Malakai 3:2 - EBƆRƐ BE KAWƆL

² Kachɛ nɛ e beeŋ ba na wanɛ e naŋ tiŋ m ba mbe anishito? E kaŋ lar a ba, wanɛ bre e naŋ pete? E beeŋ baa du fanɛ kɔya nɛ b kɔ a fɔr asɔ nna ŋko edɛ nɛ baa ta a ŋalga abɛlso a lara eyurpi nna.

Malakai 3:2 ပူးပေါင်းရင်းမြစ်များ

Jɛnesis 19:28

n ya yili ndoŋ ŋ keni Sodɔm nɛ Gomɔra nɛ ketaŋɛ na to kikɛ be kaba so n wu edishi ka bee kaa kululu kasawule na so fanɛ kananɛ kupuŋ bee chɔɔ nɛ edishi bee lar na.

Job be kawɔl 28:1

Mboŋ nɛ baa kur kasawule a lara shuwa nɛ gbiti wɔtɔ nna, nɛ kakpa nɛ baa ŋalga amo to a lɔŋɛ amo so malɛ gba wɔtɔ.

Nshɛ 130:3

Nɛ fo Enyɛnpe Ebɔrɛ na daa sibɛ alubi a nase nna, esa kikɛ daa maaŋ ji n lar fo demuji to.

Nshɛ 2:7

Nɛ ewura na kaŋɛ le: “Meeŋ bɔ kɔnɔ nɛ Enyɛnpe Ebɔrɛ na nase n sa ma na be kubɔya.” E yɛ: “Fo e la m pibinyɛn na; kabre, ŋ ki fo tuto.

Nshɛ 76:7

Fo Enyɛnpe Ebɔrɛ na e daga fanɛ ekama e baa ŋana fo. Fo baŋ nya agbo, esa kikɛ maaŋ tiŋ n yili fo anishito.

Aŋasa 25:4

Baa lara gbiti be eyurpi nna pɔɛŋ nsaa ta kumo a lɔŋɛ asɔ lela.

Aizaaya 1:18

Ade be kaman nɛ Enyɛnpe Ebɔrɛ na naŋ kaŋɛ le: “Naniere, men shin nɛ an ji kesheŋ na. Kulubi shin nɛ men pere kpeŋ fanɛ ŋklaŋ, ama meeŋ fɔr menyi so nɛ men fuli parr a chɔ ateebi.

Aizaaya 33:14

Kufugboŋ beeŋ tɔr Jerusalɛm be basa lubi nɛ b maa ŋana Ebɔrɛ na so nɛ b baa chicha. B yɛ: “Ebɔrɛ be demuji du fanɛ edɛ nɛ k bee chɔ a maa duŋ nna. Anyi to be beko beeŋ tiŋ n luri edɛ ere to n lar nɛ anyi maaŋ wu a?”

Aizaaya 4:4

Enyɛnpe Ebɔrɛ na beeŋ bɔla mbe eleŋgboŋ so n ji efuli na demu nseŋ fɔr Jerusalɛm be kewora n jija nɛ basa nɛ b mɔ na be ŋklaŋ n lɛ nɛ efuli na e naaŋ nyalɛ so ashi asheŋ lubi be kaplɛa so.

Jɛremaya 2:22

Nɛ men ta kɔya lela m bɛr ŋ gbiti menyi be eyur so nɛnɛ gba, ŋ kraa beeŋ wu alubi nɛ a shin nɛ men wora n jija ma anishito na ashi menyi so.

Ezikɛl 22:14

Ma agbo kaŋ ba fo basa ere so, b maŋ naa kɔ kenyɛn nseŋ nya eleŋ m maŋ enɔ so gba. Ma Enyɛnpetale Ebɔrɛ na e kaŋɛ, ma alɛ beeŋ wora kumo.

Danɛl 11:35

Ebɔrɛ beeŋ bɔla tɔrɔ nɛ benyiashempo juŋkparpoana na be beko beeŋ luri to na so n shin nɛ b fɔrso n nyalɛ so a jo lalaloge be saŋɛ nɛ k bee ba saŋɛ nɛ Ebɔrɛ yili na.

Jowɛl 2:11

Enyɛnpe Ebɔrɛ na bee kaa ponte to nna a juŋkpar mbe benapo, nɛ b kɔ eleŋ nsaa shi nɛ esa maaŋ tiŋ ŋ karga bumo na, nɛ baa nu a sa mo. Yee, Enyɛnpe Ebɔrɛ be kachɛ na beeŋ lubi pasaa! Wanɛ e naaŋ nya ŋkpa loŋ be kachɛ na bre?

Nahum 1:6

E baŋ nya agbo, esa kikɛ maaŋ pete. Esa kikɛ maaŋ tiŋ ŋ gelge mbe agbogboŋ na. Mbe agbo du fanɛ edɛ nna a pante afalta nɛ a bee bure to a ki eshishɛr.

Zakareya 13:9

Katuŋ koŋwule nɛ b ka na gba, meeŋ wora bumo ŋ keni nseŋ lɔŋɛ bumo so fanɛ kananɛ baa ta shuwa ŋko gbiti a wɔtɔ edɛ to a lɔŋɛ amo so na. Kumo be kaman pɔɛŋ nɛ baaŋ kule ma nɛ n nu n sa bumo nseŋ kaŋɛ bumo fanɛ b la ma basa nna, nɛ bumo alɛ e bugi to ŋ kaŋɛ fanɛ ma, Enyɛnpe Ebɔrɛ na, e la bumo be Ebɔrɛ.”

Malakai 4:1

Enyɛnpetale na yɛ: “Kachako bee ba nɛ basa nɛ b kpeŋ nɛ belubiworapoana kikɛ e chɔɔ fanɛ atuweklaŋ. Kumo be kachɛ na baaŋ chɔɔ m mur cheche nɛ bumo be kusɔ kama maaŋ ka.

Matiu 25:10

B ka wɔ ekpa to a yɔ nɛ b ya tɔ keresin na nɛ kejafɔ mo kul na malɛ ba. Ndoŋ nna nɛ bumo nɛ b daŋ wora shiriya na tu kejafɔ mo kul na n luri nɛ b ya ji kejafɔ to be kejigboŋ na. Kumo be kaman nɛ b ti ebu na be kabuna.

Maak 9:3

Nɛ mbe asɔbuuso fuli to parr a kpa edɛ. Durnya to be esa kikɛ daa maaŋ tiŋ n shin nɛ a fuli to a kpa edɛ kananɛ a daŋ fuli to na.

Luuk 2:34

Amo be kaman nɛ Simiɔn nɛfa bumo nseŋ kaŋɛ kebia na mo nio Mɛɛri: “Ebɔrɛ e lara kebia ere nɛ e shin nɛ Israɛlebi be bedamta e foe Ebɔrɛ be ekpa so nɛ bedamta malɛ e pin Ebɔrɛ be ekpa na. E beeŋ ba kaa la Ebɔrɛ be tɔɔnɛ nɛ basa damta e malga ŋ gbiti mo,

Luuk 21:36

Amoso, men baa da so saŋkama a kule Ebɔrɛ eleŋ nɛ menyeeŋ tiŋ n ta n luri asheŋ nɛ a beeŋ wora ere kikɛ to n lar nseŋ tiŋ m ba yili ma, Nyiŋgbasa Pibinyɛn be anishito.”

Luuk 3:17

E du fanɛ esa nɛ e kɔ kawie chela asɔ to nna a chela asɔ to. E beeŋ chela mbe ayu to n ta amo be alela n wɔtɔ mbe kapuro to nseŋ ta amimi na n wɔtɔ edɛ nɛ a maa duŋ to.”

Luuk 3:9

Men du fanɛ ndibi sɔrso nna. Kekama nɛ k maa sɔr asɔrso lela, kekpanfu tea wɔtɔ epul na to nɛ b ta ŋ ku kumo be kaseto n lɛ nseŋ ta kumo n wɔtɔ edɛ to.”

Luuk 7:23

Kagbenefuli la ekama nɛ e maa wora ma shikashika peya nna.”

Baru lela nɛ Jɔn kute na 8:55

Men maŋ nyi mo, ama ma ere nyi mo. Nɛ ŋ kaŋɛ fanɛ m maŋ nyi mo, meeŋ baa la efɛpo fanɛ menyi, ma ere nyi mo nsaa ta mbe mmalga a wɔtɔ ma kagbene to.

Hibruwebi 12:25

Men baa de so nsaa maŋ kaŋ kini kenu esa nɛ e bee malga na be mmalga na. Basa nɛ b daŋ kini kenu durnya ere to be ebɔl nɛ k daŋ fiɛ bumo so na daa maŋ tiŋ ŋ gelge bumo be kasogberge. Nɛ ebɔl ka shi ebɔrɛso ba fiɛ anyi ere so nɛ an kini kenu, nuso nɛ anyeeŋ wora ŋ gelge kumo be kasogberge!

Kelaraŋŋini 19:8

E nya wajɛ fuful lela nyɛkpɛso nɛ k walɛ so nɛ e buu. Kusɔbuuso lela na e naa yili fanɛ Ebɔrɛ be basa laraso be alelasheŋ be aworbi.”

Kelaraŋŋini 2:23

Ma alɛ beeŋ naŋ shin nɛ mbe mbia e wu n wu nɛ asɔriana na kikɛ to ebi e pin fanɛ ma e la esa nɛ e bee mige ŋgbene nɛ nfɛraana to a wu amo to na. Ma alɛ beeŋ ka ekama be kusɔ nɛ e wora kikɛ be kukɔ.

Kelaraŋŋini 6:17

Ŋkpal manɛ so, kachɛgboŋ nɛ k la bumo be agbo be kachɛ na fo nɛ wanɛ malɛ e naaŋ tiŋ n yili bumo be anishito?”

Kelaraŋŋini 7:14

Ndoŋ nna nɛ ŋ kaŋɛ mo le: “Ebunyampo, fo e nyi.” Nɛ e kaŋɛ ma: “Bumo e la basa nɛ b ji n lar tɔrɔgboŋ to na nseŋ fɔr bumo be epiŋi n ta amo n wɔtɔ Kpakpafɔlbi na be ŋklaŋ to nɛ a fuli parr na.

1 Samuɛl 6:20

Ndoŋ nna nɛ Bɛf Shimɛsh be benyɛn na bishi abar le: “Wanɛ e naŋ tiŋ n yili Enyɛnpe Ebɔrɛ cheembi ere be anishito n ji efute? K daga fanɛ an lara ŋkre be deka ere nfe, ama nnɛ nɛ anyeeŋ yɛr kumo?”