Malakai 3:7 - EBƆRƐ BE KAWƆL

⁷ Men nananyɛnana be jemanɛ so kikɛ nɛ men kplaŋ ma mbra so hale kabre. Men bɛta m ba ŋ kutɔ nɛ ma alɛ gba e bɛta m ba menyi kutɔ. Ama kusɔ nɛ menyee bishi e la fanɛ, ‘Nuso nɛ anyeeŋ wora m ba fo kutɔ?’

Malakai 3:7 ပူးပေါင်းရင်းမြစ်များ

Nehemaya 9:26

Ade kikɛ be kaman b kraŋ lar fo kaman nseŋ kini kewora fo mbra kasonu. B daŋ mɔ fo anebiana nɛ b daŋ kpele bumo kusoe fanɛ b bɛta m ba fo kutɔ na nna. Kumo be kaman nɛ b shoduu fo ketre.

Aizaaya 65:2

Jemanɛ kikɛ ma ere wora shiriya nɛ n sɔ ma basa kpeŋso nɛ b sɔ bumo gbagba be ekpa a wɔtɔ a wora asheŋ lubi na nna.

Jɛremaya 16:11

Saŋɛ na so feeŋ kaŋɛ bumo fanɛ Enyɛnpe Ebɔrɛ na kaŋɛ. E yɛ: ‘Men nananyɛnana daŋ lar ma kaman nna nseŋ ya kaa shuŋ nsaa bunyaŋ agbir pɔtɛana. B daŋ kini ma n lɛ nsaa maŋ naa bɛ ma mbraana so. Bumo alɛ daa maŋ naa wora ma keŋini kasonu.

Jɛremaya 16:12

Ama menyi ere wora asheŋ lubi nɛ a chɔ men nananyɛnana peya. Menyi kikɛ be ŋgbene du kpakpa nna nseŋ lubi. Menyi alɛ maa nu a sa ma.

Jɛremaya 3:22

Menyi nɛ men shile Enyɛnpe Ebɔrɛ na e bɛta m ba nɛ e shin nɛ men naŋ nya kashenteŋji be kebaawɔtɔ. Le nɛ menyee kaŋɛ: “Mm, anyee ba Enyɛnpe Ebɔrɛ na kutɔ nna ŋkpal e ka la anyi be Ebɔrɛ so.

Jɛremaya 7:25

Yili jemanɛ nɛ men nananyɛnana lar Ijipt be efuli so m ba fo kabre, ŋ kraa shuŋi anebiana nɛ b la ma mbɔ men kutɔ nna.

Jɛremaya 7:26

Amo nɛ amo kikɛ men to be esa kikɛ m maa nu a sa ma. Menyi be ŋgbene bee wora kpakpa nna a ti so nɛ menyee kini ma nsaa lar ma kaman gba a chɔ men nananyɛnana na.

Ezikɛl 2:3

“Dimɛdi pibi, mee shuŋi fo Israɛl be basa kutɔ nna. Ŋkpal manɛ so, kananɛ bumo tutoana kikɛ daŋ pal kaman n sa ma nseŋ kini kenu n sa ma na nɛ bumo alɛ gba bee wora hale nɛ mbre na.

Ezikɛl 20:13

Ama Israɛl be basa na lar ma kaman keshishɛrsawule na so ndoŋ, nseŋ kini kebɛ ma mbraana nɛ keŋini nɛ a bee shin nɛ esa bee bii kebaawɔtɔ lela na so. Bumo alɛ nseŋ keni ma Kewushiachɛ na jiga. Amoso nɛ n daŋ kaŋɛ fanɛ meeŋ shin nɛ ma agbo e ba bumo so nɛ m mur bumo ashi keshishɛrsawule na so na.

Ezikɛl 20:21

Ama ashi keshishɛrsawule na so ndoŋ, mbia na gba lar ma kaman nseŋ kini kebɛ ma mbraana nɛ ma keŋini so. Bumo alɛ gba naŋ keni ma Kewushiachɛ na jiga nna. Amoso nɛn daŋ kaŋɛ fanɛ meeŋ shin nɛ ma agbo e ba bumo so ashi kiyi na to ndoŋ.

Ezikɛl 20:28

Jemanɛ nɛ m bar men tutoana kasawule nɛ n nase kɔnɔ fanɛ meeŋ sa bumo na so n loge na, nɛ b baa wu agoŋgulombi nɛ ndibigboŋ nɛ a kɔ afantaŋ nseŋ ta amo ŋ ki bumo be agbirshuŋkpaana nsaa wɔtɔ a lara esarga amo ase a sa bumo be agbirana. B daa chɔɔ eduwu nna nsaa duga nsa a wurge agbirana na nɛ kumo be loŋ daa nu ma agbo nsaa kaa ma kagbene.

Ezikɛl 20:8

Ama b pal kaman n sa ma nseŋ kini kenu n sa ma. B daŋ maŋ lara asɔ nɛ b ta ŋ ki agbirana ashuŋ nseŋ ta bumo be anishi n yuu amo so na ashi bumo to. Bumo alɛ daa maŋ naŋ kini Ijipt be efuli so be agbirana na gba. Amoso nɛ n daŋ kaŋɛ fanɛ meeŋ shin nɛ ma agbo a ba bumo so nɛ ŋ gberge bumo kusoe ashi Ijipt ndoŋ na.

Hoziya 14:1

Israɛl be basa, men bɛta m ba men Nyɛnpe nɛ men be Ebɔrɛ kutɔ. Men be kulubi e shin nɛ men fiti n tɔr na.

Malakai 1:6

Le nɛ Enyɛnpe Ebɔrɛ daŋ kaŋɛ bɔrɛmatapoana na: “Kebia bee bunyaŋ mo tuto nna nɛ kayɛrbi malɛ bee sa mo nyɛnpe bunyaŋ. N la men tuto nna, nɛ manɛ e ba nɛ menyi maa bunyaŋ ma? N la men nyɛnpe nna, nɛ manɛ e ba nɛ menyi maa sa ma bunyaŋ? Men keni ma jiga, ama menyi alɛ kraa bishi fanɛ nuso nɛ an keni fo jiga?

Malakai 3:13

Enyɛnpe na yɛ, “Men ku asheŋ lubi damta n deŋi ma, ama le nɛ menyee bishi, ‘Manɛ be asheŋ nɛ an ku n deŋi fo?’

Matiu 23:27

Mbraŋinipoana nɛ Efarisiana, asheŋ maaŋ nyalɛ n sa menyi kikɛ, kebirkɔnshiwuraana ere. Men du fanɛ nchaŋana nɛ b ta asɔ fuful n nyɔɔ amo be esoso nɛ a walɛ so kowu nɛ amo be epun to bre bɔlɔ bubuni be awibi n lubi so na nna.

Luuk 15:16

Ndoŋ nna nɛ akoŋ pɛ kebia na loŋ hale nɛ e ya kaa yɛlga keji asɔrso be afɔfɔ nɛ epreku na daa ji na, ama esa kama maŋ sa mo amo.

Romebi 10:21

Le nɛ e kaŋɛ fanɛ Ebɔrɛ kaŋɛ Israɛlebi malɛ be asheŋ: “M bugi enɔ to nna saŋkikɛ nɛ n sɔ menyi, nɛ menyi be asoe maa nu asheŋ nɛ men wɔtɔ a ji ma eleŋ emɔrɔ na.”

Romebi 10:3

Ŋkpal manɛ so, b maa pin ekpa nɛ Ebɔrɛ bee sha fanɛ b bɔla so na to nɛ bumo nɛ mo e nyalɛ nsaa wɔtɔ a bɔla bumo gbagba be aworbi be ekpaana so. Loŋ malɛ e naa ŋini fanɛ b maŋ ta bumo be amu m bɔɔ Ebɔrɛ enɔ nɛ e shin nɛ mo nɛ bumo e nyalɛ.

Romebi 7:9

Ŋ gbagba daa wɔ ŋkpa to nna a maŋ nyi mbra saŋko, ama ŋ ka ba pin ntaŋ na nɛ alubi malɛ nya ŋkpa ma to

Ditɛronɔmi 31:20

Ma alɛ beeŋ keta bumo n yɔ kasawule nɛ k kɔ eleŋ a wora adɔjibi nɛnɛ na so fanɛ kananɛ n nase kumo be kɔnɔ n sa bumo nananyɛnana na. Baaŋ ya nya kusɔ kama nɛ baa sha n ji ndoŋ. Ama b kaŋ ya nya n ji n daŋ, baaŋ lar ma kaman n ya kaa shuŋ agbirana n jija ma nɛ bumo be kɔnɔkoŋwule be ŋkre na.

Jeems 4:8

Men firgi n taga to Ebɔrɛ nɛ e firgi n taga to menyi. Alubiworapoana nɛ nfɛraanyɔnyɔwuraana ere, men lara men be enɔana nɛ ŋgbene ashi alubi be kewora to.