Malakai 3:4 - EBƆRƐ BE KAWƆL

⁴ Nɛ kumo be loŋ e shin nɛ Juda nɛ Jerusalɛm be basa be esarga nɛ b ta a bar Enyɛnpe Ebɔrɛ na e baa par mo fanɛ kananɛ a daa du dra na.

Malakai 3:4 ပူးပေါင်းရင်းမြစ်များ

1 Kronikɛls 15:26

Ŋkpal Ebɔrɛ ka daŋ chɛ Livaiebi na to nɛ b tiŋ n sulɔ Enyɛnpe be ŋkre be deka na so, egbolu ashunu nɛ ekpakpa ashunu nɛ b daŋ ta n lara sarga n sa Enyɛnpe Ebɔrɛ na.

1 Kronikɛls 21:26

E daŋ pɔr bɔrɛsure ndoŋ nna n sa Enyɛnpe Ebɔrɛ nseŋ lara esarga chɔɔso nɛ kɔnɔkoŋwuleso be esarga, nɛ Enyɛnpe Ebɔrɛ shin nɛ edɛ shi esoso m ba chɔɔ sarga na ashi bɔrɛsure na so.

2 Kronikɛls 1:6

Ewura Sɔlɔmɔn ta asɔbɔya kagboŋ nna n chɔɔ n lara sarga danyaŋ be bɔrɛsure na so n sa Enyɛnpe Ebɔrɛ.

Nshɛ 51:17

Esa be kagbene be kejija mo ga ŋkpal alubi so e naa bɔlɔ fo kenishi.

Nshɛ 51:19

Saŋɛ na so baaŋ lara esarga cheembi nɛ esarga chɔɔso nɛ a bee par fo, nseŋ ta egbolu n lara sarga n sa fo.

Aizaaya 56:7

“Meeŋ bar menyi ma kebee cheembi nɛ baa tre Zayɔn nɛ k wɔ Jerusalɛm na so m ba sa menyi kagbenewushi ashi ma bɔrɛlambu to. Ma alɛ beeŋ sɔ menyi be esarga nɛ menyeeŋ lara ashi ma bɔrɛsure so. Ma bɔrɛlambu beeŋ baa la kabɔrɛkule be kakpa n sa efuli kama so be basa.”

Zakareya 8:3

Meeŋ naŋ bɛta m ba chena Zayɔn be kebee na so ashi Jerusalɛm to. Aloŋ nɛ ekama beeŋ pin fanɛ Jerusalɛm la ma beyirdapo be kadegboŋ nna nɛ Zayɔn malɛ la ma kebee cheembi.