Malakai 3:12 - EBƆRƐ BE KAWƆL

¹² Nɛ efuli kama so ebi e malga kananɛ n nɛfa menyi be asheŋ ŋkpal men be kasawule ka beeŋ baa la kakpa nɛ k daga kechena so.

Malakai 3:12 ပူးပေါင်းရင်းမြစ်များ

2 Kronikɛls 32:23

Basa damta daŋ shi Jerusalɛm nna n ta bumo be esarga m ba sa Enyɛnpe Ebɔrɛ na nseŋ ta ŋkɛ malɛ m ba sa ewura Hɛzekaya. Yili loŋ be saŋɛ na efuliana kikɛ daa sa ewura Hɛzekaya bunyaŋ nna.

Nshɛ 72:17

Shin nɛ basa e baa nyiŋi ewura na be ketre mbaanaayɔ, n shin nɛ mbe kemaŋkura e baa fulto fanɛ epeŋi. Shin nɛ efuliana na be basa e bɔla mo so n dii kedama nseŋ kule Ebɔrɛ be nɛfa n sa mo.

Aizaaya 61:9

Bumo be ketre beeŋ dii a chɔ efuli pɔtɛana peya. Ekama nɛ e wu bumo beeŋ pin fanɛ b la basa nɛ Enyɛnpe Ebɔrɛ nɛfa nna.

Aizaaya 62:4

Fo ketre maaŋ naa la Kini n lɛ. Efuli na gba be ketre maaŋ naa la Eche nɛ b kini n lɛ. Ama fo ketre popɔr e naaŋ baa la Ebɔrɛ be Kagbene fuli mo so. Efuli na malɛ peya e naaŋ baa la Kagbenefuli be kakil. Ŋkpal manɛ so, Enyɛnpe Ebɔrɛ na be kagbene beeŋ fuli fo so; mo alɛ beeŋ baa la fanɛ ekul n sa fo efuli na.

Aizaaya 62:5

Kananɛ kabrantiɛbia bee wora kasuŋgurbia nɛ e maŋ nyi enyɛn kejafɔ a ta mo a ki mbe eche na nɛ Ebɔrɛ nɛ e to fo na gba beeŋ kre fo kejafɔ nɛ fo ki mbe eche. Kananɛ kejafɔ mo kul be kagbene bee fuli mbe kejafɔ so na, nɛ Ebɔrɛ gba be kagbene beeŋ baa fuli fo so.

Jɛremaya 33:9

Nɛ loŋ kaŋ wora, durnya to be efuliana be basa kikɛ beeŋ wu asɔ lela nɛ n wora n sa Jerusalɛm be basa nɛ kananɛ n sa bumo kayurwushi. Efuliana na be basa beeŋ ji eyur nseŋ kpaŋ ma m maŋkura ma, ama kufugboŋ malɛ beeŋ tɔr bumo so nɛ b baa chicha ma anishi to.’ ”

Danɛl 11:41

E beeŋ kɔ n sɔ kasawule nɛ Ebɔrɛ nase kɔnɔ fanɛ e beeŋ ta n sa Israɛl be basa na nseŋ mɔ basa ŋgboŋto ŋgboŋto, ama Edɔm nɛ Mowab bre be efuli so nɛ kusɔ kama nɛ k ka Ammɔn be efuli so na bre beeŋ nya kumɔlga.

Danɛl 8:9

Nɛ kelambɛ fimbi ko malɛ naŋ kɔr alambɛ ana na be kuko to nseŋ ji eleŋ n ya lar kelargato be kaseto be kaba so nɛ epeŋilarkpa be kaba so hale n yɔ kasawule nɛ Ebɔrɛ nase kɔnɔ fanɛ e beeŋ ta n sa mbe basa Israɛlebi na so.

Zakareya 8:23

Loŋ be jemanɛ na so, eyiri pɔtɛ nɛ efuli pɔtɛana so be basa kudu beeŋ pɛ Israɛl be esa koŋwule be kale to nsaa kaŋɛ mo le: Shin nɛ an bɛ fo so a yɔ, ŋkpal manɛ so, an nu fanɛ Ebɔrɛ wɔ men kutɔ nna.”

Malakai 3:13

Enyɛnpe na yɛ, “Men ku asheŋ lubi damta n deŋi ma, ama le nɛ menyee bishi, ‘Manɛ be asheŋ nɛ an ku n deŋi fo?’

Luuk 1:48

ŋkpal e ka wu ma alɛ ebɔlpo, mbe kenya kuwɔr so. Yili kabre mbaanaayɔ basa kikɛ beeŋ kaŋɛ fanɛ n nya nɛfa,

Ditɛronɔmi 11:12

Enyɛnpe menyi be Ebɔrɛ na gbagba e naa keni kasawule na so kafɛ kikɛ.