Malakai 3:10 - EBƆRƐ BE KAWƆL

¹⁰ Men ta menyi be kudukudusopo kikɛ m ba Enyɛnpe Ebɔrɛ be lambu to, saŋɛ na so ajibi damta beeŋ baa wɔ ndoŋ. Men wora ma ŋ keni, nɛ m bugi Ebɔrɛso be etokuro n chulgi enɛfa be yiri yiri alegaiso n sa menyi nɛ menyi maaŋ nya kakpa gba n yili amo.

Malakai 3:10 ပူးပေါင်းရင်းမြစ်များ

Jɛnesis 28:22

Amoso nɛ n yuu kejembu ere n dulgi ndoŋ nɛ k baa la fo Ebɔrɛ pe na. Kusɔ kama malɛ nɛ fo sa ma, meeŋ lara kumo be kudusopo n sa fo.”

Jɛnesis 7:11

Nowa be nfɛ alfashe to be kufɔl nyɔsopo to be kachɛ kuduashunusopo na nɛ kasawule pante a lar nchu nɛ abɔrɛwɔlpa malɛ gbu nchu fanɛ a ka kɔ mbuna nseŋ bugi nɛ nchu bee wurge na.

2 Bewura 7:19

Nɛ ewura na be laŋ to be beshumpo be enimu na malɛ kaŋɛ fanɛ hale nɛ Enyɛnpe Ebɔrɛ shin nɛ ayu wora ga gba loŋ maaŋ tiŋ n wora kikɛ. Nɛ Elaisha malɛ kaŋɛ mo le: “Feeŋ ta fo anishi n wu amo ama fo alɛ be kɔnɔ maaŋ bɛta amo!”

2 Bewura 7:2

Ndoŋ nna nɛ ewura na be benapo be enimu nɛ e bee fute a yigeso na kaŋɛ anebi Elaisha le: “Loŋ maaŋ tiŋ n wora. Hale Enyɛnpe Ebɔrɛ shin nɛ bɔrɛ ba ga nɛ ayu wora ga gba, amo be yawu maaŋ baa du loŋ.” Nɛ Elaisha kaŋɛ: “Fo anishi nɛ feeŋ ta n wu amo ama fo maaŋ ji amo be ajibi.”

1 Kronikɛls 26:20

Livaiebi nɛ bumo kurgepoana la Koora nɛ Mɛrari be mbunaebi na e daa keni bɔrɛlambu na to be ebuana nɛ baa yili amansherbi nɛ asɔ nɛ b kɔ a shuŋ Ebɔrɛ amo to na so.

Nehemaya 12:44

Loŋ be kamɔnchɛ na b daŋ lara basa ko nna fanɛ b baa keni ebuana nɛ baa yili ajibi nɛ asɔ wurbi ashi bɔrɛlambu na to na so nna. Bumo alɛ e naaŋ baa sɔ adɔjibi nɛ b juŋkpar n teŋi na nɛ adɔjibi nɛ asɔbɔya be kudu kudusopo nɛ b lara m ba sa Ebɔrɛ na. Bumo koŋwule na e naaŋ baa sɔ adɔjibi nɛ Mosis be mbra bee ŋini fanɛ b baa bar m ba kaa sa bɔrɛmatapoana nɛ Livaiebi na gba.

Nehemaya 12:47

Jemanɛ nɛ Zerubabel daa la bɔrɛmatapo nimuso nɛ ma, Nehemaya, malɛ daa la gomena ashi Juda be efuli so na, ekama ashi Israɛl be efuli so daa sa kusɔ nɛ k daga fanɛ e sa nɛ beshɛbompo na nɛ bɔrɛlambu na to be bekumpo nɛ b shi Livaiebi be yiri to na e baa nya bumo be karechɛ kikɛ be kusɔ jiso nna. Basa na daa lara ŋkɛ cheembi nna a sa Livaiebi na nɛ bumo alɛ bee lara amo to be amo nɛ a daga na a sa bɔrɛmatapoana nɛ b la Ɛɛrɔn be kaman to ebi na.

Nehemaya 13:5

E daŋ shin nna nɛ Tobaya daa wɔ ebuana na be kegboŋgboŋi nɛ baa yili asɔ be yiri yiri fanɛ esarga be aboyu nɛ duwu nɛ bɔrɛlambu na to be asɔ daŋɛso nɛ ashuŋsɔ nɛ ayu nɛ yabra nɛ ɔlif be ŋku be kudu kudusopo nɛ b bar m ba sa Livaiebi nɛ beshɛbompo na nɛ bɔrɛlambu na to be bekumpo na nɛ ŋkɛ nɛ b bar m ba sa bɔrɛmatapoana na kikɛ na to.

Nshɛ 37:3

Yirda Enyɛnpe Ebɔrɛ na, nsaa wora alelasheŋ. Saŋɛ na so feeŋ chena kasawule ere so n nya kekuŋ.

Nshɛ 78:23

Ama e daŋ naŋ malga n sa awɔlpa nseŋ daŋ bugi esoso be mbuna

Kaŋinichiŋgeliŋ 11:3

Bɔrɛwɔlpa baŋ moɛ nchu, k bee bar bɔrɛchu nna; kaplɛkama nɛ kedibi malɛ baŋ tɔr n shoŋi, ndoŋ nɛ k dese, k maaŋ naŋ tiŋ n chɛrga kumo be edesekpa.

Ezikɛl 34:26

Ade be kaman, meeŋ nɛfa bumo nseŋ shin nɛ b baa wɔ ma kebee cheembi na ase nɛ n sa bumo bɔrɛchu lela jemanɛ nɛ k daga nsaa la nɛfa na.

Ezikɛl 44:30

Adɔjibi kama nɛ b juŋkpar n teŋi nɛ kusɔ kama nɛ b ta n sa ma beeŋ baa la bɔrɛmatapoana na peya nna. Jemanɛ kikɛ nɛ basa na wora ebodobodo, a daga fanɛ b ta bodobodo nɛ b juŋkpar n wora na n sa bɔrɛmatapoana fanɛ kakɛ nɛ k bee yɔ Ebɔrɛ kutɔ, saŋɛ na so ma nɛfa beeŋ baa wɔ bumo be elaŋana so.

Hoziya 2:21

Loŋ be saŋɛ na kaŋ fo, meeŋ nu menyi be kabɔrɛkule nseŋ shin nɛ bɔrɛ e ba kasawule ere so.

Jowɛl 2:19

ŋ kaŋɛ bumo le: “Naniere bre meeŋ sa menyi adɔjibi nɛ asɔ nuuso nɛ ɔlif be asɔrso be ŋku nɛ men ji m moɛ. Loŋ na efuli pɔtɛana so ebi maaŋ naŋ fɛl menyi nseŋ wora menyi eyurto.

Jowɛl 2:24

Naniere mboŋ kama nɛ baa biri ayu na kikɛ beeŋ bɔlɔ nɛ mboŋ kama nɛ baaŋ nyaŋ asɔrso a wora greep be nsa ŋko ɔlif be ŋku na kikɛ e bɔlɔ a wurge.

Levitikɔs 26:10

Adɔjibi nɛ menyeeŋ teŋi beeŋ baa shi alegaiso hale nɛ kafɛ e bɔɔ m ba tu amo, nɛ men muu adra na n ya lɛ nseŋ nya ebu n wɔtɔ ajibi popɔr nɛ menyeeŋ teŋi na.

Levitikɔs 26:3

Nɛ menyee bɛ ma mbraana so nsaa wora kusɔ nɛ ŋ kaŋɛ kasonu,

Levitikɔs 27:30

Adɔjibi kama, fanɛ ayu ŋko asɔrso nɛ e beeŋ shi kasawule na so be kudu kudusopo kikɛ la Enyɛnpe Ebɔrɛ na peya nna.

Heegai 2:19

Kashenteŋ nna fanɛ aboyu maŋ naa wɔtɔ nɛ ndibisɔrso na malɛ be kekama maŋ naŋ sɔr asɔrso kikɛ, ama yili kabre a yɔ meeŋ nɛfa menyi.”

Nɔmbɛs 18:21

Nɛ Enyɛnpe Ebɔrɛ naŋ kaŋɛ le: “N ta Israɛlebi na be kudukudusopo kikɛ nɛ baa bar ma nna a sa Livaiebi na. Amo e la Enyɛnpe be wajɛbu na to na be kushuŋ nɛ baa shuŋ be kakɔka.

Matiu 6:33

Amoso men ta Ebɔrɛ be kuwura na nɛ mbe alelasheŋ be kasha n juŋkpar men be kebaawɔtɔ to nɛ e shin nɛ men nya asɔ na kikɛ n ti so.

Ditɛronɔmi 12:6

Loŋ be mboŋana na nɛ menyeeŋ baa lara menyi be esarga chɔɔso nɛ menyi be kudu kudusopoana nɛ ŋkɛ be yiri yiri nɛ menyeeŋ nase nnɔ n sa Enyɛnpe Ebɔrɛ na nɛ menyi be keparso be esarga nɛ ana nɛ mbolpɔ be ewurkoŋ be esarga nɛ esarga nɛ a ka na kikɛ.

Ditɛronɔmi 14:22

Israɛlebi, kafɛ kikɛ men baa lara menyi be adɔjibi to be kudu kudusopo a yili.

Ditɛronɔmi 14:29

Le be ajibi ere la Livaiebi nɛ b maŋ kɔ bumo gbagba be nsawule na, nɛ befɔ, nɛ amunibi, nɛ bekulpoche, nɛ b wɔ menyi be nde to na peya nna. Saŋɛ na so, bumo alɛ gba beeŋ nya n ji yɛlayɛlaso. Men baa wora loŋ nɛ Enyɛnpe menyi be Ebɔrɛ na e nɛfa menyi ashi kusɔ kama nɛ menyee wora to.

Ditɛronɔmi 28:12

Mo koŋwule na beeŋ bugi ebɔrɛso be mbuna n shin nɛ bɔrɛ e ba menyi jemanɛ nɛ k daga nseŋ nɛfa menyi be ashuŋ. Saŋɛ na so, efuli damtaana be basa beeŋ baa ba menyi kutɔ m ba ka paŋ menyi amansherbi ama menyi ere maaŋ yɔ efuli kikɛ so n ya paŋ shɛŋ.