini kenu menyi be kubɔya na, men lar ŋ gbaŋgbaŋ menyi be aya to be shishɛr n lɛ bumo nɛ k baa la bumo be kekini menyi na be tɔɔnɛ.”

Maak 9:37

“Esa kama nɛ e sɔ le be kebia ere ŋkpal ma so, sɔ ma nna na nɛ ekama nɛ e sɔ ma, e maŋ sɔ ma nawule, ama emo nɛ e shuŋi ma na gba nɛ e sɔ.”

Luuk 9:48

“Esa kama nɛ e sɔ le be kebia ere ŋkpal ma so, sɔ ma nna na, ekama malɛ nɛ e sɔ ma, sɔ emo nɛ e shuŋi ma na gba nna na. Amoso, ekama nɛ e la men kikɛ to be emantopo e la esa nɛ e chɔ ekama.”

Luuk 9:5

Ama kade kama to nɛ b kini kesɔ menyi, men lar kade na to nseŋ gbaŋgbaŋ men be aya to be shishɛr n lɛ bumo nɛ k baa la bumo be kekini menyi na be tɔɔnɛ.”

Baru lela nɛ Jɔn kute na 13:20

Ma e kaŋɛ menyi kashenteŋto na fanɛ ekama nɛ e sɔ esa kama nɛ n shuŋi, sɔ ma nna na. Ekama malɛ nɛ e sɔ ma sɔ esa nɛ e shuŋi ma na nna na.”

Ashuŋ Shunso 13:51

Ndoŋ nna nɛ beshuŋipoana na gbaŋgbaŋ bumo be aya to be shishɛr n lɛ bumo a ŋini fanɛ b wora bumo kusha nseŋ yɔ Ikoniam.

Ashuŋ Shunso 18:6

Nɛ b ji mo emɔrɔ kpakpaso nseŋ tege mo. Nɛ mo alɛ gbaŋgbaŋ mbe asɔbuuso to be shishɛr n lɛ bumo n wora bumo kusha ŋ kaŋɛ: “Menyi be ŋklaŋ e baa wɔ menyi gbagba be amu so, mannɛ ma e bar kumo. Yili kabre a yɔ nnyamase kutɔ nɛ meeŋ baa yɔ n ya kaa bɔ kubɔya na a sa bumo.”

1 Tɛsalɔnikaebi 4:8

Amoso, ekama nɛ e kini keŋini ere, mannɛ nyiŋgbasa nɛ e kini, ama Ebɔrɛ nɛ e bee sa menyi mbe Kiyoyu na nɛ e kini.