Matiu 1:20 - EBƆRƐ BE KAWƆL

²⁰ E daa wɔ le be nfɛra ere to nna nɛ Enyɛnpe be malaika lar mo so edare to ŋ kaŋɛ mo le: “Josɛf, Deevid be kanaŋ to be esa, sa maa ŋana keta Mɛɛri nɛ e ki fo eche, ŋkpal manɛ so, Kiyoyu Cheeŋ na so nɛ e bɔla n di kedampo na.

Matiu 1:20 ပူးပေါင်းရင်းမြစ်များ

Jɛnesis 31:11

Ndoŋ nna nɛ Ebɔrɛ be malaika tre ma edare na to ŋ kaŋɛ: ‘Jeekɔb’ nɛ n shuli ŋ kaŋɛ: ‘Ma nde.’

Jɛnesis 46:3

Nɛ Ebɔrɛ kaŋɛ: “Ma, Enyɛnpe Ebɔrɛ, fo tuto be Ebɔrɛ na e naa malga na. Sa maŋ kaa lɔ keyɔ Ijipt be kufu, ŋkpal manɛ so, meeŋ ya ta fo nɛ fo kanaŋ to ebi ŋ ki efuli lempo ndoŋ.

1 Bewura 17:13

Ndoŋ nna nɛ anebi Elaija kaŋɛ le: “Sa maa fɔŋ, fo ere e yɔ n ya daŋɛ fo ajibi ama, pɔɛŋ nɛ fo daŋɛ amo na, ya daŋɛ fo ajibi nɛ fo kɔ na be gbrɛbi m bar ma pɔɛŋ, kumo be kaman nɛ fo daŋɛ amo nɛ a ka na nɛ fo nɛ fo kebia na e ji.

1 Bewura 3:5

Kamɔnchɛ be kanyɛso gbagba nɛ Enyɛnpe Ebɔrɛ lara mbe kumu ŋ ŋini ewura Sɔlɔmɔn edare to m bishi mo le: “Manɛ nɛ fee sha ŋ ka wora n sa fo?”

Nshɛ 119:125

N la fo kayɛrbi nna a shuŋ fo, sa ma asheŋ be kepinto nɛ m baa pin fo mbraana to.

Nshɛ 143:8

Ŋkpal ŋ ka ta ma yirda n deŋi fo so so, shin nɛ m baa nyiŋi fo kasha nɛ k maa loge na be asheŋ kachipurso kikɛ. Mee kule fo nna nɛ fo ŋini ma ekpa nɛ meeŋ baa bɔla so a wora asheŋ.

Nshɛ 94:19

Jemanɛ kikɛ nɛ kafɔŋ damta baŋ tɔr ma so, fo e naa lolo ma a wushi ma kagbene.

Aŋasa 12:5

Beshenteŋjipo bee wora asheŋ nɛ amo be ekpa so nna, ama belubiworapo bre bee fule basa nna.

Aizaaya 26:3

Enyɛnpe Ebɔrɛ na e naa sa basa nɛ bumo be yirda yil to kpakpa na kayurwushi gbagba.

Aizaaya 30:21

Nɛ fanɛ men foe ekpa a yɔ jisoso ŋko bena so gba, menyeeŋ nu mbe ebɔl menyi be kamanto ka bee kaŋɛ le: “Ekpa na nde. Men bɔla kumo so.”

Aizaaya 51:7

Menyi nɛ men nyi kusɔ nɛ k daga kewora na e nu nfe! Menyi nɛ men kɔ ma keŋini menyi be ŋgbene to na gba e nu nfe! Men sa maa ŋana basa nɛ baa tege menyi nsaa kaŋɛ menyi asheŋbesaso na.

Aizaaya 7:13

Nɛ Aizaaya malɛ kaŋɛ le: “Ewura Deevid be kamanebi, men kaŋ asoe n nu nfe. Menyee kaa wora edimɛdi a keni. Menyee sha kewora Ebɔrɛ gba nna ŋ keni a?

Aizaaya 7:2

Juda be ewura ka daŋ nu fanɛ Siriya be efuli so be benapo ba ti Israɛl be benapo so, nɛ kufu pɛ ewura Ahaz nɛ mbe basa kikɛ ga nɛ baa chicha fanɛ afu ka bee ber ndibi so na.

Jɛremaya 31:22

Saŋɛ mo nɛ menyeeŋ chɛrga a ji kashenteŋ? Kachako meeŋ shin nɛ asheŋ e baa kɔr to, kumo e la fanɛ eche ka beeŋ baa kuŋ enyɛn.”

Jɛremaya 33:26

Aloŋ nɛ meeŋ bɛ kɔnɔ nɛ n nase n sa Jeekɔb be kaman to ebi nɛ ma kenya Deevid na so. Meeŋ lara ewura Deevid be kaman to be esa nɛ e ji kuwura ashi an nananyɛnana Eebraham nɛ Aizek nɛ Jeekɔb be mman to ebi so. Ma alɛ beeŋ wu ma basa kuwɔr nseŋ shin nɛ b naŋ nya asɔ nseŋ dii kedama.”

Jɛremaya 40:9

Ndoŋ nna nɛ Gɛdaliya kaŋɛ bumo le: “Ma e kaŋɛ menyi na fanɛ a maŋ daga fanɛ men tɔr kapɔŋ n sa Babilɔnebi na. Menyeeŋ tiŋ n chena nfe nsaa shuŋ Babilɔn be ewura nɛ asheŋ e nite nɛnɛ n sa menyi.

Jowɛl 2:28

Nɛ Ebɔrɛ naŋ kaŋɛ le: “Ade kikɛ be kaman, meeŋ shin nɛ ma kiyoyu e ba ekama so nɛ men be mbinyɛnsobi nɛ mbichesobi e fara a bɔ ma kubɔya na nɛ men be benyɛnnimubiana e ba ku edare nɛ men be mbrantiɛbi e baa ku bɔrɛdare.

Nɔmbɛs 12:6

Ndoŋ nna nɛ Enyɛnpe Ebɔrɛ kaŋɛ bumo le: “Men kaŋ kusoe n nu ma mmalga ere: Ma e naa bɔla kewuŋkaŋɛ so a lara ma kumu a ŋini anebiana nsaa bɔla edare so a malga bumo kutɔ.

Matiu 1:18

Kananɛ b kurge Yesu Kristo nde. B daŋ yili kumo nna fanɛ Yesu mo nio Mɛɛri nɛ Josɛf e kil, ama pɔɛŋ nɛ b ta abar, b wu fanɛ Kiyoyu Cheeŋ na shin nɛ Mɛɛri di kedampo.

Matiu 2:12

B ka loge nɛ Ebɔrɛ fiɛ bumo so edare to ŋ kaŋɛ fanɛ b sa maŋ naŋ bɛta n yɔ Ewura Hɛrɔd kutɔ. Amoso b daŋ bɔla ekpa popɔr so nna m bɛta n yɔ bumo be efuli so.

Matiu 2:13

Basa na ka yɔ nɛ Enyɛnpe be malaika lar Josɛf so edare to ŋ kaŋɛ mo le: “Niŋi to n ta kebia na nɛ mo nio n shile n yɔ Ijipt be efuli so n ya kaa wɔ ndoŋ hale nɛ m ba kaŋɛ fo fanɛ fo naŋ lar ndoŋ. Ŋkpal manɛ so Ewura Hɛrɔd bee fin kebia na nɛ e mɔ.”

Matiu 2:19

Josɛf nɛ Mɛɛri nɛ kebia na daa wɔ Ijipt na loŋ nɛ Ewura Hɛrɔd ba wu nɛ Enyɛnpe be malaika lar Josɛf so edare to ndoŋ

Matiu 2:22

Ama Josɛf ka nu fanɛ Ewura Hɛrɔd pibi Aakileeyes e sɔ mo tuto so n ji Judiya be efuli so be kuwura nɛ e ŋana kechena kasawule na so. Ama edare to nɛ Ebɔrɛ daŋ naŋ kaŋɛ mo kusɔ nɛ k daga fanɛ e wora,

Matiu 27:19

Pailat daŋ kraa tase demujikpa na nna nɛ mbe eche ta le be kubɔya n shoŋi mo: “Lara fo enɔ ashi kanyɛn na be asheŋ to, ŋkpal manɛ so, e la esa lela nna. Ŋ kaŋ ku mbe edare ndre kanyɛso, n ji awurfoŋ ga.”

Matiu 28:5

Ndoŋ nna nɛ malaika na kaŋɛ beche na le: “Men sa maa lɔ kufu, ŋkpal manɛ so, n nyi men ka bee fin Yesu nɛ b daŋ gbir m mata kedibi largato so na.

Luuk 1:19

Nɛ malaika na kaŋɛ mo: “Ma e la Geebriɛl, emo nɛ e yil Ebɔrɛ kutɔ saŋkama na. Nɛ Ebɔrɛ shuŋi ma nɛ m ba bɔ le be baru n sa fo.

Luuk 2:4

Nɛ Josɛf malɛ gba lar Nazarɛt, Galili be efuli so n yɔ Judiya be efuli so be kade ko to nɛ baa tre Bɛtlɛhɛm, kakpa nɛ b kurge Ewura Deevid na. Josɛf daŋ yɔ ndoŋ nna ŋkpal e ka daŋ shi Deevid be kanaŋ to so.

Ashuŋ Shunso 5:19

Ama kumo be kanyɛso nɛ Enyɛnpe be malaika ba bugi kabuti na be mbuna nseŋ bar bumo kowu m ba kaŋɛ bumo:

Kelaraŋŋini 19:7

Men shin nɛ anyi be ŋgbene e fuli anyi n dese nɛ an sa mo kemaŋkura. Ŋkpal manɛ so, Kpakpafɔlbi be kejafɔachɛ na fo nɛ mbe kejafɔ malɛ gba bela ase n loge.

Demujipoana 13:3

Kachako nɛ Enyɛnpe Ebɔrɛ be malaika lar eche na so ŋ kaŋɛ mo le: “Fo la egbentepo nna, ama k maaŋ chɛr feeŋ di kedampo ŋ kurge ebinyɛn.