Malakai 3:5 - EBƆRƐ BE KAWƆL

⁵ Enyɛnpetale yɛ: “Mee ba nɛ m ba ji ŋkilgiwuraana nɛ basa nɛ baa ji kesakalea nɛ bumo nɛ baa ji efɛ be eshɛda nɛ bekama nɛ baa puni bumo be beshumpo kakɔka to na nɛ bumo nɛ baa tɔrɔ bekulpoche nɛ amunibi nɛ befɔ nɛ bumo nɛ b maŋ kɔ bunyaŋ n sa ma na demu.”

Malakai 3:5 ပူးပေါင်းရင်းမြစ်များ

Jɛnesis 20:11

Ndoŋ nna nɛ Eebraham kaŋɛ: “N daŋ fɛ nna fanɛ esa kama maaŋ baa wɔ nfe nsaa nyi Ebɔrɛ kashenteŋto, amoso abaanaaworasheŋ baaŋ mɔ ma nseŋ ta ma eche.

Jɛnesis 42:18

Kumo be kachɛ sasopo nɛ Josɛf kaŋɛ bumo le: “Mee ŋana Ebɔrɛ nna, amoso men wora kesheŋ nɛ mee shin nɛ ŋ kaŋɛ menyi ere nseŋ nya men be amu.

Nehemaya 5:15

Egomena kama nɛ b juŋkpar na daa tɔrɔ basa na nna ga. B daa sɔ gbiti be ndarbi adena nna a tɔ ajibi nɛ asɔnuuso karechɛ kikɛ nna. Bumo be nyɛrbi gba daa tɔrɔ basa na nna, ama ŋkpal ma ere ka bee ŋana Ebɔrɛ na so nɛ ma kebaawɔtɔ daa kɔr bumo to na.

Job be kawɔl 31:12

nɛ k beeŋ mur ma nseŋ shin nɛ ma adɔjibi e ji edɛ.

Job be kawɔl 7:2

An du fanɛ anya nɛ baa fin kiyoyul nɛ b chena to n wushi nna; An la beshumpo nɛ anyee jo anyi be kakɔka kenishipereso nna.

Nshɛ 36:1

Belubiworapo maa sa Ebɔrɛ bunyaŋ. Alubi nawule be asheŋ nɛ baa fɛ ashi bumo be ŋgbene to.

Nshɛ 81:8

O ma basa, men nu ma kasokpele ere. Israɛlebi, n daa beeŋ baa sha fanɛ men nu n sa ma!

Nshɛ 96:13

n sa Enyɛnpe Ebɔrɛ na. E bee ba nɛ e ba bɔla ekpa niŋiso nɛ kashenteŋ so nna n ji basa nɛ b wɔ durnya to demu.

Nshɛ 98:9

Ŋkpal manɛ so, mo e naa ba nɛ e ba ji kuwura kasawule so. E beeŋ ba bɔla ekpa niŋiso so n ji esa kama nɛ e wɔ kasawule so demu nɛ e maŋ kpɛa ekama to.

Ɛksodɔs 1:17

Ama beche nɛ b daa keta kakurge na daa kɔ kabɔrɛŋana nna, amoso b daŋ kini kewora kusɔ nɛ Ijipt be ewura na kaŋɛ bumo na nna, nseŋ daa yige mbinyɛnsobi na gba.

Ɛksodɔs 18:21

Ama a daga fanɛ fo lara benyɛn nɛ b kɔ kabɔrɛŋana nsaa la basa nɛ esa beeŋ tiŋ n yirda nɛ baaŋ tiŋ n shuŋ fo kushuŋ ere ashi basa na to. Shin nɛ b ki bejuŋkparpo a keni basa kagboŋ kagboŋ so nɛ basa kalfa kalfa so nɛ basa adununu so nɛ basa kudu kudu so.

Ɛksodɔs 20:7

Men sa maa ta Enyɛnpe Ebɔrɛ be ketre a wora asheŋ lubi. Men sa maa bɔ Enyɛnpe Ebɔrɛ be ketre na chilchil, ŋkpal manɛ so, Enyɛnpe Ebɔrɛ maaŋ yige m paŋ esa kama nɛ e kɔ mbe ketre a wora a wora asheŋ lubi kikɛ.

Ɛksodɔs 22:20

Esa kama nɛ e lara sarga n sa kegbir kama m baŋ ma, Enyɛnpe Ebɔrɛ so, b mɔ mo.

Aŋasa 16:6

Fo baa kɔ kasonu nɛ kashenteŋji, Ebɔrɛ beeŋ ta fo alubi m paŋ fo. Kabɔrɛŋana e naa shin nɛ esa bee ŋana kulubi.

Aŋasa 8:13

Enyɛnpe Ebɔrɛ be kesa bunyaŋ e la alubi be kekishi. Kamoowu nɛ ŋkpensheŋ, nɛ asheŋ lubi nɛ efɛ be mmalga maa par Ebɔrɛ kikɛ.

Aizaaya 57:3

Belubiworapoana ere, men ba nfe nɛ b ji menyi demu! Menyi nɛ bekpalpo nɛ kubojuajiwuraana nɛ esakale kikɛ la kukoŋwule nna.

Jɛremaya 23:10

Anebiana nɛ b maa ji kashenteŋ a sa Enyɛnpe Ebɔrɛ na e bɔlɔ kasawule na kikɛ to. Kumu kpakpaso be kebaawɔtɔ to nɛ b wɔ nsaa ta yuku nɛ b kɔ na a wora asheŋ nɛ e maŋ daga. Ŋkpal Enyɛnpe Ebɔrɛ na ka shoduu kasawule na so, k shin nɛ asɔbɔya be ejikpaana wɔl ŋ ki fanɛ keshishɛrsawule nna.

Jɛremaya 27:10

Baa fule menyi nna nɛ Babilɔn be benapo e pɛ menyi n lar men be efuli so n yɔ efuli pɔtɛ wɔfɔ so. Ma alɛ beeŋ ju menyi n lar menyi be efuli so n shin nɛ men mur cheche.

Jɛremaya 27:9

Men sa maa nu a sa menyi be anebiana ŋko basa nɛ baa kaŋɛ fanɛ bumo ere bee tiŋ a bɔla edare so ŋko a tre basa nɛ b wu be ayoyu a bishi so ŋko a kpal a wu echefoso be asheŋ a kute na. Ŋkpal manɛ so, bumo kikɛ bee kaŋɛ menyi nna fanɛ men sa maa nu a sa Babilɔn be ewura Nebukadneeza.

Jɛremaya 42:5

Ndoŋ nna nɛ b kaŋɛ ma le: “Enyɛnpe Ebɔrɛ na gbagba e naaŋ baa la anyi be kashenteŋ be shɛdajipo fanɛ an nase kɔnɔ fanɛ anyeeŋ wora kusɔ kama nɛ e beeŋ bɔla fo so ŋ kaŋɛ anyi.

Jɛremaya 5:2

Menyee kaŋɛ fanɛ Enyɛnpe Ebɔrɛ na nɛ menyee shuŋ, ama kumo alɛ maŋ shi menyi be ŋgbene to.

Jɛremaya 5:29

Ma, Enyɛnpe Ebɔrɛ na beeŋ gberge bumo kusoe ŋkpal asheŋ ere kikɛ so. Meeŋ wora n tal efuli na kikɛ be basa to.

Levitikɔs 19:13

Sa maŋ kaŋ ji fo barkasa durmu ŋko n suge mo. Sa maŋ kaŋ mɔn esa nɛ fo ber paa mbe kakɔka, sa maŋ shin nɛ kare a chɛ kumo so gba.

Levitikɔs 20:10

Nɛ enyɛn di mo barkasa be eche, mo nɛ eche na kikɛ ji kubojua nna na nseŋ daga luwu.

Levitikɔs 20:27

Esa kama nɛ e yɛ mo ere bee tiŋ a malga bubuni kutɔ a kpal nna, e daga fanɛ b kpa mo ajembu m mɔ nɛ mbe luwu be turju a baa bɛ mo.”

Levitikɔs 20:6

Esa kama nɛ e beeŋ yɔ ekpalpo kutɔ n ya bishi so, meeŋ pal kaman n sa mo nɛ e maaŋ naa ti ma basa so.

Maika 1:2

Menyi basa nɛ men wɔ durnya ere be efuliana kikɛ so e nu nfe! Menyi basa kama nɛ men wɔ kasawule ere kikɛ so gba e nu asheŋ ere! Enyɛnpetale Ebɔrɛ nɛ e wɔ mbe bɔrɛlambu cheembi to na, e naa shin nɛ e ji shɛda ŋ gbiti menyi.

Habakuk 1:12

O Enyɛnpe Ebɔrɛ, fo la Ebɔrɛ nna sososo na kikɛ. Fo e la ma Ebɔrɛ nɛ fo du cheembi nsaa wɔtɔ mbaanaayɔ. Enyɛnpe, ma Ebɔrɛ nɛ ma ekumpo, fo e lara Babilɔnebi na n shin nɛ b nya eleŋ saŋɛ na so baaŋ gberge anyi kusoe.

Zakareya 11:12

Kumo be kaman nɛ ŋ kaŋɛ bumo le: “Nɛ menyee sha, menyeeŋ tiŋ n ta ma kakɔka n sa ma. Ama nɛ menyi maaŋ sa, men baa kɔ.” Ndoŋ nna nɛ b sa ma gbiti be ndarbi adesa fanɛ amo e la ma kakɔka.

Malakai 1:6

Le nɛ Enyɛnpe Ebɔrɛ daŋ kaŋɛ bɔrɛmatapoana na: “Kebia bee bunyaŋ mo tuto nna nɛ kayɛrbi malɛ bee sa mo nyɛnpe bunyaŋ. N la men tuto nna, nɛ manɛ e ba nɛ menyi maa bunyaŋ ma? N la men nyɛnpe nna, nɛ manɛ e ba nɛ menyi maa sa ma bunyaŋ? Men keni ma jiga, ama menyi alɛ kraa bishi fanɛ nuso nɛ an keni fo jiga?

Malakai 2:14

Menyee bishi kusɔ nɛ k ba nɛ e maŋ naa sɔ menyi be ŋkɛ. Ŋkpal e ka pin fanɛ men kini men be kebrantiɛ to be beche so. Men nase kɔnɔ fanɛ bumo e naaŋ baa la menyi be beche kilso. Men nase kɔnɔ Enyɛnpe Ebɔrɛ be anishito fanɛ menyeeŋ baa ji kashenteŋ a sa bumo, ama men kini kebɛ loŋ be kɔnɔ naseso na so.

Malakai 2:17

Men shin nɛ menyi be mmalga fi Enyɛnpe Ebɔrɛ, ama le nɛ menyee bishi: “Nuso nɛ anyi be mmalga wora n fi mo? Ŋkpal men ka bee kaŋɛ fanɛ Enyɛnpetale na bee fɛ fanɛ belubiworapo bre e walɛ so, nseŋ naa kaŋɛ fanɛ bumo be asheŋ bee par mo so.” Kumo be kaman nɛ men naa kaŋɛ le: “Nnɛ nɛ Ebɔrɛ nɛ e bee ji asheŋ nɛ amo be ekpa so na wɔ?”

Luuk 23:40

Nɛ eyu nyɔsopo na fiɛ mo barkasa na so m bishi mo le: “Keni, fo maa ŋana Ebɔrɛ nna a? Ŋko fo maŋ wu kananɛ fo nɛ mo kikɛ wɔ luwu be kasogberge koŋwule to a?

Romebi 3:8

Le be kamalga koŋwule ere malɛ so nɛ basa ko bee yili so a ku anyi kɔnɔ a kaŋɛ fanɛ loŋ nɛ anyee kaŋɛ na. B yɛ: “Men shin nɛ an baa wora alubi nɛ a baa ki alela.” Loŋ be basa be kasogberge baŋ daga bumo nna.

Ditɛronɔmi 15:13

Nɛ menyi alɛ baŋ yige bumo fanɛ b baa yɔ, men sa maŋ shin nɛ b ta enɔfuloŋ a yɔ.

Ditɛronɔmi 18:10

Men sa maŋ kaa chɔɔ menyi be mbia ebɔrɛsure so a lara esarga. Menyi alɛ e sa maŋ shin nɛ menyi be basa e baa kpal ŋko a kɔ mputi ŋko a to akprambi ŋko a kre mbre. Kumo be kaman men sa maŋ kaa malga bubuni kutɔ a bishi so a fin kenu kusɔ ko bumo kutɔ.

Ditɛronɔmi 24:17

Men sa maa mɔn befɔ nɛ amunibi kusɔ nɛ k daga bumo kikɛ. Menyi alɛ e sa maa sɔ ekulpoche be kusɔbuuso a yili tarma pɔɛŋ nsaa sa mo mpaŋ.

Ditɛronɔmi 27:19

Nɛ b naŋ kaŋɛ, “Ebɔrɛ be kɔnɔsho beeŋ ba esa kama nɛ e beeŋ mɔn befɔ nɛ amunibi nɛ bekulpoche kashenteŋ na ŋkpal basa nɛ b la so.” Nɛ basa nɛ b yil Ebal be kebee so na e kaŋɛ: ‘Amɛn!’

Ditɛronɔmi 5:11

Men sa maŋ kaŋ ta ma ketre n wora asheŋ lubi kikɛ, ŋkpal manɛ so, ma Enyɛnpe Ebɔrɛ na beeŋ gberge ekama nɛ e beeŋ ta ma ketre n wora kusɔ nɛ k maŋ daga na kusoe.

1 Tɛsalɔnikaebi 4:6

Amoso, ekama e sa maŋ kaŋ wora kulubi kikɛ ŋ gbiti mo barkasa ŋko m puni mo. An chɛr m malga le be kamalga kenishipereso n sa menyi fanɛ ekama nɛ e wora le be asheŋ, Enyɛnpe na beeŋ gberge mo kusoe.

Hibruwebi 13:4

A daga fanɛ ekama e baa bunyaŋ kakil nsaa maŋ ta eyurpi a wɔ kakil to, ŋkpal manɛ so, Ebɔrɛ beeŋ gberge bekama nɛ b kɔ kesakalea nɛ bekama nɛ b wɔtɔ a kɔ kusɔjigaya be kebaawɔtɔ kusoe.

Jeems 5:12

Ŋ kurgepoana, men baa nyiŋi le be kenishipere be kamalga ere fanɛ saŋkama nɛ men baŋ kaŋɛ fanɛ menyee wora kesheŋ, men sa maa bɔ a ti so. Men sa maa ta ebɔrɛso ŋko kasawule so be ketre ŋko kusɔ kikɛ be ketre a bɔ. Men shin nɛ men be mm e baa la mm nɛ men be m-m e baa la m-m. Nɛ menyee wora loŋ, men maaŋ wora n da so nɛ Ebɔrɛ e ji menyi demu.

Jeems 5:4

Basa nɛ men shin nɛ b dɔ menyi, men kini keka bumo nɛ baa shu a ŋini basa kikɛ, bumo nɛ men ber paa nɛ b teŋi men be asɔ na gba be eyur nyaŋ bumo nɛ baa shu, bumo be kushu na malɛ luri Ebɔrɛ be asoe to.

Kelaraŋŋini 21:8

Ama befupo bre nɛ bumo nɛ b maa yirda na nɛ basa jiga nɛ bemɔpo nɛ kesakaleasheŋ wuraana nɛ bumo nɛ baa wora ŋ kilgi nɛ agbirshumpoana nɛ befɛpo kikɛ bre kikɛ be kaboŋ e la edɛ be kepa nɛ jɛrbi wɔ kumo to a chɔɔ na to. Ndoŋ be luwu e la luwu nyɔsopo na.”

Kelaraŋŋini 22:15

Bumo nɛ b la njɔnɔ nɛ basa nɛ baa wora ŋ kilgi nɛ kesakaleawuraana nɛ bemɔpo nɛ agbirshumpoana nɛ esa kama nɛ e bee sha nsaa bɛ efɛsheŋ kama so na nawule e maŋ wɔ kadegboŋ na to.