Malakai 3:17 - EBƆRƐ BE KAWƆL

¹⁷ Enyɛnpetale na yɛ: “Baaŋ baa la ma basa. Kachɛ nɛ ŋ gbagba beeŋ ba ji asheŋ nɛ amo be ekpa so na meeŋ kuŋ bumo fanɛ kananɛ etuto bee kuŋ ebi nɛ e kɔ kasonu n sa mo na.

Malakai 3:17 ပူးပေါင်းရင်းမြစ်များ

Nehemaya 13:22

Kumo be kaman nɛ ŋ kaŋɛ Livaiebi na fanɛ b baa wora bumo be amu cheembi nsaa kuŋ Jerusalɛm be kadegboŋ na be mbuna na Kewushiachɛ kikɛ, saŋɛ na so basa beeŋ ta kumo ŋ ki kachɛ cheembi nsaa sa kumo bunyaŋ. Ebɔrɛ la ewɔrwupo nna, mee kule mo fanɛ e wu ma kuwɔr nseŋ nɛfa ma ŋkpal kusɔ nɛ mee wora ere so.

Nshɛ 115:13

E beeŋ nɛfa bekama nɛ baa bunyaŋ mo na; bewurjipo nɛ bebɔlpo kikɛ.

Nshɛ 135:4

Ŋkpal manɛ so, mo e lara an nananyɛn Jeekɔb be kaman to ebi, nɛ b la Israɛl be basa na, fanɛ b baa la mo gbagba be basa.

Ɛksodɔs 19:5

Amoso naniere nɛ men baŋ wora kasonu cheche n sa ma nseŋ bɛ ma kɔnɔkoŋwule be ŋkre na so bre, menyeeŋ baa kraa la ma basa gbagba nɛ mee sha ga ashi basa kikɛ to na. Kasawule ere kikɛ la meya nna.

Ɛksodɔs 32:32

Jande ta bumo be alubi m paŋ bumo, nɛ loŋ maaŋ tiŋ n wora, kumo ere fo lara ma ketre ashi kawɔl nɛ fo sibɛ fo basa be atre n wɔtɔ na to.”

Sɔlɔmɔn 2:16

Ma eshapo la meya nna, nɛ ma alɛ gba la mo peya; Atoto nɛ baa tre lili na be kakpa nɛ e bee yɛr mbe asɔbɔya kejito.

Aizaaya 4:2

To, jemanɛ ko bee ba nɛ Enyɛnpe Ebɔrɛ na e shin nɛ adɔjibi nɛ ndibi kikɛ e daŋ n nyalɛ a walɛ. Saŋɛ na so nɛ Israɛl be basa kama nɛ baaŋ ji efute na be ŋgbene e fuli kasawule na be adɔjibi so nɛ b baa puchi amo so.

Aizaaya 43:1

Israɛl be basa, Enyɛnpe Ebɔrɛ nɛ e to menyi na yɛ: “Men sa maa lɔ kufu, meeŋ mɔlga menyi. Ma e ti menyi be atre n tre menyi. Men la ma basa nna.

Aizaaya 43:21

B la basa nɛ n to bumo n sa ma kumu nna, nɛ b baa boŋ nshɛ a kpaŋ ma!”

Jɛremaya 31:20

Israɛl be basa, menyi e la ma mbia nɛ mee sha ga. Kashenteŋ nna fanɛ mee kaa malga a gbiti menyi kenishipereso, ama ma alɛ kraa nyiŋi menyi be asheŋ. Amoso ma kagbene kraa wɔ menyi so. Ŋ kraa beeŋ wu menyi kuwɔr. Ma Enyɛnpe Ebɔrɛ e kaŋɛ na.

Jɛremaya 31:33

Kɔnɔkoŋwule be ŋkre popɔr nɛ ma nɛ Israɛl be basa beeŋ wora na e la fanɛ, meeŋ ta ma mbra n wɔtɔ bumo be nfɛra to nseŋ sibɛ kumo n wɔtɔ bumo be ŋgbene to. Meeŋ baa la bumo be Ebɔrɛ nɛ bumo alɛ e baa la ma basa.

Ezikɛl 16:8

Ŋ ka naŋ ba wu fo nɛ m pin fanɛ naniere fo ki eche nna n loge na, nɛ n ta ŋ gbagba be kusɔbuuso m buu fo kayurkpaŋ so. Kumo be kaman nɛ n nase kɔnɔ n sa fo nseŋ bɔ ntaŋ fanɛ feeŋ baa la meya nɛ ma, Enyɛnpetale Ebɔrɛ na e baa keni fo so.

Zefanaiya 2:2

pɔɛŋ nɛ afu e foŋ menyi n ya lɛ fanɛ afɔfɔ ŋko pɔɛŋ nɛ Enyɛnpe Ebɔrɛ na be agbogboŋ na e kaa alegaiso m ba menyi so.

Zakareya 13:9

Katuŋ koŋwule nɛ b ka na gba, meeŋ wora bumo ŋ keni nseŋ lɔŋɛ bumo so fanɛ kananɛ baa ta shuwa ŋko gbiti a wɔtɔ edɛ to a lɔŋɛ amo so na. Kumo be kaman pɔɛŋ nɛ baaŋ kule ma nɛ n nu n sa bumo nseŋ kaŋɛ bumo fanɛ b la ma basa nna, nɛ bumo alɛ e bugi to ŋ kaŋɛ fanɛ ma, Enyɛnpe Ebɔrɛ na, e la bumo be Ebɔrɛ.”

Malakai 1:6

Le nɛ Enyɛnpe Ebɔrɛ daŋ kaŋɛ bɔrɛmatapoana na: “Kebia bee bunyaŋ mo tuto nna nɛ kayɛrbi malɛ bee sa mo nyɛnpe bunyaŋ. N la men tuto nna, nɛ manɛ e ba nɛ menyi maa bunyaŋ ma? N la men nyɛnpe nna, nɛ manɛ e ba nɛ menyi maa sa ma bunyaŋ? Men keni ma jiga, ama menyi alɛ kraa bishi fanɛ nuso nɛ an keni fo jiga?

Malakai 4:3

Kachɛ nɛ meeŋ ba ji asheŋ nɛ amo be ekpa so na, menyeeŋ pɔɔ belubiworapoana so nɛ b ki fanɛ menyi be aya to be shishɛr. Ma Enyɛnpetale na e malga na.

Matiu 25:34

Kumo be kaman nɛ ma, Ewura na e kaŋɛ basa lela nɛ b wɔ ma jisoso na le: ‘Menyi nɛ n Tuto nɛfa na, men ba luri kuwura nɛ b lɔŋɛ n yili menyi kasɔto be jemanɛ na kikɛ na to.

Baru lela nɛ Jɔn kute na 17:24

“Etuto, mee sha fanɛ bumo nɛ fo ta m bɔɔ ma enɔ na e ba kaa wɔ kakpa nɛ meeŋ ya kaa wɔ na n tiŋ n wu ma kemaŋkura nɛ fo sa ma ŋkpal fo ka fara a sha ma pɔɛŋ nɛ durnya jɔŋɛ na so.

Romebi 8:32

Esa nɛ e maŋ mɔn anyi mo gbagba Pibinyɛn nseŋ ta mo m bɔɔ basa enɔ ŋkpal anyi kikɛ so na, manɛ nna nɛ e maaŋ bugi kagbene n sa anyi kusɔ kikɛ n ti mo Pibi so?

1 Kɔrintebi 15:23

Ama ekama nɛ mbe saŋɛ nna, sososo Kristo nɛ e la ejuŋkparso na e tiŋi, mo alɛ kaŋ naŋ ba, bumo nɛ b la mo peya na e naaŋ tiŋi m bɛ so.

1 Kɔrintebi 6:20

Ŋkpal manɛ so, kukɔ damta nɛ Ebɔrɛ ka n tɔ menyi. Amoso, men ta men be eyurana ere a maŋkura Ebɔrɛ.

2 Kɔrintebi 6:18

Ma, Enyɛnpetale e naa yɛ menyi na fanɛ meeŋ baa la men tuto nɛ menyi alɛ e baa la ma mbinyɛnsoana nɛ mbichesoana.”

Galeeshaebi 5:24

Basa nɛ b la Kristo peya na maŋ naa shin nɛ bumo be kapɔr lubiana ere bee wɔ bumo, naniere a du fanɛ b ka ta kapɔr lubiana ere nɛ amo be asɔ sha so nɛ ayɛlgasɔ nna ŋ gbir m mata kedibi so m mɔ.

Ditɛronɔmi 14:2

Menyi ere la basa nɛ Enyɛnpe menyi be Ebɔrɛ na lara nna nɛ men baa la mo gbagba be basa ashi edimɛdi nɛ b wɔ durnya kikɛ to.

Ditɛronɔmi 7:6

A daga fanɛ men wora loŋ ŋkpal manɛ so, men la Enyɛnpe menyi be Ebɔrɛ na be basa gbagba nna. Efuli damtaana e wɔ durnya ere to, ama menyi Israɛl be basa nɛ e lara fanɛ men baa la mo gbagba be basa.

Taites 2:14

E ta mo gbagba be kumu n sa anyi nɛ e tiŋ m mɔlga anyi ashi alubisheŋ kikɛ to nseŋ ta anyi ŋ ki basa cheembi nɛ an baa la mo nawule peya m bugi kagbene a wɔtɔ a sha kebaawora alelasheŋ.

1 Pita 2:9

Ama menyi ere la kanaŋ mo nɛ Ebɔrɛ lara nna nɛ men baa la bɔrɛmatapoana nɛ b shi kuwurji be kanaŋ to nseŋ naa la kanaŋ cheembi to ebi nɛ b la Ebɔrɛ be basa gbagba nɛ men ba kute esa nɛ e tre menyi ashi tentembiri to a yɔ mo gbagba be mamachi be kefulto to na be asheŋgboŋ be asheŋ n sa basa.