Matiu 1:12 - EBƆRƐ BE KAWƆL

¹² Babilɔnebi ka yɛr Israɛlebi Babilɔn na pɔɛŋ nɛ Jɛkɔnaya kurge Shialtiɛl. Shialtiɛl malɛ pibi e daa la Zerubabel.

Matiu 1:12 ပူးပေါင်းရင်းမြစ်များ

2 Bewura 24:14

E daŋ shin nna nɛ b pɛ Jerusalɛm be basa nɛ b shi ewurkpa nɛ bewurbi nɛ benapo be benimu nɛ basa nɛ b kɔ enɔ to be ashuŋ be kenyi nɛ ebɔyɛpo, nɛ bumo kikɛ yili basa ŋgboŋ kudu, n yɔ Babilɔn be efuli wɔfɔ na. Betirpo nawule nɛ b daŋ yige Juda be efuli so.

2 Bewura 25:27

Kufɔl kuduanyɔsopo be nchɛ adunyɔ nɛ ashunu to be kafɛ nɛ Evilmɛrodak ji Babilɔn be kuwura na b daŋ wu Juda be ewura Jehowachin nɛ b daŋ ti ebu nfɛ adesa nɛ ashunu kikɛ na kuwɔr nna nseŋ shin nɛ b lara mo kabuti to.

1 Kronikɛls 3:17

Ewura Jehowachin nɛ Babilɔnebi daŋ pɛ n yɔ bumo be efuli so na daa kɔ mbia ashunu nna. Bumo e la Shialtiɛl

Ɛzra 3:2

Ndoŋ nna nɛ Jozadak pibinyɛn Joshuwa nɛ mo braana bɔrɛmatapoana na nɛ Shɛɛltiɛl pibinyɛn, Zerubabel, nɛ mo kurgepoana fara nɛ b pɔr Israɛl be Ebɔrɛ na be bɔrɛsure, saŋɛ na so baŋ tiŋ a lara esarga kumo so fanɛ kananɛ Mosis be mbra bee ŋini na.

Ɛzra 5:2

Kumo be kaman nɛ Shɛɛltiɛl pibinyɛn, Zerubabel, nɛ Jozadak pibinyɛn, Joshuwa, naŋ fara Ebɔrɛ be lambu na be kelɔŋɛ m pɔr ashi Jerusalɛm to, nɛ anebiana na daa chɛ bumo to.

Nehemaya 12:1

Bɔrɛmatapoana nɛ Livaiebi nɛ Shealtiɛl pibinyɛn, Zerubabel nɛ Joshuwa daŋ juŋkpar ŋ keta bumo n shi Babilɔn be efuli so kenyaya to m bɛta m ba na be atre nde.

Jɛremaya 22:24

Nɛ Enyɛnpe Ebɔrɛ na naŋ kaŋɛ ewura Jehowachin nɛ e sɔ mo tuto Ewura Jehowakim so a ji Juda be kuwura na le: “Ŋ ka baa la Enyɛnpe Ebɔrɛ nɛ e bee sa ŋkpa ere, nɛ fo e la kepinibi nɛ mee wɔtɔ ma enɔjiso to a ŋini ma kuwurji be eleŋ gba, ŋ kraa beeŋ pee fo ma keshilbi to n lɛ.

Jɛremaya 22:28

Kumo be kaman nɛ Jɛremaya kaŋɛ le: “Ewura Jehowachin, fo ki fanɛ kapuya bureso nɛ b maa sha nna. Amoso baaŋ ta fo nɛ fo mbia kikɛ n ya lɛ efuli pɔtɛ wɔfɔ nɛ menyi maŋ nyi so.”

Jɛremaya 22:30

“Kpra Ewura Jehowachin be mbia be atre ashi Juda be kuwurji be nwɔl to. E maŋ tiŋ n wora shɛŋ mbe kuwurji to, amoso mbe kebia kama maaŋ chena mo nananyɛn Deevid be kuwurputi so n ji kuwura ashi Juda be efuli so. Ma, Enyɛnpe Ebɔrɛ e malga na.”

Heegai 1:1

Ewurgboŋ Dariɔs ka ji Pɛshiya be efuli so be kuwura be kafɛ nyɔsopo to be kufɔl shesopo be kachɛ juŋkparso to, nɛ Enyɛnpe Ebɔrɛ bɔla anebi Heegai so m malga. Kubɔya na daa yɔ Juda be efuli so be gomena, Zerubabel nɛ e la Shealtiɛl pibinyɛn na nɛ bɔrɛmatapo nimuso Joshuwa, nɛ e la Jehozadak pibinyɛn na kutɔ nna.

Heegai 1:12

Ndoŋ nna nɛ Zerubabel nɛ Joshuwa nɛ basa nɛ b shi kenyaya to ashi Babilɔn be efuli so m bɛta m ba na kikɛ wora kubɔya nɛ Enyɛnpe bumo be Ebɔrɛ na ta m bɔla anebi Heegai so n sa bumo na kasonu ŋkpal b ka bee ŋana Enyɛnpe Ebɔrɛ na so.

Heegai 1:14

Enyɛnpetale Ebɔrɛ na daŋ ta kenishipere nna n wɔtɔ Zerubabel nɛ e daa la Juda be efuli so be gomena nɛ Joshuwa nɛ e daa la bɔrɛmatapo nimuso na nɛ basa b daŋ pɛ n yɔ efuli pɔtɛana so nɛ b bɛta m ba na to nna nɛ b fara Enyɛnpetale, bumo be Ebɔrɛ na be bɔrɛlambu na kapɔr.

Heegai 2:23

Ama kaŋɛ ma kayɛrbi Zerubabel fanɛ ma, Enyɛnpetale Ebɔrɛ na e lara mo nɛ e ji kuwura ma ketre to.” Ma, Enyɛnpetale Ebɔrɛ na e malga na.

Matiu 1:11

Josaya e daŋ kurge Jɛkɔnaya nɛ mo siponyɛnsoana jemanɛ nɛ Babilɔnebi daŋ yɛr Israɛlebi Babilɔn na.

Matiu 1:13

Zerubabel pibi e daa la Abiyud nɛ Abiyud pibi daa la Elayakim. Elayakim malɛ pibi e daa la Azɔɔ.

Matiu 1:17

Bede kikɛ e naa ŋini fanɛ yili Eebraham m ba fo Ewura Deevid, benananyɛn kuduana e lar kanaŋ na to. N naŋ yili Ewura Deevid be jemanɛ n ya fo jemanɛ nɛ b yɛr Israɛlebi Babilɔn na, benananyɛn kuduana e lar kanaŋ na to. N naŋ yili jemanɛ nɛ b yɛr Israɛlebi Babilɔn na m ba fo Kristo be jemanɛ na gba, benananyɛn kuduana e lar kanaŋ na to.

Luuk 3:27

Joda malɛ mo tuto e daa la Joana nɛ mo alɛ mo tuto daa la Risa nɛ Risa malɛ mo tuto daa la Zerubabel nɛ mo alɛ mo tuto daa la Shialtiɛl, Nɛrai pibi.