Malakai 3:14 - EBƆRƐ BE KAWƆL

¹⁴ Men yɛ, ‘K la kawulisheŋ nna fanɛ esa ka beeŋ baa shuŋ Ebɔrɛ, ŋko a wora kusɔ nɛ Ebɔrɛ bee sha ŋko a kaŋɛ Enyɛnpe Ebɔrɛ fanɛ e bee kule mo alubi be ketampaŋ. Manɛ be tɔnɔ nɛ e bee nya kumo to?

Malakai 3:14 ပူးပေါင်းရင်းမြစ်များ

Job be kawɔl 22:17

Alubiworapo na daŋ kini Enyɛnpetale Ebɔrɛ na nna, a fɛ fanɛ e maŋ tiŋ n wora bumo shɛŋ.

Job be kawɔl 34:9

Ŋkpal manɛ so, e yɛ, esa baa wora Ebɔrɛ be aparsheŋ e maa nya tɔnɔ kikɛ.

Job be kawɔl 35:3

Fo maŋ yirda kashenteŋto fanɛ kewora Ebɔrɛ kasonu kɔ tɔnɔ ga a?

Aizaaya 43:22

Ade be kaman, nɛ Enyɛnpe Ebɔrɛ na naŋ kaŋɛ le: “Ama ma asheŋ gba menyi, Israɛl be basa, nna nɛ menyi maŋ naa shuŋ ma.

Aizaaya 58:3

Kumo be kaman nɛ basa na bishi le: “Manɛ nna nɛ anyee kishi nɛ Enyɛnpe Ebɔrɛ na maa wu fanɛ anyee kishi? Nɛ manɛ nna nɛ anyee bar anyi be amu kaseto nɛ mbe lakal maŋ wɔ anyi so?” Ade be kaman nɛ Enyɛnpe Ebɔrɛ na malɛ kaŋɛ bumo le: “Kashenteŋ na e la fanɛ, jemanɛ kikɛ nɛ menyee kishi menyi gbagba be aparsheŋ nɛ menyee wora nsaa mɛaŋ menyi be beshumpoana.

Jɛremaya 18:12

Ama baaŋ kaŋɛ le: ‘Ayai, manɛ so nɛ anyee yige kumo? Anyi kikɛ kraa beeŋ baa wɔ ŋgbene kpakpaso to nsaa wora asheŋ lubi kananɛ anyee sha.’ ”

Jɛremaya 2:25

Israɛl be basa, men yige kebaaju a buu agbirana so nɛ menyi be asɛbta e sa maŋ ji n loge ŋ ka menyi be aya fuloŋ, ŋko nɛ menyi be ebɔl to e sa maŋ wɔl to. Ama le nɛ men kaŋɛ: ‘Ayai, anyi maaŋ tiŋ n yige amo be kebaa shil a bɛ so. Anyee sha agbir pɔtɛana na nna ga, amoso nɛ anyee shuŋ amo kenishipereso na.’ ”

Jɛremaya 44:18

Ama baŋ yili jemanɛ nɛ an yige kebaalara esarga a sa ebɔrɛso be Ewurche na nseŋ yige kebaata yabra a to nchu a sa mo na, anyi alɛ maŋ naa kɔ shɛŋ nɛ anyi be basa malɛ naŋ wu kena to nɛ akoŋ mɔ beko.”

Hoziya 7:16

B shile ma, Enyɛnpetale Ebɔrɛ na kutɔ nna n ya buu kegbir nɛ k maŋ kɔ eleŋ kikɛ na. B du fanɛ keta nɛ esa maaŋ tiŋ n ta mbe yirda n deŋi so na nna. Ŋkpal bumo be bejuŋkparpo ka bee malga ŋkpensheŋ so so, baaŋ wu luwu nyaŋnyaŋso nɛ Ijiptebi e mushe bumo.”

Jowɛl 2:12

Ama naniere Enyɛnpe Ebɔrɛ na yɛ: “Men lar men be alubi to m bugi men be ŋgbene n sa ma kashenteŋto nseŋ ta ekishi nɛ anishichubi nɛ ŋgbenejija be kushu m bɛta m ba ma kutɔ.

Zefanaiya 1:12

Kumo be jemanɛ so, meeŋ chɔɔ fitila so n nite ŋ keni Jerusalɛm to n fin bekama nɛ asheŋ maŋ tir bumo nɛ baa kaŋɛ fanɛ Enyɛnpe Ebɔrɛ na maaŋ wora kulubi ŋko kelela na, nseŋ gberge bumo kusoe.

Malakai 3:13

Enyɛnpe na yɛ, “Men ku asheŋ lubi damta n deŋi ma, ama le nɛ menyee bishi, ‘Manɛ be asheŋ nɛ an ku n deŋi fo?’

Jeems 4:9

Men shin nɛ men be ŋgbene e baa jija menyi nɛ men baa boŋ to a shu ŋkpal men be alubi na so. Men shin nɛ men be emushe nɛ men be ŋgbenefuli e ki kushu nɛ kenawule be ŋgbenejija.