Malakai 3:8 - EBƆRƐ BE KAWƆL

⁸ Kusɔ nɛ mee bishi menyi e la fanɛ, k daga dimɛdi ka bee yuri Ebɔrɛ a? Ayai, loŋ maŋ daga, ama menyi alɛ bee yuri ma. Men yɛ: ‘Nuso nɛ anyee yuri fo?’ Menyi be esarga nɛ men be kudukudusopo nɛ a la meya na to nɛ menyee yuri ma.

Malakai 3:8 ပူးပေါင်းရင်းမြစ်များ

Nshɛ 29:2

Men di mbe ketre nɛ k kɔ kemaŋkura na epaŋ; nseŋ bunyaŋ mo ŋkpal e ka du cheembi nsaa kɔ kemaŋkura so.

Aŋasa 11:24

Kakɛ maa loge asɔ. Beko bee kɛ ga, bumo alɛ nsaa dii dama saŋkikɛ, nɛ beko malɛ kɔ miri ga nsaa la betirpo saŋkikɛ.

Aizaaya 43:23

Menyi maŋ ta mbolpɔ n lara esarga chɔɔso n sa ma, ŋko n ta menyi be esarga m bunyaŋ ma. Ma alɛ maŋ yili menyi so a fin ayu be esarga ŋko efɛa belbelso be eduwu be esarga n shin nɛ ebɔl e lar menyi.

Levitikɔs 19:25

Ama menyeeŋ tiŋ n ji kafɛ nusopo na to be asɔrso na. Nɛ men wora ade kikɛ bre, men be ndibi sɔrso beeŋ baa sɔr nɛnɛ ga. Ma e la Enyɛnpe, men be Ebɔrɛ na.

Zakareya 5:3

Ndoŋ nna nɛ malaika na kaŋɛ ma: “B sibɛ kɔnɔsho nɛ k beeŋ ba durnya be kasawule so kikɛ nna n wɔtɔ kumo to. Kawɔl sibɛso na be kaba ko so bee kute kananɛ baaŋ lara eyu kikɛ ashi kasawule so nna, nɛ kaba nyɔsopo malɛ bee kute kananɛ baaŋ ju esa kama nɛ e bee bɔ ntaŋ a ku efɛ be asheŋ nna.

Malakai 1:13

Kumo be kaman le nɛ men kraa kaŋɛ: ‘Ebɔl lar anyi ere nna.’ Men wɔtɔ gba nna a kpa mmuna to a wɔtɔ ma. Kayu be asɔbɔya nɛ asɔbɔya nɛ b la ebobi nɛ asɔbɔya nɛ baa lɔ nɛ men ta a lara sarga a sa ma. Men fɛ fanɛ meeŋ shuli n sɔ amo nna a?

Malakai 1:8

Men ka bee ta asɔbɔya nɛ b tan ŋko asɔbɔya nɛ baa lɔ ŋko bumo nɛ bumo be ayaana wu a lara sarga a sa ma na, men fɛ fanɛ loŋ walɛ a? Men ta loŋ be asɔbɔya n ya sa men be gomena e beeŋ kini amo, mo alɛ maaŋ chɛ menyi to.”

Matiu 22:21

Nɛ basa na kaŋɛ: “Ewurgboŋ Siza peya.” Nɛ Yesu kaŋɛ bumo: “To, kumo ere, men baa ta asɔ nɛ a la Ewurgboŋ Siza peya a sa mo nsaa ta Ebɔrɛ malɛ peya a sa mo.”

Maak 12:17

Nɛ Yesu kaŋɛ bumo: “To, kumo ere men baa ta asɔ nɛ a la Ewurgboŋ Siza peya a sa mo nsaa ta Ebɔrɛ malɛ peya a sa mo.” B ka nu loŋ nɛ k chinchiŋ bumo ga.

Luuk 20:25

Nɛ Yesu kaŋɛ bumo: “To, kumo ere, men baa ta asɔ nɛ a la Ewurgboŋ Siza peya a sa mo nsaa ta Ebɔrɛ malɛ peya a sa mo.”

Romebi 13:7

Amoso, men baa ka akɔ kama nɛ men ji bumo. Nɛ k la fanɛ menyi be amu so be lampo nna, men ka, nɛ kumo alɛ naa la fanɛ menyi be asɔ be lampo nna, men ka amo alɛ gba be kukɔ. Nɛ k naa la fanɛ bunyaŋ nna, men jɔŋɛ bumo ase m bunyaŋ bumo.

Romebi 2:22

Fo koŋwule na e naa kaŋɛ basa fanɛ b sa maa di bumo braana be beche ŋko a shin nɛ bumo braana be bekul e baa di bumo, fo alɛ nsaa wora loŋ a? Fo kishi agbir, fo alɛ nsaa yuri asɔ ashi amo be ebuana to.

Joshuwa 7:11

Israɛlebi wora kulubi nna! B kini kebɛ mbra nɛ n yili n sa bumo na so, nseŋ ta asɔ nɛ ŋ kaŋɛ fanɛ b mur kikɛ na be ako. B yuri nseŋ ku efɛ nseŋ ta asɔ na n wea bumo gbagba be asɔ to.