Malakai 4:2 - EBƆRƐ BE KAWƆL

² Ama menyi bekama nɛ men yirda ma na bre, ma kumɔlga na beeŋ ba menyi so fanɛ kananɛ epeŋi bee nyaŋɛ a sa basa alenfia na. Menyeeŋ nya men be amu nɛ men be ŋgbene malɛ e fuli menyi fanɛ b ka fiŋi kuluu nɛ anabi lar a tɛto a yɔ keji to na.

Malakai 4:2 ပူးပေါင်းရင်းမြစ်များ

2 Samuɛl 23:4

du nna fanɛ bɔrɛ ka maŋ mɔl nɛ epeŋi nyaŋɛ chipurso nɛ kakpa kikɛ wora parr nna. Loŋ be epeŋi e naa nyaŋɛ a shin nɛ afitiri bee nyɛkpɛso chipurso na.”

Nshɛ 103:3

Enyɛnpe Ebɔrɛ na e naa ta anyi be alubi a paŋ anyi. Mo alɛ e naa chɛ anyi be alɔana kikɛ,

Nshɛ 147:3

Mo e naa ti kagbenejijawuraana kagbene nsaa chɛ bumo be alɔana.

Nshɛ 61:5

Enyɛnpe Ebɔrɛ, fo nu ma kɔnɔ naseso na nseŋ nɛfa ma fanɛ kananɛ fo nɛfa bumo nɛ baa bunyaŋ fo na.

Nshɛ 67:1

Anyi be Ebɔrɛ, wu anyi kuwɔr, n shin nɛ fo kagbene e fuli anyi so, nɛ fo wora anyi kelela nseŋ nɛfa anyi;

Nshɛ 84:11

Ŋkpal manɛ so, Enyɛnpe Ebɔrɛ na du fanɛ epeŋi nɛ kebɛlso be kusɔ kuŋso nna. Mo e naa wu kuwɔr nsaa ta bunyaŋ a buu esa so, mo alɛ maa ta kusɔ lela a ŋana basa niŋiso so.

Nshɛ 85:9

Kashenteŋto e wora shiriya nɛ e mɔlga bekama nɛ baa ŋana mo na nna; saŋɛ na so mo gbagba be kemaŋkura beeŋ baa wɔ anyi be kasawule so.

Aŋasa 4:18

Ama ekpa nɛ belelaworapo bɔ so na bre du nna fanɛ karechɛ so be epeŋi na. K bee fulto nna a ti so hale nɛ kare e ya chɛ nɛ kaboŋ e fulto parr.

Aizaaya 30:26

Kufɔl beeŋ fuli to parr fanɛ epeŋi nɛ epeŋi malɛ e fuli to ale ashunu so n ti so, a du fanɛ nchɛnshunu be kefulto na. Kachɛ nɛ Enyɛnpe Ebɔrɛ na beeŋ fɔr nseŋ kre mbe basa be achuu nseŋ chɛ bumo be alɔana na nɛ le beeŋ wora.

Aizaaya 35:6

Ebobi beeŋ nya aya a tɛ to a cha, nɛ eneemu a nya nnɔ a boŋ to kagbenefuliso Mbombi beeŋ fara a shile kiyi to;

Aizaaya 49:6

Kede be kaman, nɛ Enyɛnpe Ebɔrɛ naŋ kaŋɛ ma le: “Ma kenya, ŋ kɔ kushuŋgboŋ ko a sa fo. Mannɛ ma basa, Israɛlebi nɛ b ji efute na be kebɛta m ba bumo be eyilikpagboŋ na be kushuŋ nawule nɛ feeŋ shuŋ. Meeŋ shin nɛ efuli pɔtɛana so be basa e bɔla fo so m ba pin ma, saŋɛ na so meeŋ mɔlga bumo alɛ gba.”

Aizaaya 50:10

Asheŋ beeŋ tiŋ ŋ ki kpakpa n sa menyi nɛ menyee bunyaŋ Enyɛnpe Ebɔrɛ nsaa wora mbe kenya kasonu na. Ama men yirda Enyɛnpe Ebɔrɛ n ta menyi be amu n to mo so.

Aizaaya 53:5

Anyi ere be asheŋ lubi so nɛ b beri mo nɛ e doro. Kasogberge nɛ e nya na so nɛ an nya kayurwushi nɛ mbe edoro na malɛ shin nɛ an nya kechɛ.

Aizaaya 9:2

Basa nɛ baa nite tentembiri to na wu kefultogboŋ ko. Kumo e la kebaanyi Ebɔrɛ na. Kefultogboŋ na lar nna n fulto n yuu ekama nɛ e wɔ kasawule nɛ k la luwu be tentembiri mina na so so.

Jɛremaya 17:14

Enyɛnpe Ebɔrɛ, chɛ ma to nɛ n nya alenfia. Mɔlga ma nɛ n nya ma kumu kashenteŋto. Ŋkpal manɛ so, fo nawule nɛ mee kpaŋ!

Jɛremaya 30:17

Ekama maŋ naa sha fanɛ men ba la mo teri ŋko ekama be shɛŋ maaŋ naa wɔ kusɔ nɛ k wora menyi to. Ama meeŋ chɛ menyi be edoro nɛ men nya eyur be alenfia. Ma, Enyɛnpe Ebɔrɛ e kaŋɛ na.”

Jɛremaya 33:6

Kumo be kaman nɛ n naŋ shin nɛ asheŋ e naŋ nyalɛ nsaa nite nɛnɛ ashi kadegboŋ na to kachako n sa ma basa. Saŋɛ na so baaŋ baa wɔ kayurwushi to mbaanaayɔ.

Ezikɛl 47:12

Ndibi be yiri yiri beeŋ kɔr a yil kabombi na be kaba kama so a sa kusɔ jiso. Amo be afantaŋ maa ba nɛ aba bolo, amo alɛ maaŋ yige kebaasɔr kikɛ. Kufɔl kikɛ a beeŋ baa kɔ asɔrso popɔr, ŋkpal manɛ so a bee nya nchu nɛ a bee shi bɔrɛlambu na to nna. Ndibi na be asɔrso beeŋ baa la ajibi nɛ amo be afantaŋ malɛ e baa chɛ basa alɔ.” Kasawule na be Egbaŋ ana be asheŋ

Hoziya 6:1

Le nɛ basa na daa kaŋɛ: “Men shin nɛ an bɛta n yɔ Enyɛnpe Ebɔrɛ kutɔ! E doro anyi ga ama mo alɛ beeŋ chɛ anyi. E doro anyi ama mo alɛ beeŋ kre anyi be atamɛ, ŋko e maaŋ wora loŋ?

Hoziya 6:3

Men shin nɛ an wora ania m pin Enyɛnpe Ebɔrɛ na. K baa la kashenteŋ nna geeŋ fanɛ e beeŋ ba. Mbe keba na beeŋ baa du fanɛ kananɛ epeŋi bee pete nna, ŋko kananɛ dɔchubɔrɛ so be bɔrɛ bee ba a wushi kasawule na nna.”

Malakai 3:16

Ndoŋ nna nɛ bekama nɛ baa ŋana Enyɛnpe Ebɔrɛ na bee malga kumo be asheŋ nɛ Enyɛnpe na nu kusɔ nɛ b kaŋɛ na kikɛ nseŋ shin nɛ b sibɛ bumo nɛ baa ŋana mo nsaa sa mo bunyaŋ na be atre n wɔtɔ kawɔl to n nase kanyiŋi so.

Matiu 11:5

Mee shin nɛ betanpo bee wu nɛ ebobi bee nite nɛ bebotipo bee nyalɛ so nɛ ekpawu bee nu nɛ bubuni bee tiŋi luwu to nɛ bebɔlpo malɛ bee nya a nu baru lela na be asheŋ.

Matiu 23:37

O Jerusalɛmebi, Jerusalɛmebi, menyi e naa mɔ anebiana na nsaa kpa bumo nɛ Ebɔrɛ shuŋi menyi kutɔ na ajembu a mɔ. Ela afanɛ nɛ n wora ania nɛ n chala menyi abar so fanɛ kananɛ koshi bee koli mbe mbia a wɔtɔ mbe atɛ to na, ama men kini.

Luuk 1:50

Mbe ketre e du cheeŋ. Bekama nɛ baa ŋana mo nɛ e bee wu kuwɔr ashi enananyɛn koŋwule be jemanɛ n ya fo enananyɛn ko malɛ be jemanɛ.

Luuk 1:78

An be Ebɔrɛ la kuwɔrwupowura a du cheembi nna,

Luuk 2:32

Kumɔlga na e la kefulto nɛ k bee sa fo basa Israɛlebi kemaŋkura nsaa ŋini nnyamase fo ekpa na.”

Baru lela nɛ Jɔn kute na 1:14

Esa nɛ baa tre Kamalga na daŋ ki dimɛdi nna m ba kaa wɔ anyi to. An wu mbe kemaŋkura nɛ kuwɔr be kakɛ nɛ kashenteŋ bɔlɔ kemaŋkura na to. Le be kemaŋkura ere la mo peya nna ŋkpal e ka la Ebɔrɛ Pibinyɛn koŋwule na so.

Baru lela nɛ Jɔn kute na 1:4

Kamalga na to nɛ ŋkpa kikɛ shi nɛ le be ŋkpa ere malɛ bar kefulto basa to.

Baru lela nɛ Jɔn kute na 1:8

Mannɛ mo gbagba e daa la kefulto na, e daŋ ba nna nɛ e ba ji kefulto na be shɛda.

Baru lela nɛ Jɔn kute na 12:40

“N tan bumo be anishiana nseŋ ti bumo be ŋgbeneana, nɛ mannɛ aloŋ, bumo be anishiana beeŋ bugi asheŋ be kewuto nɛ bumo be ŋgbene e bugi asheŋ be kepinto nɛ b ba ma kutɔ nɛ n lara bumo ashi bumo be kebaawɔtɔ na to n sa bumo kebaawɔtɔ popɔr.”

Baru lela nɛ Jɔn kute na 8:12

Yesu ka naŋ ya malga basa na kutɔ nɛ e kaŋɛ bumo le: “Ma e la durnya be kefulto. Esa kama nɛ e bɛ ma so maaŋ nite tentembiri to kikɛ, ama e beeŋ baa kɔ kefulto nɛ k bee sa ŋkpa.”

Baru lela nɛ Jɔn kute na 9:4

Kefulto ka kraa wɔtɔ ere bre, a daga fanɛ an baa shuŋ esa nɛ e shuŋi ma na be ashuŋ. Kanyɛ bee biri a ba, kumo alɛ baŋ ba, esa maaŋ naŋ tiŋ n shuŋ shɛŋ.

Ashuŋ Shunso 13:26

Ŋ kurgepoana, Eebraham mo nanabiana nɛ menyi nɛ men la nnyamase a wɔ nfe a bunyaŋ Ebɔrɛ ere kikɛ, anyi kikɛ nɛ b ta le be kumɔlga be kubɔya ere n sa.

Ashuŋ Shunso 13:47

Ŋkpal manɛ so, le be mbra nɛ Enyɛnpe sa anyi: ‘Fo nɛ n lara nɛ fo baa la kefulto a sa nnyamase. Fo so nɛ Ebɔrɛ beeŋ bɔla m mɔlga durnya kikɛ.’ ”

Ashuŋ Shunso 26:18

Ya bugi bumo be anishi n shin nɛ b lar bumo be tentembiri na to m ba kefulto to. Shin nɛ b lar Setani be eleŋ to m ba Ebɔrɛ peya to n shin nɛ b yirda ma nɛ n ta bumo be alubi m paŋ bumo nɛ b nya bumo be kakpa ashi Ebɔrɛ be basa laraso na to.’

2 Tɛsalɔnikaebi 1:3

Bekurgepoana, a daga an ka bee chɔrɔ Ebɔrɛ saŋkama ŋkpal menyi so. An kɔ ekpa nɛ an chɔrɔ mo ŋkpal kananɛ men be yirda bee wora keshi a ti so so. Kananɛ men be ekama bee sha mo braana na gba bee ti so.

2 Pita 1:19

Amoso, anyee yirda asheŋ nɛ anebiana wu ŋ kaŋɛ ana an be ŋgbene to a ti so. Nɛ men baa bɛ amo so fanɛ fitila ka bee sa kefulto tentembiri be kakpa to na, menyeeŋ baa wora asɔ. Men baa kɔ to loŋ hale nɛ kachɛ na e ya kaa fo nɛ karechɛso be kechɛkpabi na e ya nyaŋɛ kefulto n wɔtɔ men be ŋgbene to.

2 Pita 3:18

Ama men baa wɔtɔ a yɔ anishito ashi an Nyɛnpe nɛ an be Emɔlgapo Yesu Kristo be kuwɔr be kakɛ na nɛ kashennyi na to. Kemaŋkura e baa la mo peya naniere nɛ saŋkikɛ mbaanaayɔ. Amɛn.

1 Jɔn 2:8

Ama kamalga naseso mo nɛ mee sibɛ a sa menyi ere malɛ du fanɛ kepopɔr nna. Menyi nɛ Kristo be kebaawɔtɔ malɛ to nɛ baa wu kumo be loŋ be kashenteŋ na, ŋkpal manɛ so, tentembiri na bee choŋ nna nɛ kashenteŋ be kefulto na tea fuli to.

Kelaraŋŋini 11:18

Efuli so ebi daŋ nya agbo nna, ama fo agbo be saŋɛ nɛ baaŋ ji bubuni demu na fo, saŋɛ nɛ feeŋ ka fo anya kukɔ, fo anebiana nɛ fo basa kikɛ, bekama nɛ baa ŋana fo ketre, bewurbi nɛ begboŋi nyam be saŋɛ na fo. Saŋɛ na fo nɛ fo mur basa nɛ baa jija kasawule ere na.”

Kelaraŋŋini 2:28

Ma alɛ beeŋ naŋ sa amodoŋwura karechɛso be kechɛkpabi na.

Kelaraŋŋini 22:16

Ma Yesu e shuŋi ma malaika nɛ e ba ta le be shɛda be kubɔya ere m bɔ n sa asɔriana na. N la Ewura Deevid be kanaŋ to be Ejuŋkparpo nna nseŋ naa la mo Nanabi nɛ kachipurso be Nyanwuleji fuliso parr nna.”

Kelaraŋŋini 22:2

a shile a bɔla kadegboŋ na be kubɔrbi be nferinto so. Ŋkpa be kedibi daa yil lɔr na be kaba kama so nna a sɔr kumo be asɔrso ale kuduanyɔ, kumo e la fanɛ kufɔl kikɛ to nɛ kumo be asɔrso. Kedibi na be afantaŋ e la efuliana be kechɛ be asɔ.

Ruf be kawɔl 2:12

Enyɛnpe Ebɔrɛ na beeŋ nɛfa fo ŋkpal asɔ nɛ fo wora na kikɛ so. Enyɛnpe Israɛl be Ebɔrɛ nɛ fo ta fo kumu m ba kaa bɔɔ enɔ fanɛ e keni so ere, e nɛfa fo ga.”