Matiu 1:7 - EBƆRƐ BE KAWƆL

⁷ Nɛ Sɔlɔmɔn malɛ pibi daa la Rehoboam nɛ Rehoboam pibi daa la Abija nɛ Abija malɛ pibi daa la Asa.

Matiu 1:7 ပူးပေါင်းရင်းမြစ်များ

1 Bewura 11:43

E ka wu nɛ b puli mo Jerusalɛm nɛ baa tre ewura Deevid be kade to na nɛ mo pibi Rehoboam sɔ mo so ŋ ki ewura.

1 Bewura 14:31

Ewura Rehoboam ka wu, kakpa nɛ baa puli bewurbi ashi Jerusalɛm nɛ k la ewura Deevid be kade to na nɛ b puli mo. Ndoŋ nna nɛ mo pibinyɛn Abija sɔ mo so n ji kuwura.

2 Kronikɛls 12:1

Rehoboam be kuwura ka baŋ yili nɛnɛ, nɛ mo nɛ mbe basa kini kebaabɛ Enyɛnpe Ebɔrɛ be mbra so.

2 Kronikɛls 13:7

Kumo be kaman nɛ e chala befɛpo nɛ basa fuloŋ be katuŋ ko nɛ b tintiŋ Rehoboam nɛ e baa wora kusɔ nɛ baa sha ŋkpal e ka kra la kebia nsaa maaŋ tiŋ n yili asheŋ kananɛ a daga loŋ be saŋɛ na so.

2 Kronikɛls 9:31

E ka wu nɛ b ya puli mo Jerusalɛm nɛ baa tre Deevid be kade to na, nɛ mo pibinyɛn, Rehoboam, malɛ sɔ mo so ŋ ki ewura.

Matiu 1:8

Asa pibi e daa la Jehoshafat nɛ Jehoshafat pibi daa la Jɔram nɛ Jɔram malɛ pibi daa la Uzaya.

Luuk 1:5

Jemanɛ nɛ Ewura Hɛrɔd daa ji kuwura ashi Judiya be efuli so na, bɔrɛmatapo ko daa wɔtɔ nɛ baa tre mo Zakareya. E daa la Abija be bɔrɛmatapoana be katuŋ na to be eko nna. Mbe eche be ketre e daa la Elizabɛt. Mo alɛ gba daŋ shi bɔrɛmatapoana be kanaŋ to nna, Ɛɛrɔn be kanaŋ to.