Matiu 1:1 - EBƆRƐ BE KAWƆL

¹ Kananɛ Yesu Kristo nɛ e shi Ewura Deevid nɛ mo alɛ shi Eebraham be kanaŋ to kikɛ lar nde.

Matiu 1:1 ပူးပေါင်းရင်းမြစ်များ

Jɛnesis 12:3

Bekama malɛ nɛ b nɛfa fo, ma alɛ gba beeŋ nɛfa bumo. Ama ekama nɛ e sho fo kɔnɔ, ma alɛ gba beeŋ sho amodoŋwura kɔnɔ. Fo so nɛ meeŋ bɔla n nɛfa durnya to ebi kikɛ.”

Jɛnesis 2:4

To, kananɛ Enyɛnpe Ebɔrɛ daŋ to esoso nɛ kasawule nna na. E ka daŋ to amo na,

Jɛnesis 22:18

Fo kaman to ebi so nɛ durnya to ebi kikɛ beeŋ bɔla n nya nɛfa ŋkpal fo ka wora ma kasonu ere so.”

Jɛnesis 5:1

Adam be kanaŋ to ebi be atre nɛ b sibɛ n nase nde. Ebɔrɛ ka to dimɛdi na e daŋ to mo nna nɛ e du fanɛ mo Ebɔrɛ gbagba.

Nshɛ 132:11

Fo e daŋ bɔ ntaŋ n nase kɔnɔ n sa mo; kumo alɛ la kɔnɔ naseso nɛ feeŋ wora m bɔlɔ so nna. Fo yɛ: “Jemanɛ kikɛ meeŋ shin nɛ fo kaman to ebi e baa ji kuwura.

Nshɛ 89:3

Fo yɛ: “Ma nɛ esa nɛ n lara na wora kɔnɔkoŋwule be ŋkre nna. Ma alɛ nase kɔnɔ nna n sa ma kayɛrbi Deevid fanɛ

Nshɛ 89:36

Mbe kanaŋ to ebi e naaŋ baa ji kuwura jemanɛ kikɛ. Kananɛ epeŋi nɛ kufɔl baa lar awɔlpa so ere, aloŋ nɛ mbe kuwurji gba beeŋ baa wɔtɔ mbaanaayɔ.

Aizaaya 11:1

Kananɛ keyimu bee purge afantaŋ popɔr nɛ a bee daŋ a ki kedibi na, aloŋ nɛ esa ko beeŋ shi ewura Deevid be kanaŋ to m ba ki ewura kachako so.

Aizaaya 53:8

B daŋ pɛ mo nseŋ ji mo demu nɛ k maŋ niŋi. Kumo be kaman nɛ b kaŋɛ fanɛ e daga b mɔ mo; mbe asheŋ malɛ daa maŋ tir esa kikɛ. B daŋ mɔ mo nna ŋkpal anyi be basa be asheŋ lubi so.

Jɛremaya 23:5

Nɛ Enyɛnpe Ebɔrɛ na naŋ kaŋɛ le: “Kachako bee ba nɛ n lara ewura nɛ e niŋi nseŋ shi Ewura Deevid be kanaŋ to. Loŋ be ewura na beeŋ ta kanyiasheŋ n ji kuwura, nseŋ wora asheŋ niŋiso ashi ekpa nɛ k daga so ashi kasawule na kikɛ so.

Jɛremaya 33:26

Aloŋ nɛ meeŋ bɛ kɔnɔ nɛ n nase n sa Jeekɔb be kaman to ebi nɛ ma kenya Deevid na so. Meeŋ lara ewura Deevid be kaman to be esa nɛ e ji kuwura ashi an nananyɛnana Eebraham nɛ Aizek nɛ Jeekɔb be mman to ebi so. Ma alɛ beeŋ wu ma basa kuwɔr nseŋ shin nɛ b naŋ nya asɔ nseŋ dii kedama.”

Eemɔs 9:11

Enyɛnpe Ebɔrɛ yɛ: “Kachako bee ba nɛ n naŋ lɔŋɛ Deevid be kuwurji nɛ k ki fanɛ kelambure na m pɔr n yili nɛnɛ. Meeŋ naŋ lɔŋɛ kumo be egbalana m pɔr fanɛ kananɛ k daa du dra na.

Zakareya 12:8

Loŋ be jemanɛ na, ma Enyɛnpe Ebɔrɛ na e naaŋ baa kuŋ bekama nɛ b wɔ Jerusalɛm to, nseŋ shin nɛ bumo to be bepɔshipo gba e baa kɔ eleŋ fanɛ ewura Deevid. Ewura Deevid be kamanebi beeŋ baa juŋkpar bumo fanɛ Ebɔrɛ be malaika gbagba na.

Matiu 1:18

Kananɛ b kurge Yesu Kristo nde. B daŋ yili kumo nna fanɛ Yesu mo nio Mɛɛri nɛ Josɛf e kil, ama pɔɛŋ nɛ b ta abar, b wu fanɛ Kiyoyu Cheeŋ na shin nɛ Mɛɛri di kedampo.

Matiu 1:2

Eebraham pibi e daa la Aizek nɛ Aizek pibi daa la Jeekɔb nɛ Jeekɔb malɛ be mbia daa la Juda nɛ mo daana nɛ mo sipoana.

Matiu 15:22

Ndoŋ nɛ Keenan be efuli so be kache ko nɛ e daa tase efuli na so na ba boŋ to n tre Yesu ŋ kaŋɛ mo le: “Enyɛnpe, Ewura Deevid mo Nanabi, wu ma kuwɔr. M pibiche e kɔ kiyoyu lubi mo to nɛ k bee tɔrɔ mo ga.”

Matiu 3:16

Jɔn ka bɛr Yesu kabɔrɛbɛr na n loge epul na to nɛ Yesu lar nchu na to. Ndoŋ nna nɛ esoso bugi nɛ e wu Ebɔrɛ be Kiyoyu ka bee gbelge a ba mo so fanɛ lepɔ na.

Matiu 9:27

K maŋ chɛr ko nɛ Yesu lar ndoŋ a yɔ nɛ betanpo anyɔ ko ta m bɛ mo so a boŋ to a tre mo a kaŋɛ: “Ewura Deevid mo nanabi, wu anyi kuwɔr!”

Luuk 1:33

E beeŋ ba ki Jeekɔb be kanaŋ to be Ewura mbaanaayɔ. Mbe kuwura maaŋ loge kikɛ.”

Baru lela nɛ Jɔn kute na 7:42

Abɔrɛsibɛ na bee kaŋɛ fanɛ Ewura Deevid be kanaŋ to nɛ Mesaya na beeŋ shi nɛ b kurge mo ashi Bɛtlɛhɛm, kade nɛ Ewura Deevid daŋ shi na.”

Ashuŋ Shunso 2:30

E daa la anebi nna a nyi Ebɔrɛ be kɔnɔ nɛ e nase n sa mo fanɛ e beeŋ shin nɛ mo ere Deevid be kanaŋ to ebi be eko e ki ewura fanɛ Deevid gbagba.

Romebi 1:3

fanɛ baru lela na beeŋ ba kaa kute mo Pibinyɛn, an Nyɛnpe Yesu Kristo nɛ nyiŋgbasa be kaplɛa so nɛ e shi Ewura Deevid be kanaŋ to na be asheŋ.

Romebi 4:13

Ebɔrɛ daŋ nase kɔnɔ nna n sa Eebraham nɛ mbe kaman to ebi fanɛ baaŋ nya durnya ere. Mannɛ Eebraham ka daa bɛ mbra na so so nɛ Ebɔrɛ nase kɔnɔ na, e ka daŋ yirda Ebɔrɛ nɛ e nase kumo fanɛ e la elelapo na so nɛ e daŋ wora loŋ.

Romebi 9:5

B shi benananyɛngboŋana na be kanaŋ to nna. Dimɛdi malɛ be kaplɛa so Kristo na shi bumo to nna. Epaŋ be kedi e baa la Ebɔrɛ nɛ e chɔ kusɔ kama kuwura na peya. Amɛn.

Galeeshaebi 3:16

Eebraham nɛ mbe kamanto be esa nɛ Ebɔrɛ daŋ nase nnɔ na n sa. Abɔrɛsibɛ na maa kaŋɛ fanɛ fo Eebraham nɛ fo kaman to ebi, kumo e la fanɛ, a ber bumo fanɛ basa damta. Abɔrɛsibɛ na yɛ: “Nɛ fo kamanto be esa”, a ŋini fanɛ esa koŋwule nɛ Ebɔrɛ de na. Mo e la Kristo na.

1 Timoti 2:5

Ŋkpal manɛ so, Ebɔrɛ koŋwule nɛ enyiŋgbasa nɛ Ebɔrɛ be nferinto be ematapo koŋwule nɛ baa tre Kristo Yesu Nyiŋgbasa na nawule e wɔtɔ.

2 Timoti 2:8

Baa nyiŋi baru lela nɛ ŋ kɔ a malga fanɛ Kristo Yesu nɛ e shi Ewura Deevid be kanaŋ to wu n tiŋi na.

Kelaraŋŋini 22:16

Ma Yesu e shuŋi ma malaika nɛ e ba ta le be shɛda be kubɔya ere m bɔ n sa asɔriana na. N la Ewura Deevid be kanaŋ to be Ejuŋkparpo nna nseŋ naa la mo Nanabi nɛ kachipurso be Nyanwuleji fuliso parr nna.”