Malakai 3:6 - EBƆRƐ BE KAWƆL

⁶ Ma e la Enyɛnpe Ebɔrɛ nɛ maa chɛrga kikɛ na. Amoso menyi nɛ men la Jeekɔb be kaman to ebi na maaŋ mur cheche.

Malakai 3:6 ပူးပေါင်းရင်းမြစ်များ

Jɛnesis 15:18

To, kumo be kachɛ na nɛ Enyɛnpe nɛ Eebram wora kɔnɔkoŋwule be ŋkre nɛ Enyɛnpe kaŋɛ mo: “Kɔnɔ nɛ mee nase a sa fo e la fanɛ meeŋ ta kasawule nɛ k yili lɔr nɛ k wɔ Ijipt be kasawule be ekar n ya fo lɔrgboŋ nɛ baa tre Yufreetes na kikɛ n sa fo kaman to ebi,

Jɛnesis 15:7

Kede be kaman nɛ Enyɛnpe Ebɔrɛ na naŋ kaŋɛ mo le: “Ma e la Enyɛnpetale Ebɔrɛ nɛ e lara fo ashi Ur nɛ k wɔ Babilɔn be efuli so na nsaa shin nɛ n ta kasawule ere n sa fo nɛ k baa la feya.”

Jɛnesis 22:16

Enyɛnpe yɛ: “M bɔ ŋ gbagba be kumu fanɛ ŋkpal fo ka maŋ mɔn ma fo pibinyɛn koŋwule Aizek nseŋ daa shin nɛ fo ta mo n lara sarga n sa ma so so,

Nshɛ 102:26

Amo kikɛ beeŋ choŋ fanɛ asɔbuuso ka wu na. Fee chɛrga amo nna fanɛ esa ka bee chɛrga mbe asɔbuuso dra nsaa kini amo na.

Nshɛ 102:27

Ama fo ere maa chɛrga kikɛ; fo alɛ maa bel kikɛ.

Nshɛ 102:28

Basa nɛ baa shuŋ fo be mbia beeŋ baa wɔ fo kutɔ, nɛ fo baa kuŋ bumo nɛ bumo be kaman to ebi kikɛ.”

Nshɛ 103:17

Enyɛnpe Ebɔrɛ na bee lara mbe kasha nɛ k maa chɛrga na a ŋini bekama nɛ baa bunyaŋ mo mbaanaayɔ nna; mo alɛ nsaa wora a bɔlɔ mbe nnɔ naseso so a sa bumo be kaman to ebi

Nshɛ 78:38

Ama Ebɔrɛ kraa wu mbe basa kuwɔr. E daŋ ta bumo be alubi m paŋ bumo nna, nsaa maŋ mur bumo. Ale damta nɛ e pɛ mbe kagbene, a maŋ shin nɛ mbe agbo koso bumo so alegaiso.

Nshɛ 78:57

B daa du fanɛ bumo nanaana nɛ b daa maa ji kashenteŋ nseŋ paŋ yirda na nna. Bumo alɛ daa du fanɛ ketanyembi kɔnto nɛ esa maaŋ tiŋ n fute n yige kumo so nna.

Aizaaya 41:13

Ma e la Enyɛnpe menyi be Ebɔrɛ na. Ma e wɔtɔ menyi eleŋ nsaa kaŋɛ, ‘Men sa maa lɔ kufu; meeŋ chɛ menyi to.’ ”

Aizaaya 44:6

Enyɛnpe Ebɔrɛ nɛ e bee ji kuwura Israɛl so nsaa kuŋ kumo na e kaŋɛ le: “Ma e la sososo nɛ lalaloge; n nawule e la Ebɔrɛ. Ma kaman, Ebɔrɛ kikɛ maŋ wɔtɔ.

Aizaaya 46:4

Ma e la menyi be Ebɔrɛ nsaa beeŋ keni menyi so n ya fo fanɛ menyi ka beeŋ ya bel n fuli amu. Ma e to menyi nsaa keni menyi so; meeŋ chɛ menyi to nseŋ kuŋ menyi nɛ shɛŋ shɛŋ maaŋ wora menyi.”

Jɛremaya 32:27

“Ma, e la Enyɛnpe Ebɔrɛ nɛ e bee ji durnya kikɛ so kuwura na. Shɛŋ shɛŋ maŋ du ma so kpakpa.

Danɛl 6:26

N yili mbra ashi ma efuli so kikɛ nna fanɛ ekama e baa ŋana Danɛl be Ebɔrɛ na nsaa sa mo bunyaŋ. Mo e la Ebɔrɛ nɛ e wɔ ŋkpa to na. Mo alɛ bee ji kuwura nna hale mbaanaayɔ. Mbe kuwurji maa ba nɛ kemur kikɛ. Mo alɛ be eleŋ maa loge kikɛ.

Hoziya 11:9

M maaŋ naŋ kaa agbo m mur Israɛlebi kikɛ; ŋkpal manɛ so, n la Ebɔrɛ nna, mannɛ dimɛdi. N la Ebɔrɛ nɛ n du cheembi nna a wɔ bumo to. M maaŋ kaa agbo m ba bumo so kikɛ.

Habakuk 1:12

O Enyɛnpe Ebɔrɛ, fo la Ebɔrɛ nna sososo na kikɛ. Fo e la ma Ebɔrɛ nɛ fo du cheembi nsaa wɔtɔ mbaanaayɔ. Enyɛnpe, ma Ebɔrɛ nɛ ma ekumpo, fo e lara Babilɔnebi na n shin nɛ b nya eleŋ saŋɛ na so baaŋ gberge anyi kusoe.

Nɔmbɛs 23:19

Ebɔrɛ maŋ la dimɛdi nna a ku efɛ ŋko nyiŋgbasa a chɛrga mbe nfɛra, kusɔ kama nɛ e nase kɔnɔ fanɛ e beeŋ wora, mo alɛ beeŋ wora kumo. E bee malga nna nɛ k bee wora.

Romebi 5:10

An daa la Ebɔrɛ mo doŋana nna, ama e bɔla mo Pibinyɛn Kristo be luwu na so n shin nɛ anyi nɛ mo naŋ nyalɛ. To, nɛ naniere anyi nɛ mo ka nyalɛ ere bre nɛ e maaŋ bɔla Kristo be ŋkpa na so m mɔlga anyi kachako a?

Filipaiebi 1:6

Amoso, m baa nyi fanɛ Ebɔrɛ nɛ e baŋ fara le be kushuŋ lela menyi to ere beeŋ shin nɛ k baa wɔ menyi to loŋ n ya loge nɛnɛ kachɛ nɛ Kristo Yesu beeŋ naŋ ba na.

Hibruwebi 13:8

Ndere nɛ kabre nɛ saŋkikɛ, Yesu Kristo wɔ ŋkpa to nna mbaanaayɔ. E maa chɛrga kikɛ.

Hibruwebi 6:18

Naniere an nya asɔ anyɔ nɛ a maaŋ tiŋ n chɛrga, ŋkpal manɛ so, Ebɔrɛ maaŋ tiŋ ŋ ku efɛ kikɛ. Asɔ anyɔ na so nɛ anyi nɛ an shuli m mata Ebɔrɛ na beeŋ nya kagbene a kɔ kumɔlga be tama nɛ k wɔ anishito na to kpakpa.

Jeems 1:17

Kelela be yiri kikɛ nɛ kakɛ lela kikɛ bee shi ebɔrɛso nna a ba. Ebɔrɛ nɛ e to kefulto na kutɔ nɛ asɔ na kikɛ bee shi a ba. Ebɔrɛso be kefulto bee kaa chɛrga a bar tentembiri, ama Ebɔrɛ bre maa chɛrga kikɛ.

Kelaraŋŋini 1:8

Enyɛnpe Ebɔrɛ na yɛ: “Ma e la Alfa nɛ Omega, Enyɛnpetale mo nɛ e daa wɔtɔ nseŋ kraa wɔtɔ nseŋ naa ba na.”

Kelaraŋŋini 22:13

Ma e la Alfa nɛ Omega, Faraŋko nɛ Lalaloge nɛ Ejuŋkparpo nɛ Emantopo na.

1 Samuɛl 15:29

Israɛl be Ebɔrɛ nɛ e kɔ kemaŋkura na maa ku efɛ ŋko a chɛrga mbe nfɛra, ŋkpal manɛ so, e maŋ la dimɛdi.”